YouVersion Logo
Search Icon

Yausuas 12

12
Cov Vajntxwv Uas Swb Mauxes
1Cov Yixalayees tua yeej thiab txeeb tau tagnrho lub tebchaws ntawm tus dej Yauladees sab hnubtuaj txij ntua ntawm lub Hav Anoos mus rau lub Hav Yauladees, thiab mus ti nkaus rau pem lub Roob Hawmoos uas nyob sab qaumteb. Lawv tua yeej ob tug vajntxwv. #Teev 21:21-35; 2Kev 2:26—3:11 2Ib tug yog Xihoos, uas yog cov Amaules nyob hauv lub nroog Hesenpoos tus vajntxwv. Nws kav ibnrab tebchaws Nkile-as, txij ntua ntawm Alu-aws (uas nyob ntawm ntug Hav Anoos), thiab txij ntua ntawm lub nroog uas nyob hauv#12:2: Nqe no sau hais tias (saib 13:16; 2Kev 2:36) lub nroog uas nyob hauv; phau lus Henplais tsis muaj cov lus no. plawv lub hav ntawd mus txog rau ntawm tus Dej Yanpaus uas yog cov Amoos tus ciam; 3thiab tagnrho lub Hav Yauladees, txij ntua ntawm Hiavtxwv Kalilais sab qabteb mus txog rau ntawm Npes Yesimaus (ntawm Hiavtxwv Tuag sab hnubtuaj), thiab mus rau ntawm lub taw Roob Pixenkas.
4Thiab lawv tseem tua yeej Vajntxwv Aus uas nyob hauv lub tebchaws Npasas, uas yog tus vajntxwv kawg ntawm haivneeg Lefayees; nws kav lub nroog Asetalus thiab Edele-is. 5Vajntxwv Aus kav tagnrho lub Roob Hawmoos, Xalekas, thiab tagnrho tebchaws Npasas mus txog ntua ntawm cov Nkesus thiab cov Ma-akas tus ciam, thiab ibnrab tebchaws Nkile-as mus txog rau ntawm lub nroog Hesenpoos uas Vajntxwv Xihoos kav.
6Ob tug vajntxwv no yog ob tug uas yav tas los Mauxes thiab cov Yixalayees tua yeej. Tus TSWV tus tubtxib Mauxes muab lawv lub tebchaws no faib rau xeem Lunpees, xeem Nkaj, thiab ibnrab Xeem Manaxes, ua lawv tug. #Teev 32:33; 2Kev 3:12
Cov Vajntxwv Uas Swb Yausuas
7Yausuas thiab cov Yixalayees tua yeej tagnrho cov vajntxwv uas nyob lub tebchaws ntawm tus dej Yauladees sab hnubpoob, txij ntua ntawm Npa-as-nkas uas nyob hauv lub Hav Lenpanoos mus txog rau ntawm lub Roob Halaj uas nyob ze Edoos sab qabteb. Yausuas muab lub tebchaws faib rau cov Yixalayees txhua xeem ua lawv tug. 8Tej laj roob, tej taw roob sab hnubpoob, lub Hav Yauladees thiab tej taw roob, tej ntav toj sab hnubtuaj, thiab sab qabteb uas ua suabpuam. Lub tebchaws no yav tas los yog cov Hitis, cov Amaules, cov Kana-as, cov Pelixes, cov Hivis, thiab cov Yenpus lub tebchaws.
9Cov Yixalayees tua yeej cov vajntxwv uas kav cov nroog no: Yelikaus, A-is (uas nyob ze lub nroog Npethees), 10Yeluxalees, Henploos, 11Yamus, Lakhis, 12Enkiloos, Nkexaws, 13Denpis, Nkedaws, 14Haumas, Alaj, 15Linas, Adulas, 16Makedas, Npethees, 17Tapuas, Hefaws, 18Afej, Lasaloos, 19Madoos, Haxaus, 20Siloos Meloos, Akesas, 21Ta-anaj, Menkidaus, 22Kedes, Yaune-as (uas nyob hauv Khamees), 23Daus (uas nyob ntawm ntug hiavtxwv), Nku-ees (uas nyob hauv Kalilais#12:23: Ib phau ntawv qub-qub thaum ub sau hais tias Kalilais; phau lus Henplais hais tias Nkilenkas.), 24thiab Tixas. Tagnrho muaj pebcaug-ib tug vajntxwv.

Currently Selected:

Yausuas 12: MWW2022

Highlight

Share

Copy

None

Want to have your highlights saved across all your devices? Sign up or sign in