Teev Npe 5
5
Cov Neeg Tsis Huv
1Tus TSWV hais rau Mauxes tias, 2“Koj xaaj rau cov Yixalayees kom ciali ntiab txhua tus neeg uas mob ruas#5:2: mob ruas: lolus no yog siv rau ntau yam kab mob uas yog mob phem-phem rau ntawm daim tawv nqaij, kuj yuav tsis yog kiag mob ruas thiab. lossis mob ua kua paug rau hauv nws lub cev thiab txhua tus neeg uas tsis huv los ntawm qhov uas lawv tau mus tuav tej neeg tuag, kom tawm hauv lub yeej mus. 3Muab cov neeg tsis huv ntiab tawm mus kom tag, txawm yog pojniam thiab txivneej los xij, kom lawv thiaj yuav tsis ua rau lub yeej uas yog qhov chaw uas Kuv nrog nej nyob ntawd tsis huv.” 4Cov Yixalayees txawm ua li ntawd; lawv thiaj muab cov neeg uas tsis huv ntiab tawm hauv lub yeej mus tag lawm. Lawv ua rawsli tus TSWV tau xaaj rau Mauxes ntag.
Them Nqe Rau Tej Uas Tau Ua Txhaum Lawm
5Tus TSWV hais rau Mauxes #Levi 6:1-7 6kom hais rau cov Yixalayees tias, “Thaum ib tug txivneej lossis ib tug pojniam twg ua txhaum rau ib tug twg, ces yog nws ua tsis ncaj rau tus TSWV; nws yog neeg muaj txim, 7mas nws yuavtsum lees lub txim uas nws tau ua thiab yuavtsum them kom txwm li qub, thiab ntxiv neesnkaum feem pua rau tus uas nws tau ua txhaum rau lawm. 8Tiamsis yog tus neeg ntawd tuag lawm, thiab tsis muaj ib tug kwvtij txheebze uas yuav them cov nyiaj ntawd rau, ces cov nyiaj ntawd yog tus TSWV tug uas yuav tau muab rau tus povthawj hlob. Dhau ntawd tseem yuav tau muab ib tug laug yaj ntxiv rau tus povthawj hlob tua fij ua kevcai daws tus neeg txhaum ntawd lub txim thiab. 9Txhua yam khoom uas cov Yixalayees muab pub tshwjxeeb rau tus TSWV puavleej yog tus povthawj hlob uas lawv muab cob rau ntawd tug. 10Txhua tus povthawj hlob muaj cai khaws tej khoom uas luag muab pub rau nws lawm cia ua nws tug.”
Tej Plaubntug Uas Cov Pojniam Ua Tsis Ncaj Rau Cov Txiv
11Tus TSWV hais rau Mauxes 12-14kom hais rau cov Yixalayees tias, “Yog tus txivneej twg tus pojniam mus ua txhaum thiab ua tsis ncaj rau nws uas yog mus deev lwmtus txivneej es zais tsis qhia nws tus txiv paub, thiab nws qhov kev txhaum ntawd yeej tsis muaj leejtwg paub li, vim tsis muaj leejtwg ua timkhawv thiab ntes tsis tau; yog nws yeej tau ua tsis ncaj, thiaj ua rau nws tus txiv khib thiab tsis ntseeg nws, lossis yog tus pojniam tsis tau ua txhaum, tiamsis tus txiv lam khib thiab tsis ntseegsiab xwb, 15ces nws yuavtsum coj nws tus pojniam mus cuag tus povthawj hlob. Nws yuavtsum nqa 1 kilus hmoov nplej mus ua khoom fij, tiamsis tsis txhob muab roj hliv rau lossis tsis txhob muab hmoov tshuaj tswqab nphoo rau, rauqhov yog cov hmoov nplej uas fij vim txoj kev khib siab, ua kom qhov tseeb tawm tuaj rau sawvdaws paub.
16“Tus povthawj hlob yuavtsum coj tus pojniam ntawd mus sawv ntawm tus TSWV hauvntej. 17Nws yuavtsum muab cov dej dawbhuv hliv rau hauv lub tais av thiab muab mentsis hmoov av hauv lub plag Tsevntaub Sibntsib los tso rau hauv cov dej ntawd. 18Ces tus povthawj hlob yuavtsum muab tus pojniam ntawd lub yivtws plaubhau daws thiab muab cov hmoov nplej uas fij ntawd rau nws tuav ntawm tes, cov hmoov nplej ntawd yog hmoov nplej ntawm txoj kev khib. Tus povthawj hlob yuav tau tuav rawv lub tais dej iab dej daw uas yog cov dej raug foom phem. 19Ces tus povthawj hlob yuavtsum kom tus pojniam ntawd los txais yuav cov lus cogtseg no ntawm tus povthawj hlob: ‘Yog koj yeej tsis tau mus ua nkauj ua nraug, mas cov dej uas foom phem no yuav tsis ua rau koj raug kev puastsuaj. 20Tiamsis yog koj tau mus ua nkauj ua nraug lawm, 21thov kom tus TSWV ua rau koj lub npe raug foom phem tabmeeg koj haivneeg thiab thov kom Nws ua rau koj chaw xis qhuav thiab ua rau koj lub plab o.#5:21: chaw xis qhuav … lub plab o lossis nchuav menyuam thiab muaj tsis taus menyuam. 22Thov kom cov dej iab dej daw uas koj haus mus rau hauv koj lub plab lawm ua rau koj lub plab o thiab koj chaw xis qhuav.’#5:22: lub plab o … chaw xis qhuav lossis muaj tsis taus menyuam thiab nchuav menyuam.
“Tus pojniam ntawd yuavtsum teb tias, ‘Kuv yeej txaussiab. Thov kom muaj li ntawd ntag.’
23“Ces tus povthawj hlob yuavtsum muab tej lus foom phem ntawd sau rau hauv ntawv thiab muab coj mus yaug rau hauv cov dej iab dej daw ntawd. 24Uantej nws yuav muab cov dej iab dej daw uas ris cov lus foom phem ntawd rau tus pojniam haus, cov dej ntawd yuav nkag mus rau hauv tus pojniam lub cev thiab ua rau nws mob heev, 25tus povthawj hlob yuavtsum muab cov hmoov nplej uas yog khoom fij tshem txoj kev khib ntawm tus pojniam tes los, muab yom fij rau tus TSWV, thiab nqa mus rau tom lub thaj. 26Tus povthawj hlob yuavtsum yawm cov hmoov nplej ntawd ib phoovtes coj mus hlawv rau saum lub thaj ua kev nco txog. Thaum kawg tus povthawj hlob mamli kom tus pojniam ntawd haus cov dej iab dej daw.
27“Yog nws yeej ua nkauj ua nraug thiab ua tsis ncaj rau nws tus txiv lawm tiag, thaum nws haus cov dej uas ris cov lus foom phem ntawd mus rau hauv nws lub cev lawm, yuav ua rau nws lub cev mob heev; nws lub plab yuav o thiab nws chaw xis yuav qhuav, thiab nws lub npe los yuav raug foom phem tabmeeg nws haivneeg. 28Tiamsis yog tus pojniam ntawd yeej tsis tau ua txhaum thiab nws yeej tseem dawbhuv, ces nws yuav dim lub txim ntawd thiab tseem yuav muaj taus menyuam.
29-30“Nov yog txoj kevcai tu plaubntug ntawm txoj kev sibkhib, thaum tus pojniam uas tseem muaj nws tus txiv tiamsis ciali mus ua nkauj ua nraug lawm, lossis thaum tus txiv ntawd khib nws tus pojniam vim tsis ntseeg tus pojniam siab, ces nws yuavtsum coj tus pojniam mus sawv tabmeeg tus TSWV, thiab tus povthawj hlob yuavtsum ua rawsli txoj kevcai no txhua nqe rau tus pojniam ntawd. 31Tus txiv yuav tsis raug txim dabtsi, tiamsis yog tus pojniam muaj txim tiag, nws yuav tau ris lub txim ntawd.”
Currently Selected:
Teev Npe 5: MWW2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Teev Npe 5
5
Cov Neeg Tsis Huv
1Tus TSWV hais rau Mauxes tias, 2“Koj xaaj rau cov Yixalayees kom ciali ntiab txhua tus neeg uas mob ruas#5:2: mob ruas: lolus no yog siv rau ntau yam kab mob uas yog mob phem-phem rau ntawm daim tawv nqaij, kuj yuav tsis yog kiag mob ruas thiab. lossis mob ua kua paug rau hauv nws lub cev thiab txhua tus neeg uas tsis huv los ntawm qhov uas lawv tau mus tuav tej neeg tuag, kom tawm hauv lub yeej mus. 3Muab cov neeg tsis huv ntiab tawm mus kom tag, txawm yog pojniam thiab txivneej los xij, kom lawv thiaj yuav tsis ua rau lub yeej uas yog qhov chaw uas Kuv nrog nej nyob ntawd tsis huv.” 4Cov Yixalayees txawm ua li ntawd; lawv thiaj muab cov neeg uas tsis huv ntiab tawm hauv lub yeej mus tag lawm. Lawv ua rawsli tus TSWV tau xaaj rau Mauxes ntag.
Them Nqe Rau Tej Uas Tau Ua Txhaum Lawm
5Tus TSWV hais rau Mauxes #Levi 6:1-7 6kom hais rau cov Yixalayees tias, “Thaum ib tug txivneej lossis ib tug pojniam twg ua txhaum rau ib tug twg, ces yog nws ua tsis ncaj rau tus TSWV; nws yog neeg muaj txim, 7mas nws yuavtsum lees lub txim uas nws tau ua thiab yuavtsum them kom txwm li qub, thiab ntxiv neesnkaum feem pua rau tus uas nws tau ua txhaum rau lawm. 8Tiamsis yog tus neeg ntawd tuag lawm, thiab tsis muaj ib tug kwvtij txheebze uas yuav them cov nyiaj ntawd rau, ces cov nyiaj ntawd yog tus TSWV tug uas yuav tau muab rau tus povthawj hlob. Dhau ntawd tseem yuav tau muab ib tug laug yaj ntxiv rau tus povthawj hlob tua fij ua kevcai daws tus neeg txhaum ntawd lub txim thiab. 9Txhua yam khoom uas cov Yixalayees muab pub tshwjxeeb rau tus TSWV puavleej yog tus povthawj hlob uas lawv muab cob rau ntawd tug. 10Txhua tus povthawj hlob muaj cai khaws tej khoom uas luag muab pub rau nws lawm cia ua nws tug.”
Tej Plaubntug Uas Cov Pojniam Ua Tsis Ncaj Rau Cov Txiv
11Tus TSWV hais rau Mauxes 12-14kom hais rau cov Yixalayees tias, “Yog tus txivneej twg tus pojniam mus ua txhaum thiab ua tsis ncaj rau nws uas yog mus deev lwmtus txivneej es zais tsis qhia nws tus txiv paub, thiab nws qhov kev txhaum ntawd yeej tsis muaj leejtwg paub li, vim tsis muaj leejtwg ua timkhawv thiab ntes tsis tau; yog nws yeej tau ua tsis ncaj, thiaj ua rau nws tus txiv khib thiab tsis ntseeg nws, lossis yog tus pojniam tsis tau ua txhaum, tiamsis tus txiv lam khib thiab tsis ntseegsiab xwb, 15ces nws yuavtsum coj nws tus pojniam mus cuag tus povthawj hlob. Nws yuavtsum nqa 1 kilus hmoov nplej mus ua khoom fij, tiamsis tsis txhob muab roj hliv rau lossis tsis txhob muab hmoov tshuaj tswqab nphoo rau, rauqhov yog cov hmoov nplej uas fij vim txoj kev khib siab, ua kom qhov tseeb tawm tuaj rau sawvdaws paub.
16“Tus povthawj hlob yuavtsum coj tus pojniam ntawd mus sawv ntawm tus TSWV hauvntej. 17Nws yuavtsum muab cov dej dawbhuv hliv rau hauv lub tais av thiab muab mentsis hmoov av hauv lub plag Tsevntaub Sibntsib los tso rau hauv cov dej ntawd. 18Ces tus povthawj hlob yuavtsum muab tus pojniam ntawd lub yivtws plaubhau daws thiab muab cov hmoov nplej uas fij ntawd rau nws tuav ntawm tes, cov hmoov nplej ntawd yog hmoov nplej ntawm txoj kev khib. Tus povthawj hlob yuav tau tuav rawv lub tais dej iab dej daw uas yog cov dej raug foom phem. 19Ces tus povthawj hlob yuavtsum kom tus pojniam ntawd los txais yuav cov lus cogtseg no ntawm tus povthawj hlob: ‘Yog koj yeej tsis tau mus ua nkauj ua nraug, mas cov dej uas foom phem no yuav tsis ua rau koj raug kev puastsuaj. 20Tiamsis yog koj tau mus ua nkauj ua nraug lawm, 21thov kom tus TSWV ua rau koj lub npe raug foom phem tabmeeg koj haivneeg thiab thov kom Nws ua rau koj chaw xis qhuav thiab ua rau koj lub plab o.#5:21: chaw xis qhuav … lub plab o lossis nchuav menyuam thiab muaj tsis taus menyuam. 22Thov kom cov dej iab dej daw uas koj haus mus rau hauv koj lub plab lawm ua rau koj lub plab o thiab koj chaw xis qhuav.’#5:22: lub plab o … chaw xis qhuav lossis muaj tsis taus menyuam thiab nchuav menyuam.
“Tus pojniam ntawd yuavtsum teb tias, ‘Kuv yeej txaussiab. Thov kom muaj li ntawd ntag.’
23“Ces tus povthawj hlob yuavtsum muab tej lus foom phem ntawd sau rau hauv ntawv thiab muab coj mus yaug rau hauv cov dej iab dej daw ntawd. 24Uantej nws yuav muab cov dej iab dej daw uas ris cov lus foom phem ntawd rau tus pojniam haus, cov dej ntawd yuav nkag mus rau hauv tus pojniam lub cev thiab ua rau nws mob heev, 25tus povthawj hlob yuavtsum muab cov hmoov nplej uas yog khoom fij tshem txoj kev khib ntawm tus pojniam tes los, muab yom fij rau tus TSWV, thiab nqa mus rau tom lub thaj. 26Tus povthawj hlob yuavtsum yawm cov hmoov nplej ntawd ib phoovtes coj mus hlawv rau saum lub thaj ua kev nco txog. Thaum kawg tus povthawj hlob mamli kom tus pojniam ntawd haus cov dej iab dej daw.
27“Yog nws yeej ua nkauj ua nraug thiab ua tsis ncaj rau nws tus txiv lawm tiag, thaum nws haus cov dej uas ris cov lus foom phem ntawd mus rau hauv nws lub cev lawm, yuav ua rau nws lub cev mob heev; nws lub plab yuav o thiab nws chaw xis yuav qhuav, thiab nws lub npe los yuav raug foom phem tabmeeg nws haivneeg. 28Tiamsis yog tus pojniam ntawd yeej tsis tau ua txhaum thiab nws yeej tseem dawbhuv, ces nws yuav dim lub txim ntawd thiab tseem yuav muaj taus menyuam.
29-30“Nov yog txoj kevcai tu plaubntug ntawm txoj kev sibkhib, thaum tus pojniam uas tseem muaj nws tus txiv tiamsis ciali mus ua nkauj ua nraug lawm, lossis thaum tus txiv ntawd khib nws tus pojniam vim tsis ntseeg tus pojniam siab, ces nws yuavtsum coj tus pojniam mus sawv tabmeeg tus TSWV, thiab tus povthawj hlob yuavtsum ua rawsli txoj kevcai no txhua nqe rau tus pojniam ntawd. 31Tus txiv yuav tsis raug txim dabtsi, tiamsis yog tus pojniam muaj txim tiag, nws yuav tau ris lub txim ntawd.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.