Tshwmsim 22

1Tus timtswv ceebtsheej kuj qhia tus dej muaj txojsia uas ntshiabsi pomkev tshab plaws li daim iav rau kuv. Tus dej ntawd ntws saum Vajtswv thiab tus Menyuam Yaj lub zwmtxwv los, #Exek 47:1; Xekhali 14:8 2thiab ntws taug txojkev hauv plawv nroog. Ob sab ntug dej puavleej muaj tsob txivntoo uas muaj txojsia uas ib xyoos twg txi kaum-ob phaum txiv, ib hlis twg txi ib phaum. Tsob ntoo ntawd tej nplooj yog siv ua tshuaj kho txhua haivneeg. #Chiv 2:9 3Yuav tsis muaj ib yam dabtsi uas raug Vajtswv foom phem rau lawm nyob hauv lub nroog ntawd.

Vajtswv thiab tus Menyuam Yaj lub zwmtxwv yuav nyob hauv lub nroog ntawd, thiab Nws cov tubtxib yuav pehawm Nws. #Xekhali 14:11 4Lawv yuav pom Nws lub ntsejmuag, thiab Nws lub npe yuav muab sau rau ntawm lawv hauvpliaj. 5Yuav tsis muaj hmontuj li lawm; tsis tag lawv yuav taws teeb lossis muaj tshavntuj li lawm, rauqhov tus Tswv uas yog Vajtswv yuav ci rau lawv pomkev, thiab lawv yuav tswjhwm li cov vajntxwv mus ibtxhiab ibtxhis. #Yaxaya 60:19; Dani 7:18

Yexus Yuav Rovqab Los

6Tomqab ntawd tus timtswv hais rau kuv tias, “Tej lus no yog lus tseeb thiab ntseeg tau. Tus Tswv uas yog Vajtswv tus uas muab Nws tus Ntsujplig rau cov xibhwb cev Vajtswv lus, tau txib Nws cov timtswv los qhia tej uas yuav muaj los sai-sai yav tomntej rau Nws cov tubtxib paub.”

7Yexus hais tias, “Ciali ua tibzoo mloog nawb! Kuv twb yuav los sai-sai no! Tus uas ua rawsli tej lus uas sau rau hauv phau ntawv no yog tus uas tau nyob kajsiab lug!”

8Kuv yog Yauhas, kuv yeej tau hnov thiab pom tagnrho tej no huvsi. Thaum kuv hnov thiab kuv pom tag lawm, kuv txawm txhoscaug ntua ntawm tus timtswv ceebtsheej uas qhia txhua yam rau kuv txhais kotaw thiab yuav pehawm nws. 9Tiamsis tus timtswv ntawd hais rau kuv tias, “Koj tsis txhob pehawm kuv! Kuv yog ib tug tubtxib ib yam li koj thiab ib yam li koj cov kwvtij uas ua xibhwb cev Vajtswv lus, thiab ib yam li txhua tus uas ua rawsli tej lus uas sau rau hauv phau ntawv no xwb. Koj ciali pehawm Vajtswv xwb!” 10Thiab tus timtswv hais rau kuv tias, “Koj tsis txhob muab tej uas Vajtswv qhia rau hauv phau ntawv no npog cia, rauqhov twb yuav txog lub sijhawm uas muaj tej ntawd. 11Tus uas ua phem yeej yuav ua phem mus li, tus uas ua qias yeej yuav ua qias mus li; tus uas ua zoo yeej yuav ua zoo mus li, thiab tus uas dawbhuv yeej yuav dawbhuv mus li.” #Dani 12:10

12Yexus hais tias, “Ciali ua tibzoo mloog nawb! Kuv twb yuav los sai-sai no! Kuv yuav nqa Kuv tej nqizog nrog Kuv los, thiab yuav muab rau txhua tus rawsli tej uas nws tau ua los lawm. #Yaxaya 40:10; 62:11; Nnkauj 28:4; Yaxaya 40:10; Yelemi 17:10 13Kuv yog Alafas thiab Aumenkas, yog lub hauvpaus thiab yog lub ntsis.” #Tshwm 1:8; Yaxaya 44:6; 48:12; Tshwm 1:17; 2:8

14Cov uas ntxhua lawv tej tsoostsho huv lawm yog cov uas nyob kajsiab lug; lawv muaj cai mus noj cov txiv ntawm tsob ntoo uas muaj txojsia, thiab muaj cai mus ntawm cov roojvag mus rau hauv lub nroog. #Chiv 2:9; 3:22 15Tiamsis cov neeg ua phem ua qias,#22:15: Lus Kilis hais tias dev. cov uas ua khawvkoob, cov uas ua kev nkauj kev nraug, cov uas tua neeg, cov uas pe mlom, thiab cov uas dag ntawm lawv lub ncauj thiab lawv tej haujlwm, yog cov uas yuav tau nyob sabnraum lub nroog.

16“Kuv, uas yog Yexus, twb txib Kuv tus timtswv los qhia tej no rau nej hauv tej pawg ntseeg lawm. Kuv yog Daviv cajces, Kuv yog lub hnubqub uas ci-ci thaum yuav kajntug.” #Yaxaya 11:1, 10

17Vaj Ntsujplig thiab tus Nkaujnyab hais tias, “Ciali los!”

Txhua tus uas hnov lolus no yuavtsum hais tias, “Ciali los!”

Tus uas nqhis dej ciali los; tus uas xav haus ciali los txais cov dej uas muaj txojsia mus haus, cov dej no yog khoomplig pub dawb-dawb xwb. #Yaxaya 55:1

Xaus Lus

18Kuv, uas yog Yauhas, thov ceebtoom rau txhua tus uas hnov tej lus uas Vajtswv qhia rau hauv phau ntawv no hais tias: yog leejtwg ntxiv ib yam dabtsi rau tej uas sau tseg rau hauv phau ntawv no, Vajtswv yuav muab tej subtawg subntsha uas hais hauv phau ntawv no ntxiv rau tus ntawd. #2Kev 4:2; 12:32 19Thiab yog leejtwg rho ib los uas Vajtswv tau qhia rau hauv phau ntawv no tawm, Vajtswv yuav muab tus ntawd feem uas yuav tau noj tsob txiv uas muaj txojsia thiab yuav muab lub Nroog Dawbhuv uas tau hais nyob rau hauv phau ntawv no rho tawm ntawm nws mus.

20Tus uas ua timkhawv txog tej no, nws hais tias, “Yog lau, Kuv twb yuav los sai-sai no!”

Thov kom muaj rawsli ntawd. Tswv Yexus, thov Koj ciali los!

21Thov kom tus Tswv Yexus hmoovhlub nyob nrog nej txhua tus.#22:21: txhua tus; tej phau ntawv qub uas xuas tes sau, muaj Vajtswv cov neeg; lwm phau qub hais tias Tagnrho Vajtswv cov neeg.

Currently Selected:

Tshwmsim 22: MWW2022

Highlight

Copy