Khiav Dim 32
32
Tus Mlom Nyuj Uas Yog Kub
(2 Kevcai 9:6-29)
1Thaum cov neeg pom tias Mauxes nyob saum roob ntev loo thiab tsis pom nws nqis rov los, lawv txawm sibsau tuaj cuag Aloos thiab hais rau nws tias, “Peb tsis paub xyov muaj xwm dabtsi rau tus Mauxes uas coj peb tawm hauv tebchaws Iziv los lawm; yogli ntawd, koj ciali tsim ib tug nyuag vajtswv#32:1: ib tug nyuag vajtswv; lossis tej nyuag vajtswv. los ua tus coj peb.”
2Aloos teb lawv hais tias, “Ciali mus hle nej tej pojniam tej tub, thiab tej ntxhais tej qhwsntsej kub, thiab nqa tuaj rau kuv.” #Teshl 7:40 3Yogli ntawd, lawv thiaj hle tagnrho lawv tej qhwsntsej kub nqa tuaj rau Aloos. 4Aloos muab cov qhwsntsej kub ntawd mus hlawv hauv lub yeejvub kom yaj, thiab muab nchuav ua ib tug mlom txiv thav nyuj.
Lawv hais tias, “Ibtsoom Yixalayees, tus no yog peb tus nyuag vajtswv uas coj peb tawm hauv tebchaws Iziv los!” #1Vaj 12:28; Teshl 7:41
5Tomqab ntawd, Aloos ua ib lub thaj rau ntawm tus mlom nyuj ntawd hauvntej thiab tshajtawm rau sawvdaws hais tias, “Tagkis peb yuav ua ib pluag nojhaus ua tus TSWV tsaug.” 6Tagkis thaum kajntug txoog lawv thiaj coj tsiaj tuaj tua hlawv fij theej txhoj thiab muab dua ib co tua noj ua kev sib raugzoo. Cov pejxeem thiaj zaum tsaws noj tsau haus qaug, sawv dhia seevcev thiab sibdee. #1Klt 10:7
7Tus TSWV hais rau Mauxes tias, “Koj ciali majnroos nqis rovqab mus, rauqhov koj cov pejxeem uas koj tau coj tawm hauv tebchaws Iziv los, tau ua txhaum thiab tso Kuv tseg lawm. 8Lawv twb muab tej uas Kuv tau xaaj rau lawv tsotseg tag lawm; lawv thiaj muab kub nchuav ua ib tug mlom txiv nyuj thiab ciali mus pe tus mlom ntawd, thiab ciali muab khoom fij rau tus mlom ntawd. Lawv hais tias tus no yog lawv tus nyuag vajtswv uas coj lawv tawm hauv tebchaws Iziv los! 9Kuv paub tias cov neeg no tawv ncauj npaum licas. 10Zaumno, tsis txhob cheem Kuv. Kuv npautaws rau lawv heev, Kuv yuav ua kom lawv raug kev puastsuaj. Ces Kuv yuav tsa koj thiab koj cajces ua ib haivneeg tseemceeb.”
11Tiamsis Mauxes thov tus TSWV uas yog nws tus Vajtswv hais tias, “Tus TSWV, Koj twb tau siv Koj lub zog thiab lub hwjchim coj lawv tawm hauv tebchaws Iziv los, vim licas Koj yuav chim rau Koj haivneeg ualuaj? 12Vim licas thiaj cia cov Iziv muaj lus hais tau tias Koj coj Koj haivneeg tawm hauv tebchaws Iziv los, yog Koj muaj homphiaj coj lawv los tua povtseg tom tej roob thiab ua kom lawv puastsuaj tu noob mus? Thov Koj hloov siab thiab tsis txhob npautaws, thov tsis txhob tso kev puastsuaj los rau Koj haivneeg. 13Thov Koj ncontsoov Anplahas, Ixaj, thiab Yakhauj uas yog Koj cov tubtxib. Ncontsoov tej lus uas Koj tau cogtseg lawm hais tias Koj yuav pub rau lawv muaj cajces coob ib yam li cov hnubqub saum ntuj thiab Koj yuav muab lub tebchaws uas Koj coglus tseg rau lawv cajces, ua lawv tug mus ibtxhis li.” #Chiv 23:16-17; Chiv 17:8 14Yogli ntawd, tus TSWV thiaj hloov siab thiab tsis tso kev puastsuaj los rau Nws haivneeg li uas Nws tau hais lawm. #Teev 14:13-19
15Mauxes txawm nqis saum roob los, nws nqa ob daim txiag zeb uas sau tej lus xaaj rau ob sab, sab no thiab sabnraud, nrog nws los. 16Vajtswv yog tus txua ob daim txiag zeb thiab txaug tej lus xaaj rau ntawm ob daim txiag zeb ntawd.
17Thaum Yausuas hnov cov neeg qw uatsoj uatsaug, nws hais rau Mauxes tias, “Kuv hnov zooli muaj suab tsovrog nyob rau hauv lub yeej.”
18Mauxes teb tias, “Lub suab ntawd tsis zooli lub suab qw uas muajyeej lossis lub suab quaj uas swb; tiamsis nws yog lub suab hunkauj.”
19Thaum Mauxes los ze lub yeej, nws pom tus mlom nyuj thiab pom cov neeg dhia seevcev lomzem xauvnpo, ua rau nws npautaws heev. Nws thiaj muab ob daim txiag zeb ntawm nws tes cuam ntsoog tawg tas rau ntawm taw roob. 20Nws coj tus mlom nyuj uas lawv nchuav ntawd mus hlawv, muab zom ua hmoov tshauv, muab tov dej, thiab muab yuam rau cov Yixalayees haus. 21Mauxes nug Aloos hais tias, “Cov neeg no ua licas rau koj, es koj thiaj coj lawv ua kev txhaum loj npaum li no?”
22Aloos teb tias, “Koj tsis txhob chim rau kuv; koj yeej paub tias cov neeg no lub siab nyiam ua kev phem npaum licas. 23Lawv hais rau kuv tias, ‘Peb tsis paub xyov muaj xwm dabtsi rau tus Mauxes uas coj peb tawm hauv tebchaws Iziv los lawm; yogli ntawd, koj ciali tsim ib tug nyuag vajtswv los ua tus coj peb.’ 24Kuv thiaj hais kom lawv nqa lawv tej saw kub uas lawv muaj thiab hle lawv tej qhwsntsej kub tuaj rau kuv. Kuv thiaj coj mus laim nroos rau hauv qhovcub, ces txawm ciali ua tau tus mlom nyuj no!”
25Mauxes pom tias, Aloos tsis tswj cov neeg thiab tso lawv ua tej kev txajmuag tabmeeg rau tej yeebncuab luag thiab saib tsis taus lawv. 26Yogli ntawd, Mauxes thiajli mus sawv ntawm roojvag uas mus hauv lub yeej thiab qw hais tias, “Leejtwg uas tuaj tus TSWV tog ciali los rau ntawm kuv no!” Tagnrho xeem Levis txawm sau nthwv los vij Mauxes, 27ces Mauxes hais rau lawv tias, “Tus TSWV uas yog haivneeg Yixalayees tus Vajtswv xaaj kom nej txhua tus nyias nqa nyias rab ntaj thiab pib ntawm lub roojvag no mus kom thoobplaws lub yeej no, muab nej tej kwvtij, tej phoojywg, thiab nej tej neeg zejzog tua povtseg kom tag.” 28Cov Levis mloog Mauxes lus; hnub ntawd lawv thiaj muab cov txivneej tua tuag kwvlam li 3,000 leej. 29Mauxes hais rau cov Levis tias, “Hnubno nej tau tsa nej#32:29: Tej co ntawv qub-qub thaum ub sau hais tias Hnubno nej tau tsa nej; phau lus Henplais hais tias Ciali tsa nej hnubno; lossis Nej tau raug tsa hnubno. ua cov povthawj hlob ua tus TSWV tes haujlwm los ntawm qhov uas nej muab nej tej tub thiab tej kwvtij tua povtseg, yogli ntawd, hnubno tus TSWV thiaj foom koobhmoov rau nej.”
30Hnub tomqab Mauxes hais rau cov pejxeem tias, “Nej tau ua ib qho kev txhaum loj heev. Tiamsis zaumno kuv yuav rov mus cuag tus TSWV saum roob dua; seb kuv puas yuav mus thov tau tus TSWV zamtxim rau nej.” 31Mauxes thiaj rov mus cuag tus TSWV thiab thov hais tias, “Cov neeg no tau ua ib qho kev txhaum loj kawg li. Lawv muab kub los nchuav ua ib tug nyuag vajtswv thiab txawm ciali pe tus nyuag vajtswv ntawd. 32Thov Koj zam lawv tej kev txhaum; tiamsis yog Koj zam tsis tau, no ces thov Koj rho kuv lub npe tawm hauv phau ntawv uas Koj twb sau Koj haivneeg tej npe rau lawm.” #Nnkauj 69:28; Tshwm 3:5
33Tus TSWV teb tias, “Tus twg uas ua txhaum rau Kuv, tus ntawd Kuv thiaj yuav rho nws npe tawm hauv Kuv phau ntawv mus xwb. 34Tamsim no koj ciali rovqab mus, es coj cov pejxeem mus nyob rau qhov chaw uas Kuv twb qhia rau koj lawm. Ncontsoov tias Kuv tus timtswv yuav mus ua nej ntej coj nej kev, tiamsis thaum txog lub sijhawm uas Kuv txiavtxim, Kuv yuav txiavtxim rau lawv vim lawv tej kev txhaum.”
35Tus TSWV thiaj tso kab mob phem los rau cov pejxeem, rauqhov lawv yuam Aloos muab kub nchuav ua ib tug mlom nyuj rau lawv pe.
Currently Selected:
Khiav Dim 32: MWW2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Khiav Dim 32
32
Tus Mlom Nyuj Uas Yog Kub
(2 Kevcai 9:6-29)
1Thaum cov neeg pom tias Mauxes nyob saum roob ntev loo thiab tsis pom nws nqis rov los, lawv txawm sibsau tuaj cuag Aloos thiab hais rau nws tias, “Peb tsis paub xyov muaj xwm dabtsi rau tus Mauxes uas coj peb tawm hauv tebchaws Iziv los lawm; yogli ntawd, koj ciali tsim ib tug nyuag vajtswv#32:1: ib tug nyuag vajtswv; lossis tej nyuag vajtswv. los ua tus coj peb.”
2Aloos teb lawv hais tias, “Ciali mus hle nej tej pojniam tej tub, thiab tej ntxhais tej qhwsntsej kub, thiab nqa tuaj rau kuv.” #Teshl 7:40 3Yogli ntawd, lawv thiaj hle tagnrho lawv tej qhwsntsej kub nqa tuaj rau Aloos. 4Aloos muab cov qhwsntsej kub ntawd mus hlawv hauv lub yeejvub kom yaj, thiab muab nchuav ua ib tug mlom txiv thav nyuj.
Lawv hais tias, “Ibtsoom Yixalayees, tus no yog peb tus nyuag vajtswv uas coj peb tawm hauv tebchaws Iziv los!” #1Vaj 12:28; Teshl 7:41
5Tomqab ntawd, Aloos ua ib lub thaj rau ntawm tus mlom nyuj ntawd hauvntej thiab tshajtawm rau sawvdaws hais tias, “Tagkis peb yuav ua ib pluag nojhaus ua tus TSWV tsaug.” 6Tagkis thaum kajntug txoog lawv thiaj coj tsiaj tuaj tua hlawv fij theej txhoj thiab muab dua ib co tua noj ua kev sib raugzoo. Cov pejxeem thiaj zaum tsaws noj tsau haus qaug, sawv dhia seevcev thiab sibdee. #1Klt 10:7
7Tus TSWV hais rau Mauxes tias, “Koj ciali majnroos nqis rovqab mus, rauqhov koj cov pejxeem uas koj tau coj tawm hauv tebchaws Iziv los, tau ua txhaum thiab tso Kuv tseg lawm. 8Lawv twb muab tej uas Kuv tau xaaj rau lawv tsotseg tag lawm; lawv thiaj muab kub nchuav ua ib tug mlom txiv nyuj thiab ciali mus pe tus mlom ntawd, thiab ciali muab khoom fij rau tus mlom ntawd. Lawv hais tias tus no yog lawv tus nyuag vajtswv uas coj lawv tawm hauv tebchaws Iziv los! 9Kuv paub tias cov neeg no tawv ncauj npaum licas. 10Zaumno, tsis txhob cheem Kuv. Kuv npautaws rau lawv heev, Kuv yuav ua kom lawv raug kev puastsuaj. Ces Kuv yuav tsa koj thiab koj cajces ua ib haivneeg tseemceeb.”
11Tiamsis Mauxes thov tus TSWV uas yog nws tus Vajtswv hais tias, “Tus TSWV, Koj twb tau siv Koj lub zog thiab lub hwjchim coj lawv tawm hauv tebchaws Iziv los, vim licas Koj yuav chim rau Koj haivneeg ualuaj? 12Vim licas thiaj cia cov Iziv muaj lus hais tau tias Koj coj Koj haivneeg tawm hauv tebchaws Iziv los, yog Koj muaj homphiaj coj lawv los tua povtseg tom tej roob thiab ua kom lawv puastsuaj tu noob mus? Thov Koj hloov siab thiab tsis txhob npautaws, thov tsis txhob tso kev puastsuaj los rau Koj haivneeg. 13Thov Koj ncontsoov Anplahas, Ixaj, thiab Yakhauj uas yog Koj cov tubtxib. Ncontsoov tej lus uas Koj tau cogtseg lawm hais tias Koj yuav pub rau lawv muaj cajces coob ib yam li cov hnubqub saum ntuj thiab Koj yuav muab lub tebchaws uas Koj coglus tseg rau lawv cajces, ua lawv tug mus ibtxhis li.” #Chiv 23:16-17; Chiv 17:8 14Yogli ntawd, tus TSWV thiaj hloov siab thiab tsis tso kev puastsuaj los rau Nws haivneeg li uas Nws tau hais lawm. #Teev 14:13-19
15Mauxes txawm nqis saum roob los, nws nqa ob daim txiag zeb uas sau tej lus xaaj rau ob sab, sab no thiab sabnraud, nrog nws los. 16Vajtswv yog tus txua ob daim txiag zeb thiab txaug tej lus xaaj rau ntawm ob daim txiag zeb ntawd.
17Thaum Yausuas hnov cov neeg qw uatsoj uatsaug, nws hais rau Mauxes tias, “Kuv hnov zooli muaj suab tsovrog nyob rau hauv lub yeej.”
18Mauxes teb tias, “Lub suab ntawd tsis zooli lub suab qw uas muajyeej lossis lub suab quaj uas swb; tiamsis nws yog lub suab hunkauj.”
19Thaum Mauxes los ze lub yeej, nws pom tus mlom nyuj thiab pom cov neeg dhia seevcev lomzem xauvnpo, ua rau nws npautaws heev. Nws thiaj muab ob daim txiag zeb ntawm nws tes cuam ntsoog tawg tas rau ntawm taw roob. 20Nws coj tus mlom nyuj uas lawv nchuav ntawd mus hlawv, muab zom ua hmoov tshauv, muab tov dej, thiab muab yuam rau cov Yixalayees haus. 21Mauxes nug Aloos hais tias, “Cov neeg no ua licas rau koj, es koj thiaj coj lawv ua kev txhaum loj npaum li no?”
22Aloos teb tias, “Koj tsis txhob chim rau kuv; koj yeej paub tias cov neeg no lub siab nyiam ua kev phem npaum licas. 23Lawv hais rau kuv tias, ‘Peb tsis paub xyov muaj xwm dabtsi rau tus Mauxes uas coj peb tawm hauv tebchaws Iziv los lawm; yogli ntawd, koj ciali tsim ib tug nyuag vajtswv los ua tus coj peb.’ 24Kuv thiaj hais kom lawv nqa lawv tej saw kub uas lawv muaj thiab hle lawv tej qhwsntsej kub tuaj rau kuv. Kuv thiaj coj mus laim nroos rau hauv qhovcub, ces txawm ciali ua tau tus mlom nyuj no!”
25Mauxes pom tias, Aloos tsis tswj cov neeg thiab tso lawv ua tej kev txajmuag tabmeeg rau tej yeebncuab luag thiab saib tsis taus lawv. 26Yogli ntawd, Mauxes thiajli mus sawv ntawm roojvag uas mus hauv lub yeej thiab qw hais tias, “Leejtwg uas tuaj tus TSWV tog ciali los rau ntawm kuv no!” Tagnrho xeem Levis txawm sau nthwv los vij Mauxes, 27ces Mauxes hais rau lawv tias, “Tus TSWV uas yog haivneeg Yixalayees tus Vajtswv xaaj kom nej txhua tus nyias nqa nyias rab ntaj thiab pib ntawm lub roojvag no mus kom thoobplaws lub yeej no, muab nej tej kwvtij, tej phoojywg, thiab nej tej neeg zejzog tua povtseg kom tag.” 28Cov Levis mloog Mauxes lus; hnub ntawd lawv thiaj muab cov txivneej tua tuag kwvlam li 3,000 leej. 29Mauxes hais rau cov Levis tias, “Hnubno nej tau tsa nej#32:29: Tej co ntawv qub-qub thaum ub sau hais tias Hnubno nej tau tsa nej; phau lus Henplais hais tias Ciali tsa nej hnubno; lossis Nej tau raug tsa hnubno. ua cov povthawj hlob ua tus TSWV tes haujlwm los ntawm qhov uas nej muab nej tej tub thiab tej kwvtij tua povtseg, yogli ntawd, hnubno tus TSWV thiaj foom koobhmoov rau nej.”
30Hnub tomqab Mauxes hais rau cov pejxeem tias, “Nej tau ua ib qho kev txhaum loj heev. Tiamsis zaumno kuv yuav rov mus cuag tus TSWV saum roob dua; seb kuv puas yuav mus thov tau tus TSWV zamtxim rau nej.” 31Mauxes thiaj rov mus cuag tus TSWV thiab thov hais tias, “Cov neeg no tau ua ib qho kev txhaum loj kawg li. Lawv muab kub los nchuav ua ib tug nyuag vajtswv thiab txawm ciali pe tus nyuag vajtswv ntawd. 32Thov Koj zam lawv tej kev txhaum; tiamsis yog Koj zam tsis tau, no ces thov Koj rho kuv lub npe tawm hauv phau ntawv uas Koj twb sau Koj haivneeg tej npe rau lawm.” #Nnkauj 69:28; Tshwm 3:5
33Tus TSWV teb tias, “Tus twg uas ua txhaum rau Kuv, tus ntawd Kuv thiaj yuav rho nws npe tawm hauv Kuv phau ntawv mus xwb. 34Tamsim no koj ciali rovqab mus, es coj cov pejxeem mus nyob rau qhov chaw uas Kuv twb qhia rau koj lawm. Ncontsoov tias Kuv tus timtswv yuav mus ua nej ntej coj nej kev, tiamsis thaum txog lub sijhawm uas Kuv txiavtxim, Kuv yuav txiavtxim rau lawv vim lawv tej kev txhaum.”
35Tus TSWV thiaj tso kab mob phem los rau cov pejxeem, rauqhov lawv yuam Aloos muab kub nchuav ua ib tug mlom nyuj rau lawv pe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.