Tshwmsim Lus Tawqhia
Lus Tawqhia
Phau Tshwmsim no yog Yauhas sau lub sijhawm uas cov ntseeg raug tsimtxom vim lawv ntseeg Yexus Khetos uas yog tus Tswv. Lub ntsiablus ntawm tus sau phau ntawv no yog nws xav txhawb kom cov uas nyeem tsab ntawv no muaj kev ciasiab, thiab nquahu kom lawv nyob ruaj-khov rau ntawm txoj kev ntseeg thaum lub sijhawm uas lawv raug kev txomnyem thiab kev tsimtxom.
Phau ntawv no feem ntau yog sau txog ntau zaj uas tshwm ua yogtoog thiab siv ntau yam pivtxwv los qhia, uas cov ntseeg tiam ntawd yeej totaub, tiamsis yog ib qho kev tsis yoojyim totaub rau lwmtus. Ib yam nkaus li lub ntsiablus ntawm lub suab nkauj, lub ntsiablus ntawm phau ntawv no yeej siv ntau txojkev hais mus hais los txog tej ua yogtoog ntawd. Txawm yog sawvdaws nyias muaj nyias kev totaub thiab nyias txhais nyias txawv txog tej uas tshwm nyob rau hauv phau ntawv no, los lub ntsiablus yeej meej li no: los ntawm Khetos uas yog tus Tswv, Vajtswv yuav yog tus uas kovyeej tagnrho Nws tej yeebncuab, xam Xatas huv tibsi, thiab thaum txoj kev muajyeej no tiavlog lawm, Vajtswv yuav muab nqizog rau cov neeg uas ncajncees, uas yog yuav muab lub ntuj tshiab thiab lub ntiajteb tshiab rau lawv.
Txheejtxheem
Lus tawqhia (1:1-8)
Qhib zaj yogtoog thiab cov ntawv rau xya pawg ntseeg (1:9—3:22)
Thooj ntawv uas muaj xya lub homthawj (4:1—8:1)
Xya lub rajxyu (8:2—11:19)
Tus zaj thiab ob tug tsiaj nyaum (12:1—13:18)
Ntau zaj yogtoog (14:1—15:8)
Xya lub tais uas yog Vajtswv txoj kev npautaws (16:1-21)
Npanpiloos raug puastsuaj, tus tsiaj nyaum swb, tus xibhwb cevlus cuav, thiab dab ntxwgnyoog (17:1—20:10)
Kev txiavtxim zaum kawg (20:11-15)
Lub ntuj tshiab, lub ntiajteb tshiab, thiab lub nroog Yeluxalees tshiab (21:1—22:5)
Xaus lus (22:6-21)
Currently Selected:
Tshwmsim Lus Tawqhia: MWW2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.