Tes Haujlwm 7

Xatefanus Tej Lus

1Tus Tuam Povthawj Hlob nug Xatefanus hais tias, “Tej no puas muaj tseeb?”

2Xatefanus teb tias, “Nej cov ua kwv ua tij thiab ua txiv, nej ciali mloog kuv hais! Thaum peb yawgkoob Anplahas tseem nyob rau hauv tebchaws Mexuputamias uas nws tseem tsis tau khiav mus rau lub nroog Halas, Vajtswv tus uas muaj tshwjchim ci ntsa-iab tau tshwm los rau nws pom #Chiv 12:1 3thiab hais rau nws tias, ‘Koj ciali tso koj tej kwvtij thiab lub tebchaws no tseg, es mus rau ib lub tebchaws uas Kuv yuav qhia rau koj.’ 4Yogli ntawd, nws thiaj tawm hauv tebchaws Khade-as mus rau lub nroog Halas. Thaum nws txiv tuag lawm, Vajtswv thiaj hais kom nws khiav los nyob hauv lub tebchaws uas tamsim no nej nyob. #Chiv 11:31; Chiv 12:4

5“Thaum ntawd Vajtswv yeej tsis tau pub ib nyuag yam dabtsi rau Anplahas li, txawm yog thaj nyuag av luaj xibtaws xwb los twb tsis tau, tiamsis Vajtswv coglus tseg hais tias Vajtswv yuav muab lub tebchaws ntawd rau nws thiab nws cov xeebntxwv ua lawv tug mus li. Lub sijhawm uas Vajtswv coglus ntawd, Anplahas tseem tsis tau muaj menyuam. #Chiv 12:7; 13:15; 15:18; 17:8 6Vajtswv hais rau Anplahas hais tias, ‘Koj cajces yuav mus nrog lwm haivneeg nyob hauv luag lub tebchaws, lawv yuav mus ua luag qhev thiab raug luag tsimtxom 400 xyoo. #Chiv 15:13-14 7Tiamsis Kuv yuav rautxim rau cov neeg uas siv koj cajces ua lawv qhev, tomqab ntawd, lawv yuav tawm hauv lub tebchaws ntawd los pehawm Kuv nyob rau ntawm no.’ #Khiav 3:12

8“Vajtswv thiaj muab txoj kevcai txiav rau Anplahas ua lub cim qhia txog Vajtswv lolus cogtseg. Thaum yug Ixaj tau yim hnub lawm, Anplahas txawm muab Ixaj ua kevcai txiav. Ixaj muab nws tus tub Yakhauj ua kevcai txiav, thiab Yakhauj muab nws kaum-ob tug tub uas yog peb haivneeg cov yawgkoob ua kevcai txiav. #Chiv 17:10-14; Chiv 21:2-4; Chiv 25:26; Chiv 29:31—35:18

9“Yakhauj cov tub txawm muaj lub siab khib rau lawv tus kwv Yauxej, lawv thiaj muab nws muag mus ua qhev rau tebchaws Iziv. Tiamsis Vajtswv nrognraim Yauxej #Chiv 37:1; Chiv 37:28; Chiv 39:2, 21 10thiab cawm Yauxej dim ntawm txhua yam teebmeem uas los raug nws. Thaum Yauxej mus cuag Falaus uas yog cov Iziv tus vajntxwv, Vajtswv pub rau nws muaj ib tug cwjpwm uas ntxim nyiam thiab pub rau nws muaj tswvyim zoo, Falaus thiaj tsa nws ua tus tswvxeev saib lub tebchaws Iziv thiab saib txhua yam hauv Falaus lub loog. #Chiv 41:1-2

11“Tomqab ntawd txawm muaj kev tshaib plab thoobplaws tebchaws Iziv thiab tebchaws Kana-as, ua rau sawvdaws txomnyem kawg li. Peb cov yawgkoob nrhiav tsis tau noj, 12Yakhauj hnov tias nyob rau tebchaws Iziv muaj mov, ces nws txawm txib nws cov tub, uas yog peb cov yawgkoob, mus thawjzaug rau tebchaws Iziv. 13Thaum lawv rov mus zaum thib ob, Yauxej thiaj qhia nws tuskheej rau nws cov tijlaug paub, thiab qhia nws tsev neeg rau Falaus paub. #Chiv 45:1; Chiv 45:16 14Yogli ntawd, Yauxej thiajli xa xov mus rau Yakhauj uas yog nws txiv thiab tagnrho nws txiv tsev neeg, uas muaj xyacaum-tsib leeg, los nyob hauv tebchaws Iziv. #Chiv 45:9-10, 17-18; Chiv 46:27 (LXX) 15Yakhauj txawm mus nyob rau nram tebchaws Iziv; nws thiab nws cov tub puavleej tuag tag rau nrad. #Chiv 46:1-7; Chiv 49:33 16Nkawd#7:16: Nkawd: yog Yakhauj thiab Yauxej. lub cev tau raug muab coj rov los log rau ntawm lub qhovntxa uas nyob rau Sekhees. Lub qhovntxa ntawd yog lub uas thaum ub Anplahas tau muab ib teg nyiaj yuav ntawm cov neeg Hamaus los. #Chiv 23:3-16; 33:19; 50:7-13; Yaus 24:32

17“Thaum yuav txog lub sijhawm uas Vajtswv yuav tau ua rawsli Vajtswv tau coglus tseg rau Anplahas lawm, thaum ntawd peb haivneeg uas nyob hauv tebchaws Iziv huamvam coob heev. #Khiav 1:7-8 18Thaum kawg muaj dua ib tug vajntxwv uas yeej tsis paub txog Yauxej hlo li tau los ua tus kav tebchaws Iziv. 19Tus vajntxwv ntawd tau dag thiab ua phem rau peb haivneeg thiab tsimtxom peb cov yawgkoob, yuam kom lawv muab lawv tej menyuam mos coj mus povtseg, kom cov menyuam ntawd tuag mus. #Khiav 1:10-11; Khiav 1:22 20Thaum ntawd yog lub sijhawm uas yug Mauxes; nws yog ib tug metub zoonraug heev. Nws niam nws txiv tu nws hauv tsev tau peb lub hlis. #Khiav 2:2 21Thaum nws raug muab rho tawm hauv tsev mus lawm, Falaus tus ntxhais txawm mus saws thiab coj los tu li nws tub. #Khiav 2:3-10 22Mauxes kawm paub cov neeg Iziv tej tswvyim huv tibsi, nws thiaj dhau mus ua ib tug neeg uas muaj peevxwm heev rau phab kev nqis tes ua thiab kev haislus.

23“Thaum Mauxes muaj hnubnyoog plaubcaug xyoo, nws tau txiavtxim siab mus ncig saib nws cov kwvtij Yixalayees. #Khiav 2:11-15 24Nws txawm pom ib tug neeg Iziv tsimtxom ib tug neeg Yixalayees; nws thiaj mus pab tus neeg Yixalayees thiab ua pauj rau tus neeg Iziv los ntawm qhov uas nws muab tus neeg Iziv tua tuag. ( 25Nws xav tias nyaj nws haivneeg yuav totaub hais tias Vajtswv siv nws los pab kom lawv dim, tiamsis lawv tsis totaub li.)

26“Hnub tomqab nws pom ob tug neeg Yixalayees tabtom sibntaus, nws txawm cheem nkawd kom rov sibhaum, nws hais rau nkawd tias, ‘Ob tug kwvtij 'e, neb twb yog kwvtij Yixalayees ib yam, ua licas neb ib leeg tseem rov ntaus ib leeg thiab?’ 27Tiamsis tus uas ua txhaum txawm muab Mauxes thawb ntiag rau ibcag thiab hais tias, ‘Leejtwg tsa koj ua tus saib thiab txiavtxim rau peb? 28Koj xav muab kuv tua ib yam li naghmo koj tua tus neeg Iziv thiab lov?’ 29Thaum Mauxes hnov li ntawd, nws txawm khiav tawm hauv tebchaws Iziv mus nyob rau tebchaws Midias. Nws thiab nws pojniam thiaj yug tau ob tug tub nyob hauv lub tebchaws ntawd. #Khiav 18:3-4

30“Tomqab plaubcaug xyoo dhau mus lawm, muaj ib tug timtswv ceebtsheej tau los tshwm rau hauv cov nplaimtaws ntawm ib tsob ntoo rau Mauxes pom nyob rau tom tiaj suabpuam uas ze lub Roob Xinais. #Khiav 3:1-10 31Thaum Mauxes pom li ntawd, nws xav tsis thoob li; nws txawm txav mus saib ze-ze, tiamsis nws hnov tus Tswv lub suab hais tias, 32‘Kuv yog koj cov yawgkoob tus Vajtswv, yog Anplahas, Ixaj thiab Yakhauj tus Vajtswv.’ Mauxes ntshai ua ibce tsheehnyo thiab tsa tsis taus qhovmuag ntsia li. 33Tiamsis tus Tswv hais rau Mauxes tias, ‘Koj ciali hle koj nkawm khau, rauqhov qhov chaw uas koj sawv ntawm ko yog qhov chaw dawbhuv. 34Kuv twb pom Kuv haivneeg raug kev tsimtxom nram tebchaws Iziv, Kuv twb hnov lawv lub suab quajntsuag lawm, Kuv thiaj los cawm kom lawv dim. Zaumno, koj ciali los, Kuv yuav txib koj mus nram tebchaws Iziv.’

35“Tus Mauxes no yog tus uas cov Yixalayees tsis lees yuav thiab yog tus uas lawv nug hais tias, ‘Leejtwg tsa koj ua tus saib thiab txiavtxim rau peb?’ Qhov uas tus timtswv ceebtsheej los tshwm hauv tsob ntoo uas muaj nplaimtaws rau nws pom, twb yog Vajtswv txib nws mus ua tus saib thiab pab kom lawv dim ntag. #Khiav 2:14 36Nws yog tus uas coj cov Yixalayees tawm hauv tebchaws Iziv, yog tus uas ua tej txujci tseemceeb thiab tej uas neeg xav tsis thoob hauv tebchaws Iziv thiab ntawm ntug dej Hiavtxwv Liab thiab nyob tom tiaj suabpuam tau plaubcaug xyoo. #Khiav 7:3; Khiav 14:21; Teev 14:33

37“Mauxes yog tus uas hais rau cov Yixalayees hais tias, ‘Vajtswv yuav tsa ib tug hauv nej cov los ua tus xibhwb cev Vajtswv lus rau nej, ib yam li Nws tau tsa kuv.’#7:37: ib yam li Nws tau tsa kuv; lossis zooli kuv. #2Kev 18:15, 18 38Mauxes yog tus uas nrog cov Yixalayees nyob uake tom tiaj suabpuam; nws nrog peb cov yawgkoob uake, thiab nrog tus timtswv ceebtsheej uas los hais rau nws saum Roob Xinais nyob, thiab nws yog tus uas tau txais Vajtswv tej lus ciajsia uas nws tau muab cev rau peb. #Khiav 19:1—20:17; 2Kev 5:1-33

39“Tiamsis peb cov yawgkoob tsis mloog nws lus; lawv muab nws thawb ntiag rau ibcag, thiab lawv xav rovqab mus rau tebchaws Iziv. 40Lawv thiaj hais rau Aloos hais tias, ‘Koj ciali nchuav ib cov nyuag vajtswv los ua cov coj peb kev. Peb tsis paub tias xyov muaj xwm dabtsi los raug rau Mauxes tus uas coj peb tawm hauv tebchaws Iziv los lawm.’ #Khiav 32:1 41Ces thaum ntawd lawv txawm nchuav tau ib tug mlom zooli tus nyuj; lawv muab tsiaj tua hlawv fij rau tus mlom, thiab ua rooj noj rooj haus los hawm tus mlom uas lawv txhais tes puab ntawd. #Khiav 32:2-6 42Vimli ntawd, Vajtswv thiaj tso lawv tseg thiab cia lawv pe tej hnubqub uas nyob saum nruabntug, rawsli tau sau tseg rau hauv cov xibhwb cev Vajtswv lus phau ntawv hais tias: #Amaus 5:25-27 (LXX)

“ ‘Cov Yixalayees! plaubcaug xyoo uas nej nyob tom tiaj suabpuam,

tej tsiaj uas nej muab tua fij ntawd,

yog nej tua fij rau Kuv no lov?

43Nej kwv tus dab Maulej lub tsevntaub,

thiab nej tus dab Lefas lub hnubqub,

tej ntawd yog tej mlom uas nej txhais tes puab rau nej pe.

Vimli ntawd, Kuv yuav ntiab nej kom khiav dhau lub nroog Npanpiloos mus.’

44“Thaum peb cov yawgkoob tseem nyob tom tiaj suabpuam, lawv muaj lub Tsevntaub Sibntsib nrog lawv. Lub Tsevntaub ntawd lawv ua raws nraim li tus qauv uas Vajtswv tau muab qhia rau Mauxes lawm. #Khiav 25:9, 40 45Tomqab ntawd, peb cov yawgkoob tau kwv lub Tsevntaub uas peb cov yawgsuab muab rau lawv nrog Yausuas mus; lawv tau mus txeeb tau lwm haivneeg lub tebchaws, uas yog Vajtswv twb ntiab cov neeg tawm ntawm lub tebchaws ntawd uantej mus lawm. Lub Tsevntaub nyob rau hauv lub tebchaws ntawd los txog Daviv tiam. #Yaus 3:14-17 46Daviv yog ib tug uas Vajtswv txaussiab heev rau, nws thiaj thov Vajtswv kom cia nws ua ib lub chaw rau Yakhauj tus Vajtswv#7:46: Yakhauj tus Vajtswv; tej phau ntawv qub uas xuas tes sau, muaj cov neeg Yixalayees. nyob. #2Xamu 7:1-16; 1Xwm 17:1-14 47Tiamsis thaum kawg Xalumoos yog tus uas ua lub tuamtsev ntawd rau Nws. #1Vaj 6:1-38; 2Xwm 3:1-17

48“Tiamsis Vajtswv tus uas muaj Hwjchim Tshajplaws tsis nyob hauv lub tsev uas neeg txhais tes ua; rawsli tus xibhwb cev Vajtswv lus hais tias,

49“ ‘Tus Tswv hais tias, ntuj ceebtsheej yog Kuv lub zwmtxwv;

thiab ntiajteb yog Kuv lub chaw tiag taw.

Nej yuav ua lub tsev zoo licas rau Kuv nyob?

Kuv lub chaw so yuav nyob rau qhovtwg? #Yaxaya 66:1-2

50Txhua yam no tsis yog Kuv txhais tes tsim lov?’ ”

51Xatefanus hais ntxiv tias, “Uacas nej yuav tawv ncauj ualuaj! Uacas nej lub siab yuav zoo nkaus li cov neeg uas tsis paub Vajtswv li! Uacas nej yuav tsis hnov Vajtswv Txojlus li! Nej niajzaus tawmtsam Vaj Ntsujplig tus Dawbhuv ib yam nkaus li nej cov yawgkoob! #Yaxaya 63:10 52Puas tau muaj ib tug xibhwb cev Vajtswv lus uas nej cov yawgkoob tsis tau tsimtxom li? Lawv tua cov uas qhia txog yav tomntej hais tias Vajtswv tus Tubtxib uas ncajncees yuav los. Nimno nej yog cov uas ntxeevsiab rau Nws thiab yog cov uas muab Nws tua povtseg. 53Nej yog cov uas tau txais Vajtswv txoj kevcai uas yog timtswv ceebtsheej muab ntag, los nej yeej tsis ua rawsli tej kevcai ntawd li!”

Xatefanus Raug Muab Pobzeb Ntaus

54Thaum cov thawjcoj hauv Koomhaum qibsiab hnov Xatefanus hais li ntawd, lawv npautaws heev, lawv zawm hniav zog rau nws. 55Tiamsis Xatefanus puvnpo Vaj Ntsujplig tus Dawbhuv, nws tsa qhovmuag saib saum ntuj, nws pom Vajtswv tus tshwjchim ci ntsa-iab thiab pom Yexus sawv ntawm Vajtswv sab xis. 56Xatefanus hais rau lawv hais tias, “Nej saib seb, kuv pom roojntug ceebtsheej qhib thiab pom Neeg Leejtub sawv ntawm Vajtswv sab xis!”

57Thaum ntawd cov thawjcoj hauv Koomhaum qibsiab txawm muab tes los pos pobntseg thiab qw nrov-nrov. Tagnrho lawv txawm khiav mus rau ntawm Xatefanus, 58muab nws cab tawm rau sabnraum ntug nroog thiab muab pobzeb ntaus nws. Cov timkhawv uas nkaug nws txawm hle lawv tej tsho tso rau ntawm ib tug hluas uas hu ua Xaulaus kotaw. 59Thaum lawv tabtom muab pobzeb ntaus Xatefanus, nws txawm thov Vajtswv hais tias, “Tswv Yexus, thov Koj txais yuav kuv tus ntsujplig!” 60Nws txhoscaug ntua thiab hais nrov-nrov hais tias, “Tus Tswv! Thov koj zamtxim rau lawv.” Thaum nws hais li ntawd tag, ces nws txawm tusiav nrho lawm.

Currently Selected:

Tes Haujlwm 7: MWW2022

Highlight

Copy