Mathais 18
18
Leejtwg Yog Tus Loj Dua Ntais?
(Malakaus 9:33-37; Lukas 9:46-48)
1Lub sijhawm ntawd cov thwjtim los cuag Yexus thiab nug hais tias, “Leejtwg yog tus loj dua ntais hauv Vajtswv lub Ntuj Ceebtsheej?” #Lukas 22:24
2Yexus hu ib tug menyuam yaus los sawv ntawm lawv xubntiag 3thiab hais tias, “Kuv qhia tseeb rau nej hais tias, yog nej tsis hloov thiab tsis coj zooli tej menyuam yaus no, ces nej yeej yuav mus tsis tau rau Vajtswv lub Ntuj Ceebtsheej kiag li. #Malak 10:15; Lukas 18:17 4Tus uas loj dua ntais hauv Vajtswv lub Ntuj Ceebtsheej yog tus uas txo hwjchim li tus menyuam yaus no. 5Tus uas txais yuav tus menyuam yaus no hauv Kuv lub npe, yog nws txais yuav Kuv.
Yam Uas Ntxias Neeg Ua Kev Txhaum
(Malakaus 9:42-48; Lukas 17:1-2)
6“Yog leejtwg ua rau cov menyuam uas ntseeg Kuv no ib tug ua txhaum, ciali muab hlua khi ib txhibzeb uas loj dai rau nws cajdab thiab muab pov rau hauv hiavtxwv kuj zoo dua. 7Lub ntiajteb no yuav raug puastsuaj, rauqhov pheej muaj tej yam uas ua rau neeg ua txhaum! Tej yam ntawd yeej yuav tshwmsim los, tiamsis tus uas xeeb lub keeb ntawd yuav raug kev puastsuaj!
8“Yog koj txhais tes lossis txhais kotaw ua rau koj ua txhaum, ciali muab txiav povtseg! Koj muaj ib sab tes lossis ib sab taw xwb tiamsis koj tau txojsia, yuav zoo dua li koj muaj ob sab tes lossis ob sab taw, tiamsis koj raug muab pov rau hauv cubtawg uas cig tsis paub tuag mus ibtxhis li. #Math 5:30 9Thiab yog koj ib sab qhovmuag ua rau koj ua txhaum, ciali muab sab qhovmuag ntawd kaus povtseg! Koj muaj ib sab qhovmuag xwb tiamsis koj tau txojsia, yuav zoo dua li koj muaj ob sab qhovmuag, tiamsis raug muab pov rau hauv ntujtawg. #Math 5:29
Zaj Lus Pivtxwv Hais Txog Tus Yaj Uas Ploj Lawm
(Lukas 15:3-7)
10“Nej yuavtsum ceevfaj, tsis txhob saib tsis taus cov menyuam no ib tug twg. Kuv qhia rau nej hais tias, lawv cov timtswv ceebtsheej nyob rawv ntawm Kuv Txiv lub xubntiag saum ntuj ceebtsheej. 11#18:11: Tej phau ntawv qub uas xuas tes sau ntxiv nqe 11 no rau: Neeg Leejtub yeej los cawm cov uas ploj lawm (saib Lukas 19:10). #Lukas 19:10
12“Nej xav licas? Yog muaj ib tug txivneej uas nws muaj ibpuas tus yaj, yog ib tug ploj lawm, nws puas yuav tso cuajcaum-cuaj tus rau saum roob thiab mus nrhiav tus uas ploj lawm? 13Kuv qhia rau nej hais tias, thaum nws nrhiav tau lawm, nws tseem zoosiab rau tus yaj uas ploj ntawd heev dua li nws zoosiab rau cuajcaum-cuaj tus uas tsis ploj. 14Ib yam nkaus li ntawd, nej#18:14: nej; tej phau ntawv qub uas xuas tes sau, muaj Kuv. Leejtxiv uas nyob saum ntuj ceebtsheej yeej tsis xav kom cov menyuam no ib tug ploj li.
Thaum Ib Tug Ua Txhaum
15“Yog koj ib tug kwvtij ua txhaum rau koj,#18:15: Tej phau ntawv qub uas xuas tes sau tsis muaj rau koj. koj ciali mus thiab qhia nws qhov txhaum rau nws twjywm ntawm neb ob leeg xwb. Yog nws mloog koj hais, ces koj kuj rov tau kwvtij. #Lukas 17:3 16Tiamsis yog nws tsis mloog koj hais, ces koj yuav tau coj ib lossis ob tug nrog koj mus, kom ‘tej lus sibkom thiaj muaj ob-peb leeg ua timkhawv.’ #2Kev 19:15 17Yog nws tsis kam mloog lawv hais, ces nej ciali coj yam ntawd mus qhia rau pawg ntseeg. Thaum kawg, yog nws tseem tsis kam mloog pawg ntseeg hais thiab, ces nej ciali suav hais tias nws zooli ib tug uas tsis paub Vajtswv lossis ib tug neeg sau se.
Txwv Thiab Tsocai
18“Kuv qhia tseeb rau nej hais tias, yam twg uas nej txwv hauv ntiajteb no, yam ntawd yuav raug txwv saum ntuj ceebtsheej; yam twg uas nej tsocai hauv ntiajteb no, yam ntawd yuav raug tsocai saum ntuj ceebtsheej. #Math 16:19; Yauh 20:23
19“Kuv qhia rau nej ntxiv hais tias, yog muaj ob leeg uas nyob hauv ntiajteb no pomzoo thov Vajtswv rau ib yam dabtsi, Kuv Txiv uas nyob saum ntuj ceebtsheej yuav pub yam ntawd rau nkawd. 20Yog muaj ob lossis peb leeg tuaj nyob uake ntawm Kuv lub npe rau qhovtwg, Kuv yuav nrog lawv nyob qhov ntawd.”
Zaj Lus Pivtxwv Hais Txog Tus Tubtxib Uas Tsis Zamtxim
21Thaum ntawd Petus los nug Yexus hais tias, “Tus Tswv, yog kuv ib tug kwvtij pheej ua txhaum rau kuv, kuv yuav zamtxim rau nws pestsawg zaus? Zam xya zaus lov?” #Lukas 17:3-4
22Yexus teb tias, “Tsis yog xya zaus xwb, tiamsis yog xyacaum zaug xya;#18:22: xyacaum zaug xya; lossis xyacaum-xya zaug. #Chiv 4:24 23rauqhov Vajtswv lub Ntuj Ceebtsheej piv ib yam li ib tug vajntxwv uas mus txheeb nws cov tubtxib tej ntawv saib seb puas muaj leejtwg tshuav nws nqi. 24Thaum nws nyuamqhuav pib txheeb, txawm muaj neeg coj ib tug tubtxib uas tshuav vajntxwv nqi 10,000 taslas#18:24: Ib taslas yog raug nqi li ntawm 6,000 denalis. Ib denalis yog raug nqi li ib tug neeg mus khwv ib hnub. 10,000 taslas diam mas raug nqi ntau heev. los cuag nws. 25Tus tubtxib ntawd tsis muaj nyiaj them, ces vajntxwv txawm hais kom ciali muab nws thiab nws pojniam menyuam thiab txhua yam uas nws muaj coj mus muag kom tau nyiaj los them nws tej nujnqis. 26Tus tubtxib ntawd txawm txhoscaug ntua ntawm vajntxwv kotaw thov hais tias, ‘Thov koj ua siabntev rau kuv, kuv mamli them rov rau koj huv tibsi!’ 27Vajntxwv hlub tus tubtxib ntawd, ces vajntxwv txawm zam tej nqi huv tibsi rau nws thiab tso nws mus.
28“Thaum tus tubtxib ntawd tawm mus, nws txawm mus ntsib ib tug uas yog nws ib pab tubtxib. Tus ntawd tshuav nws nqi li ntawm 100 denalis xwb. Nws txawm ntsiab nkaus tus ntawd nyem cajdab thiab hais tias, ‘Koj ciali them kuv tej nqi los rau kuv!’ 29Tus ntawd txhoscaug ntua thov nws hais tias, ‘Thov koj ua siabntev rau kuv, kuv mamli nrhiav los them rau koj!’ 30Tiamsis tus tubtxib ntawd tsis yib li, nws txawm coj tus ntawd mus kaw rau hauv tsev lojcuj mus txog hnub uas tus ntawd them nqi tag.
31“Thaum nws tib pab tubtxib pom nws ua li ntawd, lawv chim heev, lawv thiaj mus qhia txhua yam rau vajntxwv. 32Yogli ntawd, vajntxwv thiaj hu tus tubtxib ntawd los cuag nws thiab hais tias, ‘Tus niag tubqhe uas phem! Kuv zam koj tej nujnqis uas koj tshuav kuv huv tibsi, vim koj thov kuv. 33Kuv twb tabncuab koj los lawm, tsimnyog koj yuavtsum tabncuab tus tubtxib uas yog koj ib pab ntawd thiab!’ 34Vajntxwv chim heev, nws thiaj kom lawv muab tus tubqhe ntawd coj mus kaw rau hauv tsev lojcuj mus txog hnub uas nws them nqi tag.”
35Yexus xaus lus hais tias, “Yog nej ib leeg tsis zamtxim rau ib leeg uas yog tawm hauv lub siab tuaj tiag-tiag, kuv Txiv uas nyob saum ntuj ceebtsheej yuav ua tibyam nkaus li ntawd rau nej thiab.”
Currently Selected:
Mathais 18: MWW2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Mathais 18
18
Leejtwg Yog Tus Loj Dua Ntais?
(Malakaus 9:33-37; Lukas 9:46-48)
1Lub sijhawm ntawd cov thwjtim los cuag Yexus thiab nug hais tias, “Leejtwg yog tus loj dua ntais hauv Vajtswv lub Ntuj Ceebtsheej?” #Lukas 22:24
2Yexus hu ib tug menyuam yaus los sawv ntawm lawv xubntiag 3thiab hais tias, “Kuv qhia tseeb rau nej hais tias, yog nej tsis hloov thiab tsis coj zooli tej menyuam yaus no, ces nej yeej yuav mus tsis tau rau Vajtswv lub Ntuj Ceebtsheej kiag li. #Malak 10:15; Lukas 18:17 4Tus uas loj dua ntais hauv Vajtswv lub Ntuj Ceebtsheej yog tus uas txo hwjchim li tus menyuam yaus no. 5Tus uas txais yuav tus menyuam yaus no hauv Kuv lub npe, yog nws txais yuav Kuv.
Yam Uas Ntxias Neeg Ua Kev Txhaum
(Malakaus 9:42-48; Lukas 17:1-2)
6“Yog leejtwg ua rau cov menyuam uas ntseeg Kuv no ib tug ua txhaum, ciali muab hlua khi ib txhibzeb uas loj dai rau nws cajdab thiab muab pov rau hauv hiavtxwv kuj zoo dua. 7Lub ntiajteb no yuav raug puastsuaj, rauqhov pheej muaj tej yam uas ua rau neeg ua txhaum! Tej yam ntawd yeej yuav tshwmsim los, tiamsis tus uas xeeb lub keeb ntawd yuav raug kev puastsuaj!
8“Yog koj txhais tes lossis txhais kotaw ua rau koj ua txhaum, ciali muab txiav povtseg! Koj muaj ib sab tes lossis ib sab taw xwb tiamsis koj tau txojsia, yuav zoo dua li koj muaj ob sab tes lossis ob sab taw, tiamsis koj raug muab pov rau hauv cubtawg uas cig tsis paub tuag mus ibtxhis li. #Math 5:30 9Thiab yog koj ib sab qhovmuag ua rau koj ua txhaum, ciali muab sab qhovmuag ntawd kaus povtseg! Koj muaj ib sab qhovmuag xwb tiamsis koj tau txojsia, yuav zoo dua li koj muaj ob sab qhovmuag, tiamsis raug muab pov rau hauv ntujtawg. #Math 5:29
Zaj Lus Pivtxwv Hais Txog Tus Yaj Uas Ploj Lawm
(Lukas 15:3-7)
10“Nej yuavtsum ceevfaj, tsis txhob saib tsis taus cov menyuam no ib tug twg. Kuv qhia rau nej hais tias, lawv cov timtswv ceebtsheej nyob rawv ntawm Kuv Txiv lub xubntiag saum ntuj ceebtsheej. 11#18:11: Tej phau ntawv qub uas xuas tes sau ntxiv nqe 11 no rau: Neeg Leejtub yeej los cawm cov uas ploj lawm (saib Lukas 19:10). #Lukas 19:10
12“Nej xav licas? Yog muaj ib tug txivneej uas nws muaj ibpuas tus yaj, yog ib tug ploj lawm, nws puas yuav tso cuajcaum-cuaj tus rau saum roob thiab mus nrhiav tus uas ploj lawm? 13Kuv qhia rau nej hais tias, thaum nws nrhiav tau lawm, nws tseem zoosiab rau tus yaj uas ploj ntawd heev dua li nws zoosiab rau cuajcaum-cuaj tus uas tsis ploj. 14Ib yam nkaus li ntawd, nej#18:14: nej; tej phau ntawv qub uas xuas tes sau, muaj Kuv. Leejtxiv uas nyob saum ntuj ceebtsheej yeej tsis xav kom cov menyuam no ib tug ploj li.
Thaum Ib Tug Ua Txhaum
15“Yog koj ib tug kwvtij ua txhaum rau koj,#18:15: Tej phau ntawv qub uas xuas tes sau tsis muaj rau koj. koj ciali mus thiab qhia nws qhov txhaum rau nws twjywm ntawm neb ob leeg xwb. Yog nws mloog koj hais, ces koj kuj rov tau kwvtij. #Lukas 17:3 16Tiamsis yog nws tsis mloog koj hais, ces koj yuav tau coj ib lossis ob tug nrog koj mus, kom ‘tej lus sibkom thiaj muaj ob-peb leeg ua timkhawv.’ #2Kev 19:15 17Yog nws tsis kam mloog lawv hais, ces nej ciali coj yam ntawd mus qhia rau pawg ntseeg. Thaum kawg, yog nws tseem tsis kam mloog pawg ntseeg hais thiab, ces nej ciali suav hais tias nws zooli ib tug uas tsis paub Vajtswv lossis ib tug neeg sau se.
Txwv Thiab Tsocai
18“Kuv qhia tseeb rau nej hais tias, yam twg uas nej txwv hauv ntiajteb no, yam ntawd yuav raug txwv saum ntuj ceebtsheej; yam twg uas nej tsocai hauv ntiajteb no, yam ntawd yuav raug tsocai saum ntuj ceebtsheej. #Math 16:19; Yauh 20:23
19“Kuv qhia rau nej ntxiv hais tias, yog muaj ob leeg uas nyob hauv ntiajteb no pomzoo thov Vajtswv rau ib yam dabtsi, Kuv Txiv uas nyob saum ntuj ceebtsheej yuav pub yam ntawd rau nkawd. 20Yog muaj ob lossis peb leeg tuaj nyob uake ntawm Kuv lub npe rau qhovtwg, Kuv yuav nrog lawv nyob qhov ntawd.”
Zaj Lus Pivtxwv Hais Txog Tus Tubtxib Uas Tsis Zamtxim
21Thaum ntawd Petus los nug Yexus hais tias, “Tus Tswv, yog kuv ib tug kwvtij pheej ua txhaum rau kuv, kuv yuav zamtxim rau nws pestsawg zaus? Zam xya zaus lov?” #Lukas 17:3-4
22Yexus teb tias, “Tsis yog xya zaus xwb, tiamsis yog xyacaum zaug xya;#18:22: xyacaum zaug xya; lossis xyacaum-xya zaug. #Chiv 4:24 23rauqhov Vajtswv lub Ntuj Ceebtsheej piv ib yam li ib tug vajntxwv uas mus txheeb nws cov tubtxib tej ntawv saib seb puas muaj leejtwg tshuav nws nqi. 24Thaum nws nyuamqhuav pib txheeb, txawm muaj neeg coj ib tug tubtxib uas tshuav vajntxwv nqi 10,000 taslas#18:24: Ib taslas yog raug nqi li ntawm 6,000 denalis. Ib denalis yog raug nqi li ib tug neeg mus khwv ib hnub. 10,000 taslas diam mas raug nqi ntau heev. los cuag nws. 25Tus tubtxib ntawd tsis muaj nyiaj them, ces vajntxwv txawm hais kom ciali muab nws thiab nws pojniam menyuam thiab txhua yam uas nws muaj coj mus muag kom tau nyiaj los them nws tej nujnqis. 26Tus tubtxib ntawd txawm txhoscaug ntua ntawm vajntxwv kotaw thov hais tias, ‘Thov koj ua siabntev rau kuv, kuv mamli them rov rau koj huv tibsi!’ 27Vajntxwv hlub tus tubtxib ntawd, ces vajntxwv txawm zam tej nqi huv tibsi rau nws thiab tso nws mus.
28“Thaum tus tubtxib ntawd tawm mus, nws txawm mus ntsib ib tug uas yog nws ib pab tubtxib. Tus ntawd tshuav nws nqi li ntawm 100 denalis xwb. Nws txawm ntsiab nkaus tus ntawd nyem cajdab thiab hais tias, ‘Koj ciali them kuv tej nqi los rau kuv!’ 29Tus ntawd txhoscaug ntua thov nws hais tias, ‘Thov koj ua siabntev rau kuv, kuv mamli nrhiav los them rau koj!’ 30Tiamsis tus tubtxib ntawd tsis yib li, nws txawm coj tus ntawd mus kaw rau hauv tsev lojcuj mus txog hnub uas tus ntawd them nqi tag.
31“Thaum nws tib pab tubtxib pom nws ua li ntawd, lawv chim heev, lawv thiaj mus qhia txhua yam rau vajntxwv. 32Yogli ntawd, vajntxwv thiaj hu tus tubtxib ntawd los cuag nws thiab hais tias, ‘Tus niag tubqhe uas phem! Kuv zam koj tej nujnqis uas koj tshuav kuv huv tibsi, vim koj thov kuv. 33Kuv twb tabncuab koj los lawm, tsimnyog koj yuavtsum tabncuab tus tubtxib uas yog koj ib pab ntawd thiab!’ 34Vajntxwv chim heev, nws thiaj kom lawv muab tus tubqhe ntawd coj mus kaw rau hauv tsev lojcuj mus txog hnub uas nws them nqi tag.”
35Yexus xaus lus hais tias, “Yog nej ib leeg tsis zamtxim rau ib leeg uas yog tawm hauv lub siab tuaj tiag-tiag, kuv Txiv uas nyob saum ntuj ceebtsheej yuav ua tibyam nkaus li ntawd rau nej thiab.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.