Khiav Dim 5
5
Mauxes Thiab Aloos Mus Cuag Falaus
1Ces Mauxes thiab Aloos thiaj mus cuag Falaus thiab hais tias, “Tus TSWV uas yog cov Yixalayees tus Vajtswv hais tias, ‘Koj ciali tso Kuv haivneeg mus, kom lawv thiaj mus ua tau ib rooj mov noj tom tiaj suabpuam ua Kuv tsaug.’ ”
2Tiamsis Falaus nug hais tias, “Tus TSWV yog leejtwg, es kuv thiaj yuav mloog Nws lus thiab tso cov Yixalayees mus? Kuv tsis paub tus TSWV, kuv yuav tsis kam tso cov Yixalayees mus.”
3Mauxes thiab Aloos nkawd teb tias, “Cov Henplais tus Vajtswv tau los qhia Nws tuskheej rau peb pom lawm. Thov koj tso peb mus peb hnub ke rau tom tiaj suabpuam, uas yog mus tua tsiaj fij rau tus TSWV, uas yog peb tus Vajtswv. Yog peb tsis ua li ntawd, Nws yuav tua peb los ntawm tej kab mob phem lossis los ntawm tej hniav ntaj hniav riam.”
4Falaus hais rau Mauxes thiab Aloos tias, “Yog licas neb pheej ua kom cov neeg no tso lawv tes haujlwm tseg? Ciali coj cov qhev no rov mus ua haujlwm! 5Neb saib maj, nej cov neeg uas nyob hauv lub tebchaws no huamvam coob tshaj cov neeg Iziv lawm, nimno neb txawm yuav kom lawv tso haujlwm tseg no lov!”
6Tibhnub ntawd Falaus hais rau cov Iziv uas ua thawj saib cov qhev thiab hais rau cov Yixalayees uas saib haujlwm li no: 7“Txij hnubno mus nej tsis txhob muab quavnyab rau cov neeg no xyaw av puab thwvcib li qub lawm. Cia lawv mam mus nrhiav lawv xwb. 8Tiamsis tseev kom lawv puab tau thwvcib ntau ib yam li qub, tsis pub kom tsawg dhau qhov qub li. Vim lawv tubnkeeg, lawv thiaj tuaj thov kom kuv tso lawv, kom lawv thiaj tau coj tsiaj mus tua fij rau lawv tus Vajtswv! 9Nej muab haujlwm rau lawv ua kom hnyav dua qhov qub, kom lawv khwv heev tsis tau so li, kom lawv thiaj tsis khoom mus mloog luag tej lus dag-ntxias.”
10Cov Iziv uas saib cov qhev thiab cov Yixalayees uas saib haujlwm thiaj mus hais rau cov Yixalayees tias, “Falaus hais li no tias, nws yuav tsis muab quavnyab rau nej lawm. 11Nej yuavtsum mus nrhiav nej quavnyab; nej yuav mus nrhiav qhovtwg los xij, tiamsis yuavtsum puab kom tau thwvcib ntau npaum li qub.” 12Yogli ntawd, cov Yixalayees thiaj mus nrhiav quavnyab thoobplaws hauv tebchaws Iziv. 13Cov thawj uas saib cov qhev ntawd, yuam kom txhua hnub lawv yuavtsum puab kom tau thwvcib ntau ib yam li thaum uas tseem muab quavnyab rau lawv. 14Cov Iziv uas ua thawj saib cov qhev, ntaus cov Yixalayees uas lawv muab tsa ua cov thawj saib haujlwm. Lawv nug hais tias, “Vim licas nej cov neeg puab tsis tau thwvcib ntau npaum li yav tas los lawm?”
15Cov Yixalayees uas saib haujlwm thiaj mus cuag Falaus thiab yws hais tias, “Vim licas koj ua li no rau peb? 16Koj twb tsis muab quavnyab rau peb, tiamsis koj tseem xaaj kom lawv yuam peb puab thwvcib tag zog li! Nimno peb tseem mag ntaus thiab. Qhov tseeb tiag ces koj cov neeg yog cov uas ua tsis yog lawm!”
17Falaus teb tias, “Nej tubnkeeg thiab tsis xav ua haujlwm xwb; vimli ntawd nej thiaj tuaj thov kuv kom kuv pub nej coj tsiaj mus tua fij rau tus TSWV. 18Nej ciali rovqab mus ua haujlwm tamsim no! Kuv yuav tsis muab quavnyab rau nej lawm, tiamsis nej yuavtsum puab kom tau thwvcib ntau ib yam li qub.” 19Cov Yixalayees uas saib haujlwm pom tias lawv yeej yuav raug teebmeem xwb, rauqhov Falaus hais kom txhua hnub lawv yuavtsum puab thwvcib kom tau ntau ib yam li qub.
20Thaum lawv rovqab los, lawv ntsib Mauxes thiab Aloos nkawd tabtom tos lawv. 21Lawv hais rau nkawd tias, “Tus TSWV yeej pom tej uas neb tau ua los lawm, thov kom Nws rautxim rau neb, rauqhov neb ua rau Falaus thiab nws cov nomtswv ntxub peb heev. Neb ua li ntawd ces zoo ib yam li yog neb muab ntaj cob rau lawv txhais tes tua peb povtseg ntag.”
Mauxes Yws Rau Tus TSWV
22Mauxes mus thov tus TSWV dua ib zaug ntxiv hais tias, “Tus TSWV, vim licas Koj tsis hlub Koj haivneeg? Vim licas Koj thiaj txib kuv tuaj? 23Txij hnub uas kuv sawv Koj cev mus hais rau Falaus, nws tseem hajyam tsimtxom lawv heev xwb, Koj twb tsis ua ib yam dabtsi pab lawv li!”
Currently Selected:
Khiav Dim 5: MWW2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Khiav Dim 5
5
Mauxes Thiab Aloos Mus Cuag Falaus
1Ces Mauxes thiab Aloos thiaj mus cuag Falaus thiab hais tias, “Tus TSWV uas yog cov Yixalayees tus Vajtswv hais tias, ‘Koj ciali tso Kuv haivneeg mus, kom lawv thiaj mus ua tau ib rooj mov noj tom tiaj suabpuam ua Kuv tsaug.’ ”
2Tiamsis Falaus nug hais tias, “Tus TSWV yog leejtwg, es kuv thiaj yuav mloog Nws lus thiab tso cov Yixalayees mus? Kuv tsis paub tus TSWV, kuv yuav tsis kam tso cov Yixalayees mus.”
3Mauxes thiab Aloos nkawd teb tias, “Cov Henplais tus Vajtswv tau los qhia Nws tuskheej rau peb pom lawm. Thov koj tso peb mus peb hnub ke rau tom tiaj suabpuam, uas yog mus tua tsiaj fij rau tus TSWV, uas yog peb tus Vajtswv. Yog peb tsis ua li ntawd, Nws yuav tua peb los ntawm tej kab mob phem lossis los ntawm tej hniav ntaj hniav riam.”
4Falaus hais rau Mauxes thiab Aloos tias, “Yog licas neb pheej ua kom cov neeg no tso lawv tes haujlwm tseg? Ciali coj cov qhev no rov mus ua haujlwm! 5Neb saib maj, nej cov neeg uas nyob hauv lub tebchaws no huamvam coob tshaj cov neeg Iziv lawm, nimno neb txawm yuav kom lawv tso haujlwm tseg no lov!”
6Tibhnub ntawd Falaus hais rau cov Iziv uas ua thawj saib cov qhev thiab hais rau cov Yixalayees uas saib haujlwm li no: 7“Txij hnubno mus nej tsis txhob muab quavnyab rau cov neeg no xyaw av puab thwvcib li qub lawm. Cia lawv mam mus nrhiav lawv xwb. 8Tiamsis tseev kom lawv puab tau thwvcib ntau ib yam li qub, tsis pub kom tsawg dhau qhov qub li. Vim lawv tubnkeeg, lawv thiaj tuaj thov kom kuv tso lawv, kom lawv thiaj tau coj tsiaj mus tua fij rau lawv tus Vajtswv! 9Nej muab haujlwm rau lawv ua kom hnyav dua qhov qub, kom lawv khwv heev tsis tau so li, kom lawv thiaj tsis khoom mus mloog luag tej lus dag-ntxias.”
10Cov Iziv uas saib cov qhev thiab cov Yixalayees uas saib haujlwm thiaj mus hais rau cov Yixalayees tias, “Falaus hais li no tias, nws yuav tsis muab quavnyab rau nej lawm. 11Nej yuavtsum mus nrhiav nej quavnyab; nej yuav mus nrhiav qhovtwg los xij, tiamsis yuavtsum puab kom tau thwvcib ntau npaum li qub.” 12Yogli ntawd, cov Yixalayees thiaj mus nrhiav quavnyab thoobplaws hauv tebchaws Iziv. 13Cov thawj uas saib cov qhev ntawd, yuam kom txhua hnub lawv yuavtsum puab kom tau thwvcib ntau ib yam li thaum uas tseem muab quavnyab rau lawv. 14Cov Iziv uas ua thawj saib cov qhev, ntaus cov Yixalayees uas lawv muab tsa ua cov thawj saib haujlwm. Lawv nug hais tias, “Vim licas nej cov neeg puab tsis tau thwvcib ntau npaum li yav tas los lawm?”
15Cov Yixalayees uas saib haujlwm thiaj mus cuag Falaus thiab yws hais tias, “Vim licas koj ua li no rau peb? 16Koj twb tsis muab quavnyab rau peb, tiamsis koj tseem xaaj kom lawv yuam peb puab thwvcib tag zog li! Nimno peb tseem mag ntaus thiab. Qhov tseeb tiag ces koj cov neeg yog cov uas ua tsis yog lawm!”
17Falaus teb tias, “Nej tubnkeeg thiab tsis xav ua haujlwm xwb; vimli ntawd nej thiaj tuaj thov kuv kom kuv pub nej coj tsiaj mus tua fij rau tus TSWV. 18Nej ciali rovqab mus ua haujlwm tamsim no! Kuv yuav tsis muab quavnyab rau nej lawm, tiamsis nej yuavtsum puab kom tau thwvcib ntau ib yam li qub.” 19Cov Yixalayees uas saib haujlwm pom tias lawv yeej yuav raug teebmeem xwb, rauqhov Falaus hais kom txhua hnub lawv yuavtsum puab thwvcib kom tau ntau ib yam li qub.
20Thaum lawv rovqab los, lawv ntsib Mauxes thiab Aloos nkawd tabtom tos lawv. 21Lawv hais rau nkawd tias, “Tus TSWV yeej pom tej uas neb tau ua los lawm, thov kom Nws rautxim rau neb, rauqhov neb ua rau Falaus thiab nws cov nomtswv ntxub peb heev. Neb ua li ntawd ces zoo ib yam li yog neb muab ntaj cob rau lawv txhais tes tua peb povtseg ntag.”
Mauxes Yws Rau Tus TSWV
22Mauxes mus thov tus TSWV dua ib zaug ntxiv hais tias, “Tus TSWV, vim licas Koj tsis hlub Koj haivneeg? Vim licas Koj thiaj txib kuv tuaj? 23Txij hnub uas kuv sawv Koj cev mus hais rau Falaus, nws tseem hajyam tsimtxom lawv heev xwb, Koj twb tsis ua ib yam dabtsi pab lawv li!”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.