Mathais 19
19
Yexus Hais Txog Kev Sibnrauj
(Malakaus 10:1-12)
1Thaum Yexus hais tej lus ntawd tag lawm, Nws txawm tawm hauv lub xeev Kalilais mus rau nram cheebtsam lub xeev Yudas sab Dej Yauladees tim ub. 2Muaj neeg coob-coob nrog Nws mus, thiab Nws kho lawv zoo mob huv tibsi nyob rau qhov ntawd.
3Muaj cov Falixais qeeleej tuaj cuag Yexus, thiab xav sim Nws. Lawv thom Yexus hais tias, “Peb txoj Kevcai puas pub ib tug txivneej nrauj nws tus pojniam, txawm yog tim dabtsi los xij?”
4Yexus teb tias, “Nej tsis tau nyeem Vajtswv Txojlus uas hais tias thaum chivkeeb Vajtswv ‘tsim tus txivneej thiab tus pojniam’ no lov?#Chiv 1:27; 5:2 5Thiab Vajtswv hais tias, ‘Twb yog vimli no tus txivneej thiaj tso nws niam nws txiv tseg thiab mus nrog nws tus pojniam tsheejxeeb uake, thiab nkawd yuav koom ua ib lub cev.’ #Chiv 2:24 6Nkawd tsis yog ob leeg, tiamsis yog ib leeg lawm xwb. Yogli ntawd, yam uas Vajtswv tau muab lo tsheejxeeb uake lawm, neeg tsis txhob muab cais.”
7Cov Falixais rov nug Yexus hais tias, “Yogli ntawd, ua licas Mauxes ho tsocai rau tus txiv ua ib tsab ntawv sibnrauj rau nws tus pojniam thiab muab nws xa mus?” #2Kev 24:1-4; Math 5:31
8Yexus teb tias, “Qhov uas Mauxes tsocai rau nej nrauj pojniam, twb yog vim nej lub siab tawv dhau. Tiamsis thaum chivkeeb yeej tsis muaj li ntawd. 9Kuv qhia rau nej hais tias, yog leejtwg tus pojniam tsis tau mus deev hluasnraug, tiamsis nws ciali muab nrauj, yog nws mus yuav dua ib tug pojniam, ces yog nws ua kev nkauj kev nraug.” #Math 5:32; 1Klt 7:10-11
10Cov thwjtim hais rau Yexus tias, “Yog yuav pojniam yuav txiv es zooli no, ces tsis txhob sibyuav kuj zoo dua.”
11Yexus teb tias, “Tsis yog txhua tus yuav ua tau rawsli txojlus no qhia, tiamsis tsuas yog tus uas Vajtswv pub rau thiaj ua tau xwb. 12Rauqhov muaj qeeyam uas ua rau txivneej yuav tsis tau pojniam: qeeleej yeej yug los zooli ntawd, lwmtus yog muaj neeg muab lawv sam; thiab muaj dua lwmtus uas tsis yuav pojniam vim nws saib rau saum Vajtswv lub Ntuj Ceebtsheej. Tus uas ua tau rawsli txojlus no qhia, cia nws ua nws li ntawd.”
Yexus Foom Koobhmoov Rau Cov Menyuam Yaus
(Malakaus 10:13-16; Lukas 18:15-17)
13Muaj neeg coj tej menyuam yaus tuaj cuag Yexus kom Nws tsa tes thiab thov Vajtswv rau lawv, tiamsis cov thwjtim cem cov neeg ntawd. 14Yexus hais tias, “Cia cov menyuam yaus los cuag Kuv, tsis txhob tav lawv, rauqhov Vajtswv lub Ntuj Ceebtsheej yog cov uas zooli cov menyuam yaus no tug.”
15Nws thiaj tsa tes rau saum cov menyuam ntawd taubhau, thiab tawm qhov chaw ntawd mus lawm.
Tus Hluas Uas Npluanuj
(Malakaus 10:17-31; Lukas 18:18-30)
16Muaj ib zaug, muaj ib tug txivneej tuaj cuag Yexus thiab nug hais tias, “Xibhwb, yam twg yog yam zoo uas kuv yuavtsum tau ua es kuv thiaj tau txojsia ntev dhawv mus ibtxhis?”
17Yexus teb tias, “Vim licas koj ho nug Kuv txog yam uas zoo? Tsuas muaj Tibtug thiaj yog tus zoo xwb. Yog koj xav tau txojsia, koj yuavtsum coj rawsli Vajtswv tej kevcai.”
18Nws rov nug Yexus hais tias, “Yog nqe twg?”
Yexus teb tias, “Tsis txhob tua neeg; tsis txhob deev luag pojniam luag txiv; tsis txhob ua tubsab; tsis txhob ua timkhawv tsis tseeb; #Khiav 20:13; 2Kev 5:17; Khiav 20:14; 2Kev 5:18; Khiav 20:15; 2Kev 5:19; Khiav 20:16; 2Kev 5:20 19hwm koj niam koj txiv; thiab hlub koj tus kwvtij zejzog ib yam li koj hlub koj tuskheej.” #Khiav 20:12; 2Kev 5:16; Levi 19:18
20Tus hluas ntawd teb tias, “Kuv twb coj txhua nqe ko huv tibsi lawm. Tseem tshuav yam twg uas kuv tuncua thiab?”
21Yexus hais rau nws tias, “Yog koj xav ua tus uas zoo kawg nkaus, koj rov mus muab txhua yam uas koj muaj muag huv tibsi thiab muab cov nyiaj ntawd mus pub rau cov neeg pluag, koj thiaj yuav npluanuj rau saum ntuj ceebtsheej; tomqab ntawd koj ciali los nrog Kuv mus.”
22Thaum tus hluas hnov li ntawd, nws txawm tawm mus thiab nyuajsiab kawg li, vim nws npluanuj heev.
23Yexus thiaj hais rau Nws cov thwjtim tias, “Kuv qhia tseeb rau nej hais tias, qhov uas ib tug neeg npluanuj yuav nkag tau mus rau Vajtswv lub Ntuj Ceebtsheej mas nyuaj kawg li. 24Kuv hais ntxiv rau nej hais tias, ib tug ntxhuav nkag lub qhov koob tseem yoojyim dua li ib tug neeg npluanuj nkag mus rau hauv Vajtswv lub Tebchaws.”
25Thaum cov thwjtim hnov li ntawd, lawv xav tsis thoob li. Lawv nug hais tias, “Yogli ntawd, leejtwg thiaj yuav dim tau?”
26Yexus tsa qhovmuag saib lawv thiab teb tias, “Yam no mas neeg ua tsis tau, tiamsis Vajtswv ua tau txhua yam huv tibsi.”
27Ces Petus txawm hais rau Yexus tias, “Saib maj, peb twb tso txhua yam tseg thiab nrog Koj mus! Peb yuav tau dabtsi?”
28Yexus hais rau lawv tias, “Kuv qhia tseeb rau nej hais tias, thaum Neeg Leejtub nyob saum lub zwmtxwv uas ci ntsa-iab hauv lub ntiajteb tshiab, mas nej kaum-ob leeg uas nrog Kuv no yuav tau nyob saum kaum-ob lub zwmtxwv, txiavtxim rau kaum-ob xeem Yixalayees. #Math 25:31; Lukas 22:30 29Thiab txhua tus uas tso vaj tso tsev, tso kwv tso tij, tso nkauj tso muam, tso niam tso txiv, lossis tso menyuam, thiab tso liaj-teb tseg vim Kuv, nws yuav tau txais 100 npaug, thiab nws yuav tau txojsia ntev dhawv mus ibtxhis. 30Tiamsis muaj ntau tus uas nimno nyob tom hauvntej yuav tau mus nyob tom tw, thiab ntau tus uas nyob tom tw yuav tau mus nyob tom hauvntej. #Math 20:16; Lukas 13:30
Currently Selected:
Mathais 19: MWW2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Mathais 19
19
Yexus Hais Txog Kev Sibnrauj
(Malakaus 10:1-12)
1Thaum Yexus hais tej lus ntawd tag lawm, Nws txawm tawm hauv lub xeev Kalilais mus rau nram cheebtsam lub xeev Yudas sab Dej Yauladees tim ub. 2Muaj neeg coob-coob nrog Nws mus, thiab Nws kho lawv zoo mob huv tibsi nyob rau qhov ntawd.
3Muaj cov Falixais qeeleej tuaj cuag Yexus, thiab xav sim Nws. Lawv thom Yexus hais tias, “Peb txoj Kevcai puas pub ib tug txivneej nrauj nws tus pojniam, txawm yog tim dabtsi los xij?”
4Yexus teb tias, “Nej tsis tau nyeem Vajtswv Txojlus uas hais tias thaum chivkeeb Vajtswv ‘tsim tus txivneej thiab tus pojniam’ no lov?#Chiv 1:27; 5:2 5Thiab Vajtswv hais tias, ‘Twb yog vimli no tus txivneej thiaj tso nws niam nws txiv tseg thiab mus nrog nws tus pojniam tsheejxeeb uake, thiab nkawd yuav koom ua ib lub cev.’ #Chiv 2:24 6Nkawd tsis yog ob leeg, tiamsis yog ib leeg lawm xwb. Yogli ntawd, yam uas Vajtswv tau muab lo tsheejxeeb uake lawm, neeg tsis txhob muab cais.”
7Cov Falixais rov nug Yexus hais tias, “Yogli ntawd, ua licas Mauxes ho tsocai rau tus txiv ua ib tsab ntawv sibnrauj rau nws tus pojniam thiab muab nws xa mus?” #2Kev 24:1-4; Math 5:31
8Yexus teb tias, “Qhov uas Mauxes tsocai rau nej nrauj pojniam, twb yog vim nej lub siab tawv dhau. Tiamsis thaum chivkeeb yeej tsis muaj li ntawd. 9Kuv qhia rau nej hais tias, yog leejtwg tus pojniam tsis tau mus deev hluasnraug, tiamsis nws ciali muab nrauj, yog nws mus yuav dua ib tug pojniam, ces yog nws ua kev nkauj kev nraug.” #Math 5:32; 1Klt 7:10-11
10Cov thwjtim hais rau Yexus tias, “Yog yuav pojniam yuav txiv es zooli no, ces tsis txhob sibyuav kuj zoo dua.”
11Yexus teb tias, “Tsis yog txhua tus yuav ua tau rawsli txojlus no qhia, tiamsis tsuas yog tus uas Vajtswv pub rau thiaj ua tau xwb. 12Rauqhov muaj qeeyam uas ua rau txivneej yuav tsis tau pojniam: qeeleej yeej yug los zooli ntawd, lwmtus yog muaj neeg muab lawv sam; thiab muaj dua lwmtus uas tsis yuav pojniam vim nws saib rau saum Vajtswv lub Ntuj Ceebtsheej. Tus uas ua tau rawsli txojlus no qhia, cia nws ua nws li ntawd.”
Yexus Foom Koobhmoov Rau Cov Menyuam Yaus
(Malakaus 10:13-16; Lukas 18:15-17)
13Muaj neeg coj tej menyuam yaus tuaj cuag Yexus kom Nws tsa tes thiab thov Vajtswv rau lawv, tiamsis cov thwjtim cem cov neeg ntawd. 14Yexus hais tias, “Cia cov menyuam yaus los cuag Kuv, tsis txhob tav lawv, rauqhov Vajtswv lub Ntuj Ceebtsheej yog cov uas zooli cov menyuam yaus no tug.”
15Nws thiaj tsa tes rau saum cov menyuam ntawd taubhau, thiab tawm qhov chaw ntawd mus lawm.
Tus Hluas Uas Npluanuj
(Malakaus 10:17-31; Lukas 18:18-30)
16Muaj ib zaug, muaj ib tug txivneej tuaj cuag Yexus thiab nug hais tias, “Xibhwb, yam twg yog yam zoo uas kuv yuavtsum tau ua es kuv thiaj tau txojsia ntev dhawv mus ibtxhis?”
17Yexus teb tias, “Vim licas koj ho nug Kuv txog yam uas zoo? Tsuas muaj Tibtug thiaj yog tus zoo xwb. Yog koj xav tau txojsia, koj yuavtsum coj rawsli Vajtswv tej kevcai.”
18Nws rov nug Yexus hais tias, “Yog nqe twg?”
Yexus teb tias, “Tsis txhob tua neeg; tsis txhob deev luag pojniam luag txiv; tsis txhob ua tubsab; tsis txhob ua timkhawv tsis tseeb; #Khiav 20:13; 2Kev 5:17; Khiav 20:14; 2Kev 5:18; Khiav 20:15; 2Kev 5:19; Khiav 20:16; 2Kev 5:20 19hwm koj niam koj txiv; thiab hlub koj tus kwvtij zejzog ib yam li koj hlub koj tuskheej.” #Khiav 20:12; 2Kev 5:16; Levi 19:18
20Tus hluas ntawd teb tias, “Kuv twb coj txhua nqe ko huv tibsi lawm. Tseem tshuav yam twg uas kuv tuncua thiab?”
21Yexus hais rau nws tias, “Yog koj xav ua tus uas zoo kawg nkaus, koj rov mus muab txhua yam uas koj muaj muag huv tibsi thiab muab cov nyiaj ntawd mus pub rau cov neeg pluag, koj thiaj yuav npluanuj rau saum ntuj ceebtsheej; tomqab ntawd koj ciali los nrog Kuv mus.”
22Thaum tus hluas hnov li ntawd, nws txawm tawm mus thiab nyuajsiab kawg li, vim nws npluanuj heev.
23Yexus thiaj hais rau Nws cov thwjtim tias, “Kuv qhia tseeb rau nej hais tias, qhov uas ib tug neeg npluanuj yuav nkag tau mus rau Vajtswv lub Ntuj Ceebtsheej mas nyuaj kawg li. 24Kuv hais ntxiv rau nej hais tias, ib tug ntxhuav nkag lub qhov koob tseem yoojyim dua li ib tug neeg npluanuj nkag mus rau hauv Vajtswv lub Tebchaws.”
25Thaum cov thwjtim hnov li ntawd, lawv xav tsis thoob li. Lawv nug hais tias, “Yogli ntawd, leejtwg thiaj yuav dim tau?”
26Yexus tsa qhovmuag saib lawv thiab teb tias, “Yam no mas neeg ua tsis tau, tiamsis Vajtswv ua tau txhua yam huv tibsi.”
27Ces Petus txawm hais rau Yexus tias, “Saib maj, peb twb tso txhua yam tseg thiab nrog Koj mus! Peb yuav tau dabtsi?”
28Yexus hais rau lawv tias, “Kuv qhia tseeb rau nej hais tias, thaum Neeg Leejtub nyob saum lub zwmtxwv uas ci ntsa-iab hauv lub ntiajteb tshiab, mas nej kaum-ob leeg uas nrog Kuv no yuav tau nyob saum kaum-ob lub zwmtxwv, txiavtxim rau kaum-ob xeem Yixalayees. #Math 25:31; Lukas 22:30 29Thiab txhua tus uas tso vaj tso tsev, tso kwv tso tij, tso nkauj tso muam, tso niam tso txiv, lossis tso menyuam, thiab tso liaj-teb tseg vim Kuv, nws yuav tau txais 100 npaug, thiab nws yuav tau txojsia ntev dhawv mus ibtxhis. 30Tiamsis muaj ntau tus uas nimno nyob tom hauvntej yuav tau mus nyob tom tw, thiab ntau tus uas nyob tom tw yuav tau mus nyob tom hauvntej. #Math 20:16; Lukas 13:30
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.