Khiav Dim 6
6
1Tus TSWV thiaj hais rau Mauxes tias, “Zaumno koj yuav pom tej uas Kuv yuav ua rau Falaus. Los ntawm Kuv txhais tes uas muaj hwjchim, nws yeej yuav tso Kuv haivneeg mus xwb. Tseeb tiag, los ntawm Kuv txhais tes uas muaj hwjchim, nws yeej yuav ntiab lawv tawm hauv nws lub tebchaws mus.”
Vajtswv Hu Mauxes
2Vajtswv nrog Mauxes tham thiab hais tias, “Kuv yog tus TSWV. 3Kuv yog Vajtswv tus uas muaj Hwjchim Loj Kawg Nkaus, uas tau tshwm los rau Anplahas, Ixaj, thiab Yakhauj lawv pom lawm, tiamsis Kuv tsis tau qhia Kuv tuskheej rau lawv paub los ntawm Kuv lub npe dawbhuv, uas yog tus TSWV.#6:3: tus TSWV: Saib 3:14. #Chiv 17:1; 28:3; 35:11; Khiav 3:13-15 4Kuv tau coglus rau lawv lawm hais tias Kuv yuav muab lub tebchaws Kana-as pub rau lawv, yog lub tebchaws uas thaum ub lawv los nyob zooli neeg txawv tebchaws. 5Nimno Kuv hnov lub suab quajntsuag ntawm cov Yixalayees uas raug cov Iziv muab yuam ua qhev lawm, thiab Kuv tau nco txog tej lus uas Kuv tau cogtseg lawm.
6“Yogli ntawd, koj mus hais rau cov Yixalayees tias Kuv hais rau lawv tias, ‘Kuv yog tus TSWV, Kuv yuav cawm nej thiab tso kom nej dim ntawm txoj kev uas ua cov neeg Iziv qhev. Kuv yuav tsa Kuv txhais npab uas muaj zogloj zognchav, coj kev rautxim hnyav heev los rau lawv, thiab Kuv yuav cawm kom nej dim. 7Kuv yuav coj nej los ua Kuv haivneeg, es Kuv yuav yog nej tus Vajtswv. Thaum Kuv tso nej dim kev ua cevqhev hauv tebchaws Iziv los, nej yuav paub tias Kuv yog tus TSWV uas yog nej tus Vajtswv. 8Kuv yuav coj nej mus nyob hauv lub tebchaws uas kuv tau coglus ruaj-khov rau Anplahas, Ixaj, thiab Yakhauj lawm; Kuv yuav muab pub rau nej nyob ua nej tug. Kuv yog tus TSWV.’ ”
9Mauxes coj cov lus no mus hais rau cov Yixalayees, tiamsis lawv tsis ntseeg nws li, rauqhov lawv puassiab puasntsws rau txoj kev ua luag tauj luag qhev heev lawm.
10Ces tus TSWV hais rau Mauxes tias, 11“Koj mus hais rau Falaus uas yog cov Iziv tus vajntxwv kom nws ciali tso cov Yixalayees tawm hauv nws lub tebchaws mus.”
12Tiamsis Mauxes teb tias, “Cov Yixalayees twb tsis mloog kuv tej lus, es Falaus yuav uacas mloog no? Kuv yog ib tug neeg uas haislus tsis npliag.”
13Tus TSWV hais rau Mauxes thiab Aloos nkawd tias: “Neb ciali qhia rau cov Yixalayees thiab Falaus uas yog cov Iziv tus vajntxwv hais tias, Kuv yog tus xaaj kom neb coj cov Yixalayees tawm hauv tebchaws Iziv no mus.”
Mauxes Thiab Aloos Nkawd Cajces Tej Npe
14Yakhauj tus tub hlob Lunpees, muaj plaub tug tub: Hanauj, Palus, Hexeloos, thiab Khamis; lawv puavleej yog cov yawgkoob uas ris lawv cajces npe. 15Xime-oos muaj rau tus tub: Yemuyees, Yamees, Auhas, Yakhees, Zauhas, thiab Sa-us; lawv yog tus pojniam Kana-as cov tub; lawv puavleej yog cov yawgkoob uas ris lawv cajces npe. 16Levis muaj peb tug tub: Nkawsoos, Kauhas, thiab Melalis; lawv puavleej yog cov yawgkoob uas ris lawv cajces npe. Levis ua neej nyob tau 137 xyoo. #Teev 3:17-20; 26:57-58; 1Xwm 6:16-19 17Nkawsoos muaj ob tug tub: Linpenis, thiab Sime-is; nkawd muaj xeebntxwv coob heev. 18Kauhas muaj plaub tug tub: Aaslas, Ixahas, Henploos, thiab Uxiyees. Kauhas ua neej nyob tau 133 xyoos. 19Melalis muaj ob tug tub: Mahelis thiab Musis. Cov no puavleej yog suav xeem Levis nrog lawv tej cajces huv tibsi.
20Aslas yuav nws txiv tus muam Yaukhenpes los ua pojniam, Yaukhenpes thiaj yug tau Aloos thiab Mauxes nkawd. Aslas ua neej nyob tau 137 xyoo. 21Ixahas muaj peb tug tub: Kaulas, Nefej, thiab Xikhelis. 22Uxiyees muaj peb tug tub: Misayees, Exafas, thiab Sithalis.
23Aloos yuav Elisenpas uas yog Aminadas tus ntxhais thiab yog Nasoos tus muam ua pojniam; nws yug tau Nadas, Anpihus, Ele-axas, thiab Ithamas rau Aloos. 24Kaulas muaj peb tug tub: Axaws, Ekhanas, thiab Anpe-asas; lawv puavleej yog Kaulas cajces uas faib ua tej cuab lawm cov yawgkoob. 25Aloos tus tub Ele-axas, yuav Putiyees ib tug ntxhais ua pojniam; thiab nws yug tau Finehas rau Ele-axas. Cov no yog cov thawjcoj ntawm nws cajces thiab yog tej cuab kwvtij ntawm xeem Levis.
26Aloos thiab Mauxes yog ob tug uas Vajtswv hais tias, “Coj cov Yixalayees tawm hauv tebchaws Iziv mus.” 27Nkawd yog ob tug uas mus hais rau Falaus uas yog cov Iziv tus vajntxwv kom tso cov Yixalayees tawm hauv tebchaws Iziv mus.
Tus TSWV Tej Lus Xaaj Rau Mauxes Thiab Aloos
28Thaum tus TSWV los hais rau Mauxes hauv tebchaws Iziv, 29Nws hais li no: “Kuv yog tus TSWV. Ciali qhia txhua yam uas Kuv qhia koj lawm rau cov Iziv tus vajntxwv.”
30Tiamsis Mauxes teb tias, “Koj yeej paub kuv yog ib tug neeg uas haislus tsis npliag; yuav ua licas Falaus thiaj mloog kuv hais?”
Currently Selected:
Khiav Dim 6: MWW2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Khiav Dim 6
6
1Tus TSWV thiaj hais rau Mauxes tias, “Zaumno koj yuav pom tej uas Kuv yuav ua rau Falaus. Los ntawm Kuv txhais tes uas muaj hwjchim, nws yeej yuav tso Kuv haivneeg mus xwb. Tseeb tiag, los ntawm Kuv txhais tes uas muaj hwjchim, nws yeej yuav ntiab lawv tawm hauv nws lub tebchaws mus.”
Vajtswv Hu Mauxes
2Vajtswv nrog Mauxes tham thiab hais tias, “Kuv yog tus TSWV. 3Kuv yog Vajtswv tus uas muaj Hwjchim Loj Kawg Nkaus, uas tau tshwm los rau Anplahas, Ixaj, thiab Yakhauj lawv pom lawm, tiamsis Kuv tsis tau qhia Kuv tuskheej rau lawv paub los ntawm Kuv lub npe dawbhuv, uas yog tus TSWV.#6:3: tus TSWV: Saib 3:14. #Chiv 17:1; 28:3; 35:11; Khiav 3:13-15 4Kuv tau coglus rau lawv lawm hais tias Kuv yuav muab lub tebchaws Kana-as pub rau lawv, yog lub tebchaws uas thaum ub lawv los nyob zooli neeg txawv tebchaws. 5Nimno Kuv hnov lub suab quajntsuag ntawm cov Yixalayees uas raug cov Iziv muab yuam ua qhev lawm, thiab Kuv tau nco txog tej lus uas Kuv tau cogtseg lawm.
6“Yogli ntawd, koj mus hais rau cov Yixalayees tias Kuv hais rau lawv tias, ‘Kuv yog tus TSWV, Kuv yuav cawm nej thiab tso kom nej dim ntawm txoj kev uas ua cov neeg Iziv qhev. Kuv yuav tsa Kuv txhais npab uas muaj zogloj zognchav, coj kev rautxim hnyav heev los rau lawv, thiab Kuv yuav cawm kom nej dim. 7Kuv yuav coj nej los ua Kuv haivneeg, es Kuv yuav yog nej tus Vajtswv. Thaum Kuv tso nej dim kev ua cevqhev hauv tebchaws Iziv los, nej yuav paub tias Kuv yog tus TSWV uas yog nej tus Vajtswv. 8Kuv yuav coj nej mus nyob hauv lub tebchaws uas kuv tau coglus ruaj-khov rau Anplahas, Ixaj, thiab Yakhauj lawm; Kuv yuav muab pub rau nej nyob ua nej tug. Kuv yog tus TSWV.’ ”
9Mauxes coj cov lus no mus hais rau cov Yixalayees, tiamsis lawv tsis ntseeg nws li, rauqhov lawv puassiab puasntsws rau txoj kev ua luag tauj luag qhev heev lawm.
10Ces tus TSWV hais rau Mauxes tias, 11“Koj mus hais rau Falaus uas yog cov Iziv tus vajntxwv kom nws ciali tso cov Yixalayees tawm hauv nws lub tebchaws mus.”
12Tiamsis Mauxes teb tias, “Cov Yixalayees twb tsis mloog kuv tej lus, es Falaus yuav uacas mloog no? Kuv yog ib tug neeg uas haislus tsis npliag.”
13Tus TSWV hais rau Mauxes thiab Aloos nkawd tias: “Neb ciali qhia rau cov Yixalayees thiab Falaus uas yog cov Iziv tus vajntxwv hais tias, Kuv yog tus xaaj kom neb coj cov Yixalayees tawm hauv tebchaws Iziv no mus.”
Mauxes Thiab Aloos Nkawd Cajces Tej Npe
14Yakhauj tus tub hlob Lunpees, muaj plaub tug tub: Hanauj, Palus, Hexeloos, thiab Khamis; lawv puavleej yog cov yawgkoob uas ris lawv cajces npe. 15Xime-oos muaj rau tus tub: Yemuyees, Yamees, Auhas, Yakhees, Zauhas, thiab Sa-us; lawv yog tus pojniam Kana-as cov tub; lawv puavleej yog cov yawgkoob uas ris lawv cajces npe. 16Levis muaj peb tug tub: Nkawsoos, Kauhas, thiab Melalis; lawv puavleej yog cov yawgkoob uas ris lawv cajces npe. Levis ua neej nyob tau 137 xyoo. #Teev 3:17-20; 26:57-58; 1Xwm 6:16-19 17Nkawsoos muaj ob tug tub: Linpenis, thiab Sime-is; nkawd muaj xeebntxwv coob heev. 18Kauhas muaj plaub tug tub: Aaslas, Ixahas, Henploos, thiab Uxiyees. Kauhas ua neej nyob tau 133 xyoos. 19Melalis muaj ob tug tub: Mahelis thiab Musis. Cov no puavleej yog suav xeem Levis nrog lawv tej cajces huv tibsi.
20Aslas yuav nws txiv tus muam Yaukhenpes los ua pojniam, Yaukhenpes thiaj yug tau Aloos thiab Mauxes nkawd. Aslas ua neej nyob tau 137 xyoo. 21Ixahas muaj peb tug tub: Kaulas, Nefej, thiab Xikhelis. 22Uxiyees muaj peb tug tub: Misayees, Exafas, thiab Sithalis.
23Aloos yuav Elisenpas uas yog Aminadas tus ntxhais thiab yog Nasoos tus muam ua pojniam; nws yug tau Nadas, Anpihus, Ele-axas, thiab Ithamas rau Aloos. 24Kaulas muaj peb tug tub: Axaws, Ekhanas, thiab Anpe-asas; lawv puavleej yog Kaulas cajces uas faib ua tej cuab lawm cov yawgkoob. 25Aloos tus tub Ele-axas, yuav Putiyees ib tug ntxhais ua pojniam; thiab nws yug tau Finehas rau Ele-axas. Cov no yog cov thawjcoj ntawm nws cajces thiab yog tej cuab kwvtij ntawm xeem Levis.
26Aloos thiab Mauxes yog ob tug uas Vajtswv hais tias, “Coj cov Yixalayees tawm hauv tebchaws Iziv mus.” 27Nkawd yog ob tug uas mus hais rau Falaus uas yog cov Iziv tus vajntxwv kom tso cov Yixalayees tawm hauv tebchaws Iziv mus.
Tus TSWV Tej Lus Xaaj Rau Mauxes Thiab Aloos
28Thaum tus TSWV los hais rau Mauxes hauv tebchaws Iziv, 29Nws hais li no: “Kuv yog tus TSWV. Ciali qhia txhua yam uas Kuv qhia koj lawm rau cov Iziv tus vajntxwv.”
30Tiamsis Mauxes teb tias, “Koj yeej paub kuv yog ib tug neeg uas haislus tsis npliag; yuav ua licas Falaus thiaj mloog kuv hais?”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.