Chivkeeb 50
50
1Yauxej puag nkaus nws txiv quaj thiab nwj kiag nws txiv lub ntsejmuag. 2Ces Yauxej thiaj hais kom cov kws-khomob los tu nws txiv lub cev. Cov kws-khomob thiaj ua li Yauxej hais. 3Lawv tu nws txiv lub cev tau plaubcaug hnub, vim yeej yuavtsum tau siv sijhawm ntev li ntawd. Cov neeg Iziv tuaj nrog pam thiab quajntsuag rau Yakhauj tau xyacaum hnub.
4Thaum dhau xyacaum hnub lawm, Yauxej hais rau Falaus cov nomtswv tias, “Thov nej pab coj kuv cov lus no mus hais rau Falaus hais tias, 5‘Thaum uas kuv txiv yuav tuag, nws kom kuv coglus rau nws hais tias kuv yuav coj nws mus log rau hauv lub qhovntxa uas nws twb npaj tseg nyob rau pem tebchaws Kana-as lawm. Mas thov cia kuv coj kuv txiv mus log tag kuv mam rovqab los.’ ” #Chiv 47:29-31
6Falaus teb tias, “Koj ciali coj koj txiv mus log rawsli koj tau coglus tseg rau nws lawm.”
7Ces Yauxej thiaj coj nws txiv mus log. Tagnrho Falaus cov nomtswv, cov kevtxwj neeglaus uas tu plaubntug, thiab cov thawjcoj hauv tebchaws Iziv puavleej nrog Yauxej mus. 8Yauxej tsev neeg, nws cov kwvtij, thiab nws txiv tsev neeg puavleej nrog nws mus; tsuas tseg lawv tej menyuam uas tseem yau, tej yaj, tej tshis thiab tej nyuj nyob hauv cheebtsam Nkausees xwb. 9Cov neeg uas caij tsheb nees thiab cov tubrog caij nees nrog Yauxej lawv mus coob kawg li.
10Thaum lawv mus txog ntawm lub tshav ntaus nplej Athaj uas nyob sab hnubtuaj ntawm tus Dej Yauladees, lawv quaj thiab nyiav nrov kawg li; Yauxej pam nws txiv rawsli kevcai tau xya hnub. 11Thaum cov neeg Kana-as pom cov neeg no tuaj quaj ntawm lub tshav ntaus nplej Athaj, lawv hais tias, “Cov neeg Iziv lub ntees tuag no yog lub niam ntees uas loj kawg li!” Vimli ntawd thiaj tis npe rau thaj chaw ntawd hu ua Anpees Mixalayees.#50:11: Anpees Mixalayees: Lub npe no hais muaj ntsis thooj li lolus Henplais uas hais tias “cov neeg Iziv lub suab quaj.”
12Yakhauj cov tub tau ua rawsli uas Yakhauj tau xaaj tseg rau lawv lawm. 13Lawv thiaj kwv lawv txiv mus pem tebchaws Kana-as thiab muab log rau hauv lub qhovtsua uas nyob hauv Makhepelas thaj teb uas nyob ntawm Males sab hnubtuaj uas Anplahas yuav ntawm Efaloos uas yog tus neeg Hitis los cia ua chaw log tuag. #Teshl 7:16 14Tomqab uas Yauxej muab nws txiv log tag lawm, nws thiaj nrog nws cov kwvtij thiab txhua tus uas nrog nws mus ntawd, rovqab los rau hauv tebchaws Iziv lawm.
Yauxej Ntuas Nws Cov Tijlaug
15Tomqab uas lawv txiv tuag lawm, Yauxej cov tijlaug hais tias, “Yog Yauxej tseem ntxub peb thiab npajsiab ua phem pauj tej kev phem uas peb tau ua rau nws lawm thiab no peb yuav ua licas?” 16Yogli ntawd, lawv thiaj tso neeg mus hais rau Yauxej tias, “Uantej uas peb txiv tuag, 17nws hais kom peb tuaj thov koj tias, ‘Thov koj zam koj cov tijlaug tej kev txhaum uas lawv tau ua rau koj lawm.’ Mas nimno thov koj zamtxim rau peb cov uas yog koj txiv tus Vajtswv cov tubtxib, rau tej uas peb tau ua txhaum tag los lawm.” Yauxej quaj heev thaum nws hnov txog tej lus no.
18Ces Yauxej cov tijlaug txawm uake tuaj cuag Yauxej thiab qhau cev hlo ntawm nws xubntiag pe nws. Lawv hais tias, “Peb nyob ntawm no, peb yog koj cov tubqhe.”
19Tiamsis Yauxej hais rau lawv tias, “Nej tsis txhob ntshai; kuv tsis muaj cuabkav yuav muab kuv tuskheej mus nyob Vajtswv lub chaw. 20Nej tau tuavhauv ua phem rau kuv lawm tiag, tiamsis Vajtswv tau muab qhov phem ntawd hloov ua qhov zoo, kom thiaj cawm tau coob leej txojsia li niajhnub no. 21Nej tsis txhob ntshai. Kuv yuav ua tus saib nej thiab nej tej menyuam.” Yogli ntawd, Yauxej thiaj ua tibzoo hais kom lawv muaj kev ruajsiab.
Yauxej Tuag
22Yauxej ua neej nrog nws txiv tsev neeg nyob hauv tebchaws Iziv, Yauxej muaj hnubnyoog 110 xyoo nws mamli tuag. 23Nws ua neej nyob txog thaum nws pom Efalayees cov menyuam thiab cov xeebntxwv huv tibsi. Nws tseem nyob mus txog thaum uas nws pom Manaxes tus tub Makhaws cov menyuam thiab. 24Nws hais rau nws cov kwvtij tias, “Tshuav tsis ntev kuv twb yuav tuag, tiamsis Vajtswv yuav ua tus tsomkwm nej thiab coj nej tawm hauv lub tebchaws no mus rau pem lub tebchaws uas Nws tau coglus tseg rau Anplahas, Ixaj, thiab Yakhauj lawv lawm.” 25Ces Yauxej hais kom cov Yixalayees coglus rau nws hais tias, “Thov nej coglus tseg rau kuv tias thaum twg Vajtswv coj nej mus pem tebchaws Kana-as, nej yuav nqa kuv cov pobtxha nrog nej mus thiab.” #Khiav 13:19; Yaus 24:32; Henpl 11:2
26Yauxej tuag thaum nws muaj hnubnyoog 110 xyoo. Lawv muab nws lub cev tu tibzoo thiab muab tso rau hauv lub hleb cia rau hauv tebchaws Iziv.
Currently Selected:
Chivkeeb 50: MWW2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Chivkeeb 50
50
1Yauxej puag nkaus nws txiv quaj thiab nwj kiag nws txiv lub ntsejmuag. 2Ces Yauxej thiaj hais kom cov kws-khomob los tu nws txiv lub cev. Cov kws-khomob thiaj ua li Yauxej hais. 3Lawv tu nws txiv lub cev tau plaubcaug hnub, vim yeej yuavtsum tau siv sijhawm ntev li ntawd. Cov neeg Iziv tuaj nrog pam thiab quajntsuag rau Yakhauj tau xyacaum hnub.
4Thaum dhau xyacaum hnub lawm, Yauxej hais rau Falaus cov nomtswv tias, “Thov nej pab coj kuv cov lus no mus hais rau Falaus hais tias, 5‘Thaum uas kuv txiv yuav tuag, nws kom kuv coglus rau nws hais tias kuv yuav coj nws mus log rau hauv lub qhovntxa uas nws twb npaj tseg nyob rau pem tebchaws Kana-as lawm. Mas thov cia kuv coj kuv txiv mus log tag kuv mam rovqab los.’ ” #Chiv 47:29-31
6Falaus teb tias, “Koj ciali coj koj txiv mus log rawsli koj tau coglus tseg rau nws lawm.”
7Ces Yauxej thiaj coj nws txiv mus log. Tagnrho Falaus cov nomtswv, cov kevtxwj neeglaus uas tu plaubntug, thiab cov thawjcoj hauv tebchaws Iziv puavleej nrog Yauxej mus. 8Yauxej tsev neeg, nws cov kwvtij, thiab nws txiv tsev neeg puavleej nrog nws mus; tsuas tseg lawv tej menyuam uas tseem yau, tej yaj, tej tshis thiab tej nyuj nyob hauv cheebtsam Nkausees xwb. 9Cov neeg uas caij tsheb nees thiab cov tubrog caij nees nrog Yauxej lawv mus coob kawg li.
10Thaum lawv mus txog ntawm lub tshav ntaus nplej Athaj uas nyob sab hnubtuaj ntawm tus Dej Yauladees, lawv quaj thiab nyiav nrov kawg li; Yauxej pam nws txiv rawsli kevcai tau xya hnub. 11Thaum cov neeg Kana-as pom cov neeg no tuaj quaj ntawm lub tshav ntaus nplej Athaj, lawv hais tias, “Cov neeg Iziv lub ntees tuag no yog lub niam ntees uas loj kawg li!” Vimli ntawd thiaj tis npe rau thaj chaw ntawd hu ua Anpees Mixalayees.#50:11: Anpees Mixalayees: Lub npe no hais muaj ntsis thooj li lolus Henplais uas hais tias “cov neeg Iziv lub suab quaj.”
12Yakhauj cov tub tau ua rawsli uas Yakhauj tau xaaj tseg rau lawv lawm. 13Lawv thiaj kwv lawv txiv mus pem tebchaws Kana-as thiab muab log rau hauv lub qhovtsua uas nyob hauv Makhepelas thaj teb uas nyob ntawm Males sab hnubtuaj uas Anplahas yuav ntawm Efaloos uas yog tus neeg Hitis los cia ua chaw log tuag. #Teshl 7:16 14Tomqab uas Yauxej muab nws txiv log tag lawm, nws thiaj nrog nws cov kwvtij thiab txhua tus uas nrog nws mus ntawd, rovqab los rau hauv tebchaws Iziv lawm.
Yauxej Ntuas Nws Cov Tijlaug
15Tomqab uas lawv txiv tuag lawm, Yauxej cov tijlaug hais tias, “Yog Yauxej tseem ntxub peb thiab npajsiab ua phem pauj tej kev phem uas peb tau ua rau nws lawm thiab no peb yuav ua licas?” 16Yogli ntawd, lawv thiaj tso neeg mus hais rau Yauxej tias, “Uantej uas peb txiv tuag, 17nws hais kom peb tuaj thov koj tias, ‘Thov koj zam koj cov tijlaug tej kev txhaum uas lawv tau ua rau koj lawm.’ Mas nimno thov koj zamtxim rau peb cov uas yog koj txiv tus Vajtswv cov tubtxib, rau tej uas peb tau ua txhaum tag los lawm.” Yauxej quaj heev thaum nws hnov txog tej lus no.
18Ces Yauxej cov tijlaug txawm uake tuaj cuag Yauxej thiab qhau cev hlo ntawm nws xubntiag pe nws. Lawv hais tias, “Peb nyob ntawm no, peb yog koj cov tubqhe.”
19Tiamsis Yauxej hais rau lawv tias, “Nej tsis txhob ntshai; kuv tsis muaj cuabkav yuav muab kuv tuskheej mus nyob Vajtswv lub chaw. 20Nej tau tuavhauv ua phem rau kuv lawm tiag, tiamsis Vajtswv tau muab qhov phem ntawd hloov ua qhov zoo, kom thiaj cawm tau coob leej txojsia li niajhnub no. 21Nej tsis txhob ntshai. Kuv yuav ua tus saib nej thiab nej tej menyuam.” Yogli ntawd, Yauxej thiaj ua tibzoo hais kom lawv muaj kev ruajsiab.
Yauxej Tuag
22Yauxej ua neej nrog nws txiv tsev neeg nyob hauv tebchaws Iziv, Yauxej muaj hnubnyoog 110 xyoo nws mamli tuag. 23Nws ua neej nyob txog thaum nws pom Efalayees cov menyuam thiab cov xeebntxwv huv tibsi. Nws tseem nyob mus txog thaum uas nws pom Manaxes tus tub Makhaws cov menyuam thiab. 24Nws hais rau nws cov kwvtij tias, “Tshuav tsis ntev kuv twb yuav tuag, tiamsis Vajtswv yuav ua tus tsomkwm nej thiab coj nej tawm hauv lub tebchaws no mus rau pem lub tebchaws uas Nws tau coglus tseg rau Anplahas, Ixaj, thiab Yakhauj lawv lawm.” 25Ces Yauxej hais kom cov Yixalayees coglus rau nws hais tias, “Thov nej coglus tseg rau kuv tias thaum twg Vajtswv coj nej mus pem tebchaws Kana-as, nej yuav nqa kuv cov pobtxha nrog nej mus thiab.” #Khiav 13:19; Yaus 24:32; Henpl 11:2
26Yauxej tuag thaum nws muaj hnubnyoog 110 xyoo. Lawv muab nws lub cev tu tibzoo thiab muab tso rau hauv lub hleb cia rau hauv tebchaws Iziv.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.