Kaulauxais Lus Tawqhia
Lus Tawqhia
Tsab ntawv Kaulauxais no yog Paulus sau mus rau pawg ntseeg hauv Kaulauxais, uas yog ib lub nroog nyob rau hauv Exias Yau uas nyob rau sab hnubtuaj ntawm lub nroog Efexaus. Pawg ntseeg no tsis yog Paulus tsimtsa, tiamsis nws yog ib pawg ntseeg uas nyob rau ntawm ib cheebtsam uas Paulus pom tias nws yuav tau pab lawv thiab; vim Paulus pheej txib ib co tubtxib hauv lub nroog Efexaus mus ua haujlwm rau lawv; Efexaus yog tebchaws Loos lub tuamceeb nroog uas nyob rau hauv Exias. Paulus hnov tias muaj cov xibhwb cuav nyob hauv pawg ntseeg Kaulauxais pheej qhia hais tias, qhov uas ib tug twg yuav paub Vajtswv thiab muaj kev dim txim uas puvnpo mas yuavtsum yog nws pehawm qeetus uas muaj hwjchim kav saum nruabntug. Cov xibhwb cuav ntawd tseem qhia hais tias, cov ntseeg yuavtsum coj rawsli qeeyam kevcai tshwjxeeb, xwsli: ua kevcai txiav, caiv qeeyam zaub-mov uas txwv tsis pub noj thiab lwmyam kevcai ntxiv.
Paulus muab Yexus Txojlus tseeb coj los sau tawmtsam cov lus qhia cuav no. Lub tseem ntsiab ntawm Paulus tej lus teb no yog qhia hais tias, Yexus Khetos tibleeg xwb thiaj yog tus pub tau txoj kev cawmdim uas puvnpo rau neeg, lwm txoj kev ntseeg thiab kev coj ces yog tej uas yuav ua kom sawvdaws hajyam txav deb ntawm Yexus mus xwb. Vajtswv tsim lub ntiajteb no los ntawm Khetos, thiab Vajtswv yuav coj neeg ntiajteb rov los cuag Vajtswv yog los ntawm Khetos thiab. Neeg ntiajteb yuav muaj kev dim txim ces tsuas yog los ntawm qhov uas lawv los koomxeeb nrog Khetos xwb.
Ib qhov uas zoo rau peb paub thiab mas yog Auneximus uas yog Filemaus tus tubqhe uas Paulus sau nyob rau hauv phau Filemaus kuj nrog Tikhikus xa Paulus tsab ntawv no mus rau pawg ntseeg uas nyob hauv Kaulauxais thiab.
Txheejtxheem
Lus tawqhia (1:1-8)
Khetos tus yamntxwv thiab tes haujlwm (1:9—2:19)
Lub neej tshiab uas nyob hauv Khetos (2:20—4:6)
Xaus lus (4:7-18)
Currently Selected:
Kaulauxais Lus Tawqhia: MWW2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.