Chivkeeb 49
49
Yakhauj Ntuas Nws Cov Tub Thaum Kawg
1Yakhauj hu tagnrho nws cov tub los thiab hais rau lawv tias, “Nej ciali sibsau los nyob uake rau ntawm no, kuv yuav piav tej uas yuav tshwm los rau nej lub neej yav tomntej no rau nej mloog:
2“Yakhauj cov tub 'e, nej sau zog los ua ib pawg thiab mloog kuv hais.
Ciali mloog nej txiv Yixalayees tej lus.
3“Lunpees, koj yog kuv tus tub hlob, koj yog kuv lub zog
Thiab yog kuv thawjtug menyuam thaum kuv tiav txiv lawm,
Yog tus uas xub tau ntsej tau muag thiab tau hwjchim tshaj kuv cov tub huv tibsi.
4Koj nyob tsis tswm yam nkaus li tus dej ntws laublug nphau nphwv,
Tiamsis koj yuav tsis yog tus uas tseemceeb dua cov,
Rauqhov koj tau nce txaj mus nrog kuv tus niamyau pw,
Thiab koj ua tsis huv rau koj txiv lub txaj chaw lawm.
5“Xime-oos thiab Levis yog ob tug kwvtij.
Nkawd siv ntaj siv riam mus tsim kev nrujtsiv.
6Kuv yuav tsis koom nrog nkawd sibtham,
Lossis tsis koom nrog nkawd tej kev sablaj,
Rauqhov nkawd tua neeg thaum nkawd npautaws,
Thiab nkawd pheej muab tej nyuj txo leeg raws uasi.
7Nkawd tej kev npautaws yuav raug foom phem, vim uanruj uatsiv,
Thiab nkawd txoj kev nrujtsiv ntawd ua rau muaj kev limhiam.
Kuv yuav ua kom nkawd khiav uasab uasua mus nyob thoobplaws lub tebchaws Yixalayees.
Kuv yuav muab nkawd faib mus nyob sibxyaws ntsuav nrog cov Yixalayees.
8“Yudas 'e, koj cov kwvtij yuav qhuas koj.
Koj tuav rawv koj cov yeebncuab cajdab.
Koj cov kwvtij yuav qhau cev hlo pe koj ntawm koj xubntiag.
9Yudas zooli tus menyuam tsov ntxhuav,
Nws tom tsiaj noj thiab rovqab mus rau ntawm nws lub qhovtsua,
Qhau cev hlo pw xyab luas.
Tsis muaj leeg twg muaj cuabkav mus tsa nws. #Teev 24:9; Tshwm 5:5
10Yudas yuav tuav rawv vajntxwv tus cwj,
Thiab nws cajces yuav yog cov tswj teb kav chaw mus txog hnub uas Silaus#49:10: Silaus yog hais txog… los.
Ntau haivneeg yuav nqa khoom tuaj rau nws#49:10: Nqe no sau hais tias Ntau haivneeg … rau nws; paub tsis meej tias lolus Henplais yog txhais licas tiag txog qhov no.
Thiab txhoscaug mloog nws lus.
11Nws muab nws tus menyuam neesluav khi kiag rau ntawm tsob txivhmab,
Uas yog tsob uas zoo tshajplaws li.
Nws muab tej kua txivhmab uas liab cuag ntshav los ntxhua nws tej khaubncaws.
12Nws ob lub qhovmuag yuav tsaus tshaj kua cawv txivhmab,
Thiab nws tej hniav yuav dawb tshaj kua mis.#49:12: Nws ob lub qhovmuag … kua mis; lossis Nws ob lub qhovmuag nce ntshav liabploog vim haus cawv txivhmab, thiab nws tej hniav dawbpaug vim haus kua mis.
13“Xenpuloos yuav nyob ntawm ntug hiavtxwv.
Nws sab ntug dej yuav ua qhov chaw nres nkoj.
Nws ciam dej ciam av yuav dav mus ti nkaus lub nroog Xidoos.
14“Ixakhas yog tus neesluav muajzog heev,
Uas qhau cev nyob nruabnrab ob lub nra.
15Tiamsis nws pom lub chaw so zoonkauj kawg nkaus
Thiab lub tebchaws xis nyob heev.
Yogli ntawd, nws thiaj cug nrobqaum thauj nra
Thiab txaussiab hlo ua haujlwm hnyav ib yam li tus qhev.
16“Das yuav tau ua tus kav nws cov pejxeem.
Lawv yuav zoo ib yam li lwm xeem Yixalayees thiab.
17Das yuav ua ib tug nab uas nyob ntawm ntug kev,
Yog tus nab muaj taug uas nyob ntawm ntug kev,
Uas tom neeg lub lujtaws,
Kom tus neeg uas caij nees ntawd poob ntxeevtiaj rov tomqab.
18“Tus TSWV, kuv niajhnub tos Koj txoj kev cawmdim.
19“Nkaj yuav raug tawmtsam los ntawm tej tubsab,
Tiamsis nws yuav tig caum lawv thaum lawv khiav.
20“Asaws tej teb yuav zoo qoobloo heev,
Nws yuav npaj tej zaub-mov uas zoo heev rau vajntxwv.
21“Nathalis yog tus maum muaslwj uas rag rhi ywjsiab,
Nws yug tau tej tug menyuam muaslwj uas ntxim hlub heev.#49:21: Nathalis … ntxim hlub heev; lossis Nathalis yog tsob ntoo ceg ntas dauv niab zoonkauj kawg li.
22“Yauxej zooli ib tsob hmab uas nyob rau ntawm ntug dej,
Txitxiv ncw, tej ceg nthuav dhau tej ntsa lajkab rau sabnraud.#49:22: Yauxej … sabnraud; lossis Yauxej zooli ib tug neesluav qus uas nyob ntawm ntug dej, Ib tug menyuam neesluav uas nyob tom ib lub laj roob.
23Nws cov yeebncuab tawmtsam nws hnyav heev
Lawv nqa tej hneevnti thiab xubvos caum nws.
24Tiamsis nws tuav rawv rab hneevnti khovkho,
Thiab nws ob txhais npab muajzog heev#49:24: Tiamsis … muajzog heev; lossis Tiamsis lawv tej hneevnti twb lov thiab ntshi tag, lawv tej nqaij cajnpab twb ntuag tas.
Los ntawm Yakhauj tus Vajtswv lub hwjchim uas Loj Kawg Nkaus,
Los ntawm tus Tswv Yug Yaj, tus uas Tsomkwm cov Yixalayees.
25Twb yog koj txiv tus Vajtswv ua tus pab koj ntag,
Vajtswv tus uas muaj Hwjchim Loj Kawg Nkaus, Nws foom koobhmoov rau koj,
Tso koobhmoov uas yog nag los saum ntuj los,
Thiab muaj dej phwj hauv nruab tivtxwv tuaj,
Pub koobhmoov kom koj muaj tsiajtxhu coob thiab muaj tub muaj ki coob.
26Koj txiv tej koobhmoov muajnqis tshaj tej hauv roob
Uas ibtxwm nyob thaum ub los lawm.
Zoo dua tej kev zoonkauj saum tej hauv roob uas ibtxwm nyob thaum ub los.
Thov kom tej koobhmoov no nyob rau saum Yauxej taubhau,
Nyob rau saum lub hauvpliaj ntawm tus uas raug xaiv tawm ntawm nws cov tijlaug.
27“Npeeyamees zooli ib tug hma uas nrujtsiv heev.
Nws tom tau tsiaj los noj ua tshais ua hmo.”
28Nov yog kaum-ob xeem ntawm haivneeg Yixalayees; thiab nov yog tej lus uas lawv txiv hais rau lawv thaum nws foom koobhmoov rau lawv, nws foom koobhmoov kom tsimnyog rau nws txhua tus tub.
Yakhauj Tuag Thiab Coj Nws Mus Log
29Tomqab ntawd Yakhauj hais rau nws cov tub tias, “Ze qhov uas kuv yuav tso nej tseg thiab mus nrog kuv cov neeg uas tuag uantej lawm nyob. Nej yuavtsum kwv kuv mus log nrog kuv cov yawgkoob hauv lub qhovtsua uas nyob hauv Efaloos uas yog tus neeg Hitis thaj teb 30uas nyob hauv Makhepelas uas yog nyob rau ntawm Males sab hnubtuaj hauv tebchaws Kana-as. Anplahas twb yuav lub qhovtsua thiab thaj teb no ntawm Efaloos los ua chaw log tuag lawm. #Chiv 23:3-20 31Qhov chaw no yog qhov uas lawv log Anplahas thiab nws tus pojniam uas yog Xalas; Qhov chaw no yog qhov chaw uas lawv log Ixaj thiab nws tus pojniam uas yog Lenpekas, thiab yog qhov chaw uas kuv log Le-as. #Chiv 25:9-10; Chiv 35:29 32Thaj teb thiab lub qhovtsua no yog yuav ntawm cov neeg Hitis los. Nej coj kuv mus log rau ntawd.”
33Thaum Yakhauj piav qhia txhua yam rau nws cov tub tag lawm, nws txawm rov qhau cev pw thiab tusiav nrho lawm. #Teshl 7:15
Currently Selected:
Chivkeeb 49: MWW2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Chivkeeb 49
49
Yakhauj Ntuas Nws Cov Tub Thaum Kawg
1Yakhauj hu tagnrho nws cov tub los thiab hais rau lawv tias, “Nej ciali sibsau los nyob uake rau ntawm no, kuv yuav piav tej uas yuav tshwm los rau nej lub neej yav tomntej no rau nej mloog:
2“Yakhauj cov tub 'e, nej sau zog los ua ib pawg thiab mloog kuv hais.
Ciali mloog nej txiv Yixalayees tej lus.
3“Lunpees, koj yog kuv tus tub hlob, koj yog kuv lub zog
Thiab yog kuv thawjtug menyuam thaum kuv tiav txiv lawm,
Yog tus uas xub tau ntsej tau muag thiab tau hwjchim tshaj kuv cov tub huv tibsi.
4Koj nyob tsis tswm yam nkaus li tus dej ntws laublug nphau nphwv,
Tiamsis koj yuav tsis yog tus uas tseemceeb dua cov,
Rauqhov koj tau nce txaj mus nrog kuv tus niamyau pw,
Thiab koj ua tsis huv rau koj txiv lub txaj chaw lawm.
5“Xime-oos thiab Levis yog ob tug kwvtij.
Nkawd siv ntaj siv riam mus tsim kev nrujtsiv.
6Kuv yuav tsis koom nrog nkawd sibtham,
Lossis tsis koom nrog nkawd tej kev sablaj,
Rauqhov nkawd tua neeg thaum nkawd npautaws,
Thiab nkawd pheej muab tej nyuj txo leeg raws uasi.
7Nkawd tej kev npautaws yuav raug foom phem, vim uanruj uatsiv,
Thiab nkawd txoj kev nrujtsiv ntawd ua rau muaj kev limhiam.
Kuv yuav ua kom nkawd khiav uasab uasua mus nyob thoobplaws lub tebchaws Yixalayees.
Kuv yuav muab nkawd faib mus nyob sibxyaws ntsuav nrog cov Yixalayees.
8“Yudas 'e, koj cov kwvtij yuav qhuas koj.
Koj tuav rawv koj cov yeebncuab cajdab.
Koj cov kwvtij yuav qhau cev hlo pe koj ntawm koj xubntiag.
9Yudas zooli tus menyuam tsov ntxhuav,
Nws tom tsiaj noj thiab rovqab mus rau ntawm nws lub qhovtsua,
Qhau cev hlo pw xyab luas.
Tsis muaj leeg twg muaj cuabkav mus tsa nws. #Teev 24:9; Tshwm 5:5
10Yudas yuav tuav rawv vajntxwv tus cwj,
Thiab nws cajces yuav yog cov tswj teb kav chaw mus txog hnub uas Silaus#49:10: Silaus yog hais txog… los.
Ntau haivneeg yuav nqa khoom tuaj rau nws#49:10: Nqe no sau hais tias Ntau haivneeg … rau nws; paub tsis meej tias lolus Henplais yog txhais licas tiag txog qhov no.
Thiab txhoscaug mloog nws lus.
11Nws muab nws tus menyuam neesluav khi kiag rau ntawm tsob txivhmab,
Uas yog tsob uas zoo tshajplaws li.
Nws muab tej kua txivhmab uas liab cuag ntshav los ntxhua nws tej khaubncaws.
12Nws ob lub qhovmuag yuav tsaus tshaj kua cawv txivhmab,
Thiab nws tej hniav yuav dawb tshaj kua mis.#49:12: Nws ob lub qhovmuag … kua mis; lossis Nws ob lub qhovmuag nce ntshav liabploog vim haus cawv txivhmab, thiab nws tej hniav dawbpaug vim haus kua mis.
13“Xenpuloos yuav nyob ntawm ntug hiavtxwv.
Nws sab ntug dej yuav ua qhov chaw nres nkoj.
Nws ciam dej ciam av yuav dav mus ti nkaus lub nroog Xidoos.
14“Ixakhas yog tus neesluav muajzog heev,
Uas qhau cev nyob nruabnrab ob lub nra.
15Tiamsis nws pom lub chaw so zoonkauj kawg nkaus
Thiab lub tebchaws xis nyob heev.
Yogli ntawd, nws thiaj cug nrobqaum thauj nra
Thiab txaussiab hlo ua haujlwm hnyav ib yam li tus qhev.
16“Das yuav tau ua tus kav nws cov pejxeem.
Lawv yuav zoo ib yam li lwm xeem Yixalayees thiab.
17Das yuav ua ib tug nab uas nyob ntawm ntug kev,
Yog tus nab muaj taug uas nyob ntawm ntug kev,
Uas tom neeg lub lujtaws,
Kom tus neeg uas caij nees ntawd poob ntxeevtiaj rov tomqab.
18“Tus TSWV, kuv niajhnub tos Koj txoj kev cawmdim.
19“Nkaj yuav raug tawmtsam los ntawm tej tubsab,
Tiamsis nws yuav tig caum lawv thaum lawv khiav.
20“Asaws tej teb yuav zoo qoobloo heev,
Nws yuav npaj tej zaub-mov uas zoo heev rau vajntxwv.
21“Nathalis yog tus maum muaslwj uas rag rhi ywjsiab,
Nws yug tau tej tug menyuam muaslwj uas ntxim hlub heev.#49:21: Nathalis … ntxim hlub heev; lossis Nathalis yog tsob ntoo ceg ntas dauv niab zoonkauj kawg li.
22“Yauxej zooli ib tsob hmab uas nyob rau ntawm ntug dej,
Txitxiv ncw, tej ceg nthuav dhau tej ntsa lajkab rau sabnraud.#49:22: Yauxej … sabnraud; lossis Yauxej zooli ib tug neesluav qus uas nyob ntawm ntug dej, Ib tug menyuam neesluav uas nyob tom ib lub laj roob.
23Nws cov yeebncuab tawmtsam nws hnyav heev
Lawv nqa tej hneevnti thiab xubvos caum nws.
24Tiamsis nws tuav rawv rab hneevnti khovkho,
Thiab nws ob txhais npab muajzog heev#49:24: Tiamsis … muajzog heev; lossis Tiamsis lawv tej hneevnti twb lov thiab ntshi tag, lawv tej nqaij cajnpab twb ntuag tas.
Los ntawm Yakhauj tus Vajtswv lub hwjchim uas Loj Kawg Nkaus,
Los ntawm tus Tswv Yug Yaj, tus uas Tsomkwm cov Yixalayees.
25Twb yog koj txiv tus Vajtswv ua tus pab koj ntag,
Vajtswv tus uas muaj Hwjchim Loj Kawg Nkaus, Nws foom koobhmoov rau koj,
Tso koobhmoov uas yog nag los saum ntuj los,
Thiab muaj dej phwj hauv nruab tivtxwv tuaj,
Pub koobhmoov kom koj muaj tsiajtxhu coob thiab muaj tub muaj ki coob.
26Koj txiv tej koobhmoov muajnqis tshaj tej hauv roob
Uas ibtxwm nyob thaum ub los lawm.
Zoo dua tej kev zoonkauj saum tej hauv roob uas ibtxwm nyob thaum ub los.
Thov kom tej koobhmoov no nyob rau saum Yauxej taubhau,
Nyob rau saum lub hauvpliaj ntawm tus uas raug xaiv tawm ntawm nws cov tijlaug.
27“Npeeyamees zooli ib tug hma uas nrujtsiv heev.
Nws tom tau tsiaj los noj ua tshais ua hmo.”
28Nov yog kaum-ob xeem ntawm haivneeg Yixalayees; thiab nov yog tej lus uas lawv txiv hais rau lawv thaum nws foom koobhmoov rau lawv, nws foom koobhmoov kom tsimnyog rau nws txhua tus tub.
Yakhauj Tuag Thiab Coj Nws Mus Log
29Tomqab ntawd Yakhauj hais rau nws cov tub tias, “Ze qhov uas kuv yuav tso nej tseg thiab mus nrog kuv cov neeg uas tuag uantej lawm nyob. Nej yuavtsum kwv kuv mus log nrog kuv cov yawgkoob hauv lub qhovtsua uas nyob hauv Efaloos uas yog tus neeg Hitis thaj teb 30uas nyob hauv Makhepelas uas yog nyob rau ntawm Males sab hnubtuaj hauv tebchaws Kana-as. Anplahas twb yuav lub qhovtsua thiab thaj teb no ntawm Efaloos los ua chaw log tuag lawm. #Chiv 23:3-20 31Qhov chaw no yog qhov uas lawv log Anplahas thiab nws tus pojniam uas yog Xalas; Qhov chaw no yog qhov chaw uas lawv log Ixaj thiab nws tus pojniam uas yog Lenpekas, thiab yog qhov chaw uas kuv log Le-as. #Chiv 25:9-10; Chiv 35:29 32Thaj teb thiab lub qhovtsua no yog yuav ntawm cov neeg Hitis los. Nej coj kuv mus log rau ntawd.”
33Thaum Yakhauj piav qhia txhua yam rau nws cov tub tag lawm, nws txawm rov qhau cev pw thiab tusiav nrho lawm. #Teshl 7:15
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.