Teev Npe 4
4
Cov Levis Uas Yog Cuab Kauhas Lub Luag haujlwm
1Tus TSWV hais rau Mauxes thiab Aloos tias, 2“Neb ciali sau cov Levis uas yog cuab Kauhas tej npe rawsli tej tsev neeg, 3thiab sau tagnrho cov txivneej uas hnubnyoog pebcaug xyoo mus rau tsibcaug xyoo tej npe, uas yog cov muaj cuabkav ua tau haujlwm nyob hauv lub Tsevntaub Sibntsib. 4Cuab Kauhas tes haujlwm uas nyob hauv lub Tsevntaub Sibntsib yog ib tes haujlwm uas dawbhuv heev.
5“Thaum txog sijhawm nej muab lub yeej tshais chaw, yuavtsum cia Aloos thiab nws cov tub mus rau hauv lub Tsevntaub, mus txo daim ntaub thaiv lub Phijxab Lus Cogtseg, thiab muab daim ntaub ntawd npog lub Phijxab tso. 6Lawv yuavtsum muab ib daig tawv tsiaj uas zoo heev los npog thoobplaws lub Phijxab, muab ib daig ntaub xiav npog tshooj rau saud, thiab muab ob tug las kwv ntxig rau.
7“Lawv yuavtsum muab ib daig ntaub xiav nthuav npog lub rooj uas rau ncuav fij rau tus TSWV, thiab muab tej twj taig, tej tais phiab rau hmoov tshuaj tswqab, tej tais phiab rau khoom fij, thiab tej hub ntim cawv txivhmab ua khoom fij tso rau saud; thiab yuavtsum muaj ncuav nyob rau saum lub rooj tas mus li. 8Lawv yuavtsum muab ib daig ntaub liab nthuav npog txhua yam no, thiab muab ib daig tawv tsiaj uas zoo heev nthuav npog tshooj rau saum daim ntaub, thiab muab ob tug las kwv ntxig rau.
9“Lawv yuavtsum muab ib daig ntaub xiav nthuav vov tus ncej txawb teeb thiab cov teeb, cov txiab txiav teebxeeb, thiab cov hwj uas ntim roj sam teeb. 10Lawv yuavtsum muab tagnrho tej khoom siv rau lub teeb qhwv thiab muab ib daig tawv tsiaj uas zoo heev qhwv tuaj nraud thiab muab tso rau saum tus las uas kwv.
11“Lawv yuavtsum muab ib daig ntaub xiav nthuav npog lub thaj kub, muab ib daig tawv tsiaj uas zoo heev npog tshooj rau saud, thiab muab ob tug las kwv ntxig rau. 12Lawv yuavtsum muab ib daig ntaub xiav los qhwv tagnrho cov cuabyeej uas siv hauv Chav Dawbhuv, muab ib daig tawv tsiaj uas zoo heev qhwv tuaj sabnraud, thiab muab tso rau saum tus las uas kwv. 13Lawv yuavtsum muab cov tshauv saum lub thaj hliv tawm thiab muab ib daig ntaub tsamxem nthuav vov lub thaj. 14Lawv yuavtsum muab tagnrho tej cuabyeej uas siv rau saum lub thaj coj mus tso rau saud: cov laujkaub rau ncaigtaws, cov nqelauj, cov duav, thiab cov tais tooj. Ces lawv yuavtsum muab ib daig tawv tsiaj uas zoo heev los npog rau thiab muab ob tug las kwv ntxig rau.
15“Thaum txog sijhawm muab lub yeej tshais chaw lawm, cia cuab Kauhas los ua cov kwv tagnrho tej khoom dawbhuv tomqab uas Aloos thiab nws cov tub twb muab qhwv tau tag lawm. Cov Kauhas yuavtsum tsis txhob kov cov khoom dawbhuv ntawd hlo li, yog lawv kov, lawv yuav tuag.
“Tej uas hais tag los no yog cuab Kauhas lub luag haujlwm thaum muab lub Tsevntaub Sibntsib tshais chaw.
16“Ele-axas uas yog tus povthawj hlob Aloos tus tub, lub luag haujlwm yog ua tus saib tej roj sam teeb, tej hmoov tshuaj tswqab, tej hmoov nplej uas coj tuaj fij, tej roj txhawb meejthawj, thiab txhua yam khoom dawbhuv hauv lub Tsevntaub uas twb muab fij rau tus TSWV lawm.”
17Tus TSWV hais rau Mauxes thiab Aloos tias, 18“Tsis txhob cia cuab Kauhas 19raug tua tuag los ntawm qhov uas lawv mus ze tej khoom dawbhuv tshajplaws. Qhov uas lawv yuav tsis raug tuag, mas Aloos thiab Aloos cov tub yuavtsum mus cob haujlwm thiab qhia seb tus twg yog tus yuav kwv thiab ua yam twg xwb. 20Yog cov Kauhas nkag mus hauv lub Tsevntaub thiab ntsia tej khoom dawbhuv ntawd, txawm yog ntsia tibpliag xwb los xij,#4:20: ntsia … los xij; lossis ntsia cov povthawj tu tej khoom dawbhuv uas coj tshais chaw tawm mus. lawv yuavtsum tuag.”
Cov Levis Uas Yog Cuab Nkawsoos Lub Luag haujlwm
21Tus TSWV hais rau Mauxes tias, 22“Ciali sau cov Levis uas yog cuab Nkawsoos tej npe rawsli lawv tej tsev neeg, 23thiab sau txhua tus txivneej uas hnubnyoog pebcaug xyoo mus txog tsibcaug xyoo tej npe, uas yog cov muaj cuabkav ua tau haujlwm nyob hauv lub Tsevntaub Sibntsib. 24Lawv lub luag haujlwm yog kwv tej khoom li nram qab no: 25lub Tsevntaub Sibntsib, daim ntaub vov sabhauv nruabnrog, daim ntaub vov sabnraud, daim tseem tawv tsiaj uas vov tuaj saud, daim ntaub thaiv qhovrooj, 26cov ntaub xov lub tshavpuam uas ncig lub Tsevntaub Sibntsib thiab lub thaj, daim ntaub roojvag ntawm lub tshavpuam, cov hlua thiab txhua yam khoom uas siv rau lub Tsevntaub. Lawv yuavtsum ua txhua yam haujlwm no kom tiav. 27Mauxes thiab Aloos yuavtsum saib cov Nkawsoos ua tej haujlwm no thiab kwv txhua yam uas Aloos thiab nws cov tub muab cob rau lawv. 28Nov yog tes haujlwm uas cov Nkawsoos yuavtsum ua nyob rau hauv lub Tsevntaub Sibntsib; lawv yuav tau ua txhua yam rawsli tus povthawj hlob Ithamas uas yog Aloos tus tub qhia rau lawv.”
Cov Levis Uas Yog Cuab Melalis Lub Luag haujlwm
29Tus TSWV hais rau Mauxes tias, “Ciali sau cov Levis uas yog cuab Melalis tej npe rawsli lawv tej tsev neeg, 30thiab saum txhua tus txivneej uas hnubnyoog pebcaug xyoo mus rau tsibcaug xyoo tej npe, uas yog cov muaj cuabkav ua tau haujlwm nyob hauv lub Tsevntaub Sibntsib. 31Lawv lub luag haujlwm uas ua nyob rau hauv lub Tsevntaub Sibntsib yog muaj li no: kwv tej nqaj, tej ncej, tej tiag taw lub Tsevntaub, 32tej ncej lajkab, tej nqaj, tej tswg, thiab tej hlua pav lajkab uas xov lub tiaj tshavpuam ncig lub Tsevntaub, thiab txhua yam khoom siv rau tej ntawd. Faib yam twg rau tus twg kwv, ces nws yuavtsum tau kwv yam ntawd. 33Nov yog tes haujlwm uas cov Melalis yuavtsum ua nyob rau hauv lub Tsevntaub Sibntsib; lawv yuav tau ua txhua yam rawsli tus povthawj hlob Ithamas uas yog Aloos tus tub qhia rau lawv.”
Sau Cov Levis Li Npe
34-48Mauxes, Aloos, thiab cov thawjcoj ntawm cov pejxeem ua rawsli tus TSWV tej lus xaaj, lawv thiaj suav peb cuab ntawm cov Levis uas yog xeem Kauhas, Nkawsoos, thiab Melalis. Lawv suav rawsli cov yawgkoob tej tsev neeg npe, thiab suav tagnrho cov txivneej uas hnubnyoog pebcaug xyoo mus txog tsibcaug xyoo uas tau tuaj ua haujlwm ntawm lub Tsevntaub Sibntsib, yog muaj li nram qab no:
| Xeem | Pestsawg Leej |
|---|---|
| Kauhas | 2,750 |
| Nkawsoos | 2,630 |
| Melalis | 3,200 |
| Tagnrho: | 8,580 |
49Txhua tus txivneej puavleej sau npe rawsli tus TSWV tau xaaj rau Mauxes lawm; thiab txhua tus puavleej raug cob haujlwm, tsis hais ua yam twg lossis kwv yam twg, rawsli tus TSWV tau xaaj rau Mauxes lawm.
Currently Selected:
Teev Npe 4: MWW2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Teev Npe 4
4
Cov Levis Uas Yog Cuab Kauhas Lub Luag haujlwm
1Tus TSWV hais rau Mauxes thiab Aloos tias, 2“Neb ciali sau cov Levis uas yog cuab Kauhas tej npe rawsli tej tsev neeg, 3thiab sau tagnrho cov txivneej uas hnubnyoog pebcaug xyoo mus rau tsibcaug xyoo tej npe, uas yog cov muaj cuabkav ua tau haujlwm nyob hauv lub Tsevntaub Sibntsib. 4Cuab Kauhas tes haujlwm uas nyob hauv lub Tsevntaub Sibntsib yog ib tes haujlwm uas dawbhuv heev.
5“Thaum txog sijhawm nej muab lub yeej tshais chaw, yuavtsum cia Aloos thiab nws cov tub mus rau hauv lub Tsevntaub, mus txo daim ntaub thaiv lub Phijxab Lus Cogtseg, thiab muab daim ntaub ntawd npog lub Phijxab tso. 6Lawv yuavtsum muab ib daig tawv tsiaj uas zoo heev los npog thoobplaws lub Phijxab, muab ib daig ntaub xiav npog tshooj rau saud, thiab muab ob tug las kwv ntxig rau.
7“Lawv yuavtsum muab ib daig ntaub xiav nthuav npog lub rooj uas rau ncuav fij rau tus TSWV, thiab muab tej twj taig, tej tais phiab rau hmoov tshuaj tswqab, tej tais phiab rau khoom fij, thiab tej hub ntim cawv txivhmab ua khoom fij tso rau saud; thiab yuavtsum muaj ncuav nyob rau saum lub rooj tas mus li. 8Lawv yuavtsum muab ib daig ntaub liab nthuav npog txhua yam no, thiab muab ib daig tawv tsiaj uas zoo heev nthuav npog tshooj rau saum daim ntaub, thiab muab ob tug las kwv ntxig rau.
9“Lawv yuavtsum muab ib daig ntaub xiav nthuav vov tus ncej txawb teeb thiab cov teeb, cov txiab txiav teebxeeb, thiab cov hwj uas ntim roj sam teeb. 10Lawv yuavtsum muab tagnrho tej khoom siv rau lub teeb qhwv thiab muab ib daig tawv tsiaj uas zoo heev qhwv tuaj nraud thiab muab tso rau saum tus las uas kwv.
11“Lawv yuavtsum muab ib daig ntaub xiav nthuav npog lub thaj kub, muab ib daig tawv tsiaj uas zoo heev npog tshooj rau saud, thiab muab ob tug las kwv ntxig rau. 12Lawv yuavtsum muab ib daig ntaub xiav los qhwv tagnrho cov cuabyeej uas siv hauv Chav Dawbhuv, muab ib daig tawv tsiaj uas zoo heev qhwv tuaj sabnraud, thiab muab tso rau saum tus las uas kwv. 13Lawv yuavtsum muab cov tshauv saum lub thaj hliv tawm thiab muab ib daig ntaub tsamxem nthuav vov lub thaj. 14Lawv yuavtsum muab tagnrho tej cuabyeej uas siv rau saum lub thaj coj mus tso rau saud: cov laujkaub rau ncaigtaws, cov nqelauj, cov duav, thiab cov tais tooj. Ces lawv yuavtsum muab ib daig tawv tsiaj uas zoo heev los npog rau thiab muab ob tug las kwv ntxig rau.
15“Thaum txog sijhawm muab lub yeej tshais chaw lawm, cia cuab Kauhas los ua cov kwv tagnrho tej khoom dawbhuv tomqab uas Aloos thiab nws cov tub twb muab qhwv tau tag lawm. Cov Kauhas yuavtsum tsis txhob kov cov khoom dawbhuv ntawd hlo li, yog lawv kov, lawv yuav tuag.
“Tej uas hais tag los no yog cuab Kauhas lub luag haujlwm thaum muab lub Tsevntaub Sibntsib tshais chaw.
16“Ele-axas uas yog tus povthawj hlob Aloos tus tub, lub luag haujlwm yog ua tus saib tej roj sam teeb, tej hmoov tshuaj tswqab, tej hmoov nplej uas coj tuaj fij, tej roj txhawb meejthawj, thiab txhua yam khoom dawbhuv hauv lub Tsevntaub uas twb muab fij rau tus TSWV lawm.”
17Tus TSWV hais rau Mauxes thiab Aloos tias, 18“Tsis txhob cia cuab Kauhas 19raug tua tuag los ntawm qhov uas lawv mus ze tej khoom dawbhuv tshajplaws. Qhov uas lawv yuav tsis raug tuag, mas Aloos thiab Aloos cov tub yuavtsum mus cob haujlwm thiab qhia seb tus twg yog tus yuav kwv thiab ua yam twg xwb. 20Yog cov Kauhas nkag mus hauv lub Tsevntaub thiab ntsia tej khoom dawbhuv ntawd, txawm yog ntsia tibpliag xwb los xij,#4:20: ntsia … los xij; lossis ntsia cov povthawj tu tej khoom dawbhuv uas coj tshais chaw tawm mus. lawv yuavtsum tuag.”
Cov Levis Uas Yog Cuab Nkawsoos Lub Luag haujlwm
21Tus TSWV hais rau Mauxes tias, 22“Ciali sau cov Levis uas yog cuab Nkawsoos tej npe rawsli lawv tej tsev neeg, 23thiab sau txhua tus txivneej uas hnubnyoog pebcaug xyoo mus txog tsibcaug xyoo tej npe, uas yog cov muaj cuabkav ua tau haujlwm nyob hauv lub Tsevntaub Sibntsib. 24Lawv lub luag haujlwm yog kwv tej khoom li nram qab no: 25lub Tsevntaub Sibntsib, daim ntaub vov sabhauv nruabnrog, daim ntaub vov sabnraud, daim tseem tawv tsiaj uas vov tuaj saud, daim ntaub thaiv qhovrooj, 26cov ntaub xov lub tshavpuam uas ncig lub Tsevntaub Sibntsib thiab lub thaj, daim ntaub roojvag ntawm lub tshavpuam, cov hlua thiab txhua yam khoom uas siv rau lub Tsevntaub. Lawv yuavtsum ua txhua yam haujlwm no kom tiav. 27Mauxes thiab Aloos yuavtsum saib cov Nkawsoos ua tej haujlwm no thiab kwv txhua yam uas Aloos thiab nws cov tub muab cob rau lawv. 28Nov yog tes haujlwm uas cov Nkawsoos yuavtsum ua nyob rau hauv lub Tsevntaub Sibntsib; lawv yuav tau ua txhua yam rawsli tus povthawj hlob Ithamas uas yog Aloos tus tub qhia rau lawv.”
Cov Levis Uas Yog Cuab Melalis Lub Luag haujlwm
29Tus TSWV hais rau Mauxes tias, “Ciali sau cov Levis uas yog cuab Melalis tej npe rawsli lawv tej tsev neeg, 30thiab saum txhua tus txivneej uas hnubnyoog pebcaug xyoo mus rau tsibcaug xyoo tej npe, uas yog cov muaj cuabkav ua tau haujlwm nyob hauv lub Tsevntaub Sibntsib. 31Lawv lub luag haujlwm uas ua nyob rau hauv lub Tsevntaub Sibntsib yog muaj li no: kwv tej nqaj, tej ncej, tej tiag taw lub Tsevntaub, 32tej ncej lajkab, tej nqaj, tej tswg, thiab tej hlua pav lajkab uas xov lub tiaj tshavpuam ncig lub Tsevntaub, thiab txhua yam khoom siv rau tej ntawd. Faib yam twg rau tus twg kwv, ces nws yuavtsum tau kwv yam ntawd. 33Nov yog tes haujlwm uas cov Melalis yuavtsum ua nyob rau hauv lub Tsevntaub Sibntsib; lawv yuav tau ua txhua yam rawsli tus povthawj hlob Ithamas uas yog Aloos tus tub qhia rau lawv.”
Sau Cov Levis Li Npe
34-48Mauxes, Aloos, thiab cov thawjcoj ntawm cov pejxeem ua rawsli tus TSWV tej lus xaaj, lawv thiaj suav peb cuab ntawm cov Levis uas yog xeem Kauhas, Nkawsoos, thiab Melalis. Lawv suav rawsli cov yawgkoob tej tsev neeg npe, thiab suav tagnrho cov txivneej uas hnubnyoog pebcaug xyoo mus txog tsibcaug xyoo uas tau tuaj ua haujlwm ntawm lub Tsevntaub Sibntsib, yog muaj li nram qab no:
| Xeem | Pestsawg Leej |
|---|---|
| Kauhas | 2,750 |
| Nkawsoos | 2,630 |
| Melalis | 3,200 |
| Tagnrho: | 8,580 |
49Txhua tus txivneej puavleej sau npe rawsli tus TSWV tau xaaj rau Mauxes lawm; thiab txhua tus puavleej raug cob haujlwm, tsis hais ua yam twg lossis kwv yam twg, rawsli tus TSWV tau xaaj rau Mauxes lawm.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.