Titus Lus Tawqhia
Lus Tawqhia
Titus yog Lwm Haivneeg uas tau los ntseeg Yexus Khetos, nws tau dhau los ua ib tug uas ua haujlwm pab Paulus, thaum Paulus tawm mus qhia Txoj Moo Zoo. Tsab ntawv no yog Paulus sau mus rau Titus uas yog ib tug tub hluas uas tabtom ua haujlwm pab nws nyob hauv lub povtxwv Khetes, uas nws tau muab tus tub hluas no tsotseg rau ntawd ua tus saib tes haujlwm hauv pawg ntseeg. Tsab ntawv no muaj peb lub ntsiablus tseemceeb.
Qhov ib, Paulus hais kom Titus ncontsoov txog tus cwjpwm uas cov thawjcoj hauv pawg ntseeg yuavtsum muaj, vim cov neeg Khetes coob leej muaj tus cwjpwm phem heev mas luag yuav ntsiantsoov cov thawjcoj ntawd. Qhov ob, Paulus qhia Titus seb yuav cobqhia licas rau ntau hom neeg uas nyob hauv pawg ntseeg, xwsli: muaj cov txivneej uas laus, muaj cov pojniam uas laus (rauqhov lawv yog cov uas yuav qhia cov pojniam hluas), muaj cov txivneej hluas, thiab muaj cov uas yog qhev. Qhov peb, tus sau tsab ntawv no muab tswvyim rau Titus hais txog cov ntseeg tus cwjpwm, tshwjxeeb yog qhov uas yuav ua kom muaj kev sib haumxeeb thiab kev phoojywg, thiab tsis txhob pub kom muaj kev sibntxub, kev sibcav sibceg, thiab kev tawg ua pab ua pawg nyob hauv pawg ntseeg.
Txheejtxheem
Lus tawqhia (1:1-4)
Cov tsavxwm hauv pawg ntseeg (1:5-16)
Haujlwm ntawm tej phab uas nyob hauv pawg ntseeg (2:1-15)
Lus qhuabntuas thiab ceebtoom (3:1-11)
Xaus lus (3:12-15)
Currently Selected:
Titus Lus Tawqhia: MWW2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.