Tes Haujlwm 17
17
Nyob Hauv Thexalaunikes
1Thaum Paulus thiab Xilas nkawd hla dhau lub nroog Afipaulis thiab lub nroog Apaulaunias lawm, nkawd txawm mus txog rau lub nroog Thexalaunikes. Cov Yudais muaj ib lub tsev sablaj nyob hauv lub nroog ntawd. 2Paulus txawm mus rau hauv lub tsev sablaj rawsli nws txeev ua los. Muaj peb hnub Xanpataus uas nws tau muab Vajtswv tej Lus los qhia thiab teb tej lus uas lawv nrog nws sibcav. 3Nws qhia thiab muab povthawj rau lawv kom lawv pom tias tus Mexiyas yeej yuav raug tsimtxom, thiab yuav sawv hauv qhovtuag rovqab los. Paulus hais tias, “Tus Yexus uas kuv tabtom qhia rau nej no, yog tus Mexiyas ntag.” 4Ibtxhia ntawm cov neeg Yudais tau ntseeg thiab tau los koom Paulus thiab Xilas nkawd; muaj cov pojniam uas tseemceeb ntau leej thiab cov neeg Kilis uas hwm Vajtswv coob leej kuj ntseeg thiab koom Paulus nkawd thiab.
5Tiamsis cov Yudais muaj qeeleej khib heev, lawv txawm mus sau tej neeg tsis tsimtxiaj uas nyob tom tej kev los ua ib pab. Lawv tsim kev kubntxhov mus thoobplaws lub nroog, thiab ciali mus tsoo ib tug txivneej hu ua Yaxoos lub tsev, uas yog yuav nrhiav kom tau Paulus thiab Xilas nkawd, es coj nkawd tawm los rau cov pejxeem txiavtxim. 6Tiamsis lawv nrhiav tsis pom nkawd, ces lawv txawm muab Yaxoos thiab ob-peb tus ntseeg cab mus cuag cov nomtswv, thiab qw nrov-nrov hais tias, “Cov neeg no tau tsim teebmeem thoob lub ntiajteb no! Zaumno lawv tuaj txog hauv peb lawm. 7Yaxoos tseem tostxais lawv los rau hauv nws tsev thiab. Lawv sawvdaws puavleej ua txhaum Xixas txoj kevcai, vim lawv qhia hais tias tseem muaj dua ib tug vajntxwv uas hu ua Yexus no thiab.”
8Thaum cov pejxeem thiab cov nomtswv hnov li ntawd, lawv chim heev. 9Cov nomtswv thiaj yuam kom Yaxoos lawv them ib teg nyiaj rau lawv, ces lawv thiaj tso Yaxoos lawv mus lawm.
Nyob Hauv Npele-as
10Hmo ntawd thaum tsausntuj cov ntseeg tau xa Paulus thiab Xilas nkawd mus nram lub nroog Npele-as. Thaum nkawd mus txog nrad, nkawd mus rau hauv cov Yudais lub tsev sablaj. 11Cov Yudais uas nyob hauv lub nroog Npele-as ntawd tseem qhib siab qhib ntsws dua li cov uas nyob hauv lub nroog Thexalaunikes. Lawv kubsiab lug mloog Paulus tej lus qhia thiab niajhnub sojntsuam Vajtswv tej Lus seb tej uas Paulus qhia ntawd puas muaj tseeb tiag. 12Muaj coob leej tau los ntseeg, thiab muaj ntau tus pojniam Kilis uas muaj meejmom siab thiab ntau tus txivneej Kilis kuj los ntseeg thiab.
13Tiamsis thaum cov Yudais uas nyob hauv lub nroog Thexalaunikes hnov tias Paulus mus qhia Vajtswv Txojlus nram lub nroog Npele-as, lawv txawm tuaj ua rau cov pejxeem uas nyob hauv lub nroog ntawd muaj kev kubntxhov. 14Tamsim ntawd cov ntseeg txawm xa Paulus mus rau nram ntug hiavtxwv, tiamsis Xilas thiab Timautes nkawd nyob hauv lub nroog Npele-as. 15Lawv xa Paulus mus txog ntua rau nram lub nroog Athees; thaum lawv yuav rovqab los rau pem lub nroog Npele-as, Paulus kom lawv mus hais rau Xilas thiab Timautes nkawd kom tuaj cuag nws sai li sai tau.
Nyob Hauv Athees
16Thaum Paulus nyob hauv lub nroog Athees tos Timautes thiab Xilas nkawd, nws pom tias lub nroog ntawd muaj mlom puvnkaus txhua qhov, ua rau nws ntxhovsiab kawg li. 17Yogli ntawd, nws thiaj niajhnub mus hauv lub tsev sablaj, nrog cov Yudais thiab Lwm Haivneeg uas hwm Vajtswv thiab cov neeg uas tuaj rau ntawm tej kiab ntawd sibcav. 18Muaj ib cov tubtxawg tubntse uas yog cov Epikule-as thiab cov Xatau-is qeeleej kuj tau nrog Paulus sibcav thiab. Lawv qeeleej nug hais tias, “Tus neeg no lam khaws tej nyuag tswvyim tom tej los xwb, es nws ho yuav muaj dabtsi qhia?”
Lwmtus hais tias, “Zooli yog nws hais txog Lwm Haivneeg tej nyuag vajtswv.” Lawv hais li ntawd rauqhov Paulus tabtom qhia txog Yexus thiab kev sawv hauv qhovtuag rovqab los.#17:18: Yexus thiab kev sawv hauv qhovtuag rovqab los: Nyob hauv ntaub ntawv Kilis, lolus “kev sawv hauv qhovtuag rovqab los” yog lolus siv rau pojniam, yogli, lolus no muaj peevxwm siv tau rau ib tug nyuag vajtswv pojniam los kuj tau thiab. 19Yogli ntawd, lawv txawm coj Paulus mus cuag cov nomtswv, uas yog ntawm Alepankus. Lawv nug hais tias, “Peb xav paub tias zaj tshiab uas koj qhia ntawd yog hais txog dabtsi. 20Qeeyam uas peb hnov koj qhia ntawd mas txawv heev rau peb, yogli ntawd, peb xav paub tias lub ntsiab ntawm tej zaj ntawd yog licas tiag.” ( 21Tagnrho tej pejxeem hauv Athees thiab Lwm Haivneeg uas nyob hauv lub nroog ntawd, lawv nyiam siv lawv tej sijhawm los mloog thiab sibtham txog tej zaj tshiab uas lawv tsis tau hnov dua.)
22Ces Paulus txawm sawvtsees tabmeeg cov nomtswv thiab hais tias, “Cov neeg Athees, kuv pom tias nej muab siab rau teev nej tej mlom kawg li. 23Vim thaum kuv mus ncig saib nej lub nroog thiab mus saib tej chaw uas nej pehawm, kuv pom muaj lus sau rau ntawm ib lub thaj hais tias, ‘Rau tus Vajtswv uas Peb Tsis Paub.’ Tus uas nej pehawm tiamsis nej tsis paub ntawd ntag lau, yog tus uas nimno kuv qhia rau nej. 24Vajtswv, tus uas tsim lub ntiajteb thiab txhua yam uas nyob hauv ntiajteb no, yog tus Tswv uas kav lub ntuj thiab lub ntiajteb thiab Nws tsis nyob hauv tej tuamtsev uas neeg txhais tes ua. #1Vaj 8:27; Yaxaya 42:5; Teshl 7:48 25Nws yeej tsis tuncua ib yam dabtsi uas peb tseem yuav muaj cuabkav muab tau rau Nws. Rauqhov Nws twb yog tus uas rau siav rau pa thiab pub txhua yam rau sawvdaws. 26Nws yog tus tsim txhua haivneeg tawm hauv ib tug neeg los, thiab kom lawv mus nyob thoobplaws hauv lub ntiajteb. Nws yog tus teem sijhawm thiab tu tej nrimteb nrimchaw rau lawv nyob. 27Nws ua li ntawd kom lawv thiajli yuav nrhiav Nws; yog lawv xav ncav kom cuag Nws, lawv yeej yuav ncav cuag xwb, rauqhov Vajtswv yeej nyob tsis deb ntawm peb txhua tus; 28rawsli qeeleej hais tseg hais tias,
“ ‘Vim muaj Vajtswv, peb thiajli ciajsia, mus-mus los-los, thiab peemtsheej muaj nyob.’
Ib yam li nej cov tubtxawg uas txawj sau pajlug qeeleej tau hais tias,
‘Peb puavleej yog Nws li cajces thiab.’
29Yogli ntawd, peb cov uas yog Vajtswv li cajces, peb tsis txhob xav tias Vajtswv zoo li ib tug hwvxyeej uas neeg muab nyiaj muab kub nchuav thiab muab pobzeb txaug ua los ntawm lawv tus txujtes thiab peevxwm. 30Thaum neeg tseem tsis tau paub Vajtswv, Vajtswv tsis suav txim rau lawv. Tiamsis nimno Nws twb qhia rau txhua haivneeg uas nyob thoobplaws lub qabntuj no kom lawv tso lawv tej kev txhaum tseg. 31Rauqhov Nws twb teem ib hnub cia ua hnub Nws yuav txiavtxim rau txhua haivneeg hauv qabntuj no los ntawm txoj kev ncajncees thiab Nws twb xaiv ib tug los ua tus txiavtxim lawm. Nws twb qhia tej no meej-meej rau txhua tus paub los ntawm qhov uas Nws tau tsa tus neeg ntawd sawv hauv qhovtuag rovqab los!”
32Thaum lawv hnov Paulus hais txog kev sawv hauv qhovtuag rovqab los, muaj ibtxhia txawm thuam thiab luag Paulus zomzaws, tiamsis lwmtus ho hais tias, “Peb xav rov mloog koj qhia zaj no dua ib zaug ntxiv thiab.” 33Ces Paulus txawm tawm ntawm lub chaw sablaj ntawd mus lawm. 34Muaj qeeleej tau los koom nrog Paulus thiab ciali los ntseeg Yexus lawm. Cov ntawd muaj ib tug nom hu ua Di-aunexius; muaj ib tug pojniam hu ua Damalis, thiab ntxiv rau lwmtus.
Currently Selected:
Tes Haujlwm 17: MWW2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Tes Haujlwm 17
17
Nyob Hauv Thexalaunikes
1Thaum Paulus thiab Xilas nkawd hla dhau lub nroog Afipaulis thiab lub nroog Apaulaunias lawm, nkawd txawm mus txog rau lub nroog Thexalaunikes. Cov Yudais muaj ib lub tsev sablaj nyob hauv lub nroog ntawd. 2Paulus txawm mus rau hauv lub tsev sablaj rawsli nws txeev ua los. Muaj peb hnub Xanpataus uas nws tau muab Vajtswv tej Lus los qhia thiab teb tej lus uas lawv nrog nws sibcav. 3Nws qhia thiab muab povthawj rau lawv kom lawv pom tias tus Mexiyas yeej yuav raug tsimtxom, thiab yuav sawv hauv qhovtuag rovqab los. Paulus hais tias, “Tus Yexus uas kuv tabtom qhia rau nej no, yog tus Mexiyas ntag.” 4Ibtxhia ntawm cov neeg Yudais tau ntseeg thiab tau los koom Paulus thiab Xilas nkawd; muaj cov pojniam uas tseemceeb ntau leej thiab cov neeg Kilis uas hwm Vajtswv coob leej kuj ntseeg thiab koom Paulus nkawd thiab.
5Tiamsis cov Yudais muaj qeeleej khib heev, lawv txawm mus sau tej neeg tsis tsimtxiaj uas nyob tom tej kev los ua ib pab. Lawv tsim kev kubntxhov mus thoobplaws lub nroog, thiab ciali mus tsoo ib tug txivneej hu ua Yaxoos lub tsev, uas yog yuav nrhiav kom tau Paulus thiab Xilas nkawd, es coj nkawd tawm los rau cov pejxeem txiavtxim. 6Tiamsis lawv nrhiav tsis pom nkawd, ces lawv txawm muab Yaxoos thiab ob-peb tus ntseeg cab mus cuag cov nomtswv, thiab qw nrov-nrov hais tias, “Cov neeg no tau tsim teebmeem thoob lub ntiajteb no! Zaumno lawv tuaj txog hauv peb lawm. 7Yaxoos tseem tostxais lawv los rau hauv nws tsev thiab. Lawv sawvdaws puavleej ua txhaum Xixas txoj kevcai, vim lawv qhia hais tias tseem muaj dua ib tug vajntxwv uas hu ua Yexus no thiab.”
8Thaum cov pejxeem thiab cov nomtswv hnov li ntawd, lawv chim heev. 9Cov nomtswv thiaj yuam kom Yaxoos lawv them ib teg nyiaj rau lawv, ces lawv thiaj tso Yaxoos lawv mus lawm.
Nyob Hauv Npele-as
10Hmo ntawd thaum tsausntuj cov ntseeg tau xa Paulus thiab Xilas nkawd mus nram lub nroog Npele-as. Thaum nkawd mus txog nrad, nkawd mus rau hauv cov Yudais lub tsev sablaj. 11Cov Yudais uas nyob hauv lub nroog Npele-as ntawd tseem qhib siab qhib ntsws dua li cov uas nyob hauv lub nroog Thexalaunikes. Lawv kubsiab lug mloog Paulus tej lus qhia thiab niajhnub sojntsuam Vajtswv tej Lus seb tej uas Paulus qhia ntawd puas muaj tseeb tiag. 12Muaj coob leej tau los ntseeg, thiab muaj ntau tus pojniam Kilis uas muaj meejmom siab thiab ntau tus txivneej Kilis kuj los ntseeg thiab.
13Tiamsis thaum cov Yudais uas nyob hauv lub nroog Thexalaunikes hnov tias Paulus mus qhia Vajtswv Txojlus nram lub nroog Npele-as, lawv txawm tuaj ua rau cov pejxeem uas nyob hauv lub nroog ntawd muaj kev kubntxhov. 14Tamsim ntawd cov ntseeg txawm xa Paulus mus rau nram ntug hiavtxwv, tiamsis Xilas thiab Timautes nkawd nyob hauv lub nroog Npele-as. 15Lawv xa Paulus mus txog ntua rau nram lub nroog Athees; thaum lawv yuav rovqab los rau pem lub nroog Npele-as, Paulus kom lawv mus hais rau Xilas thiab Timautes nkawd kom tuaj cuag nws sai li sai tau.
Nyob Hauv Athees
16Thaum Paulus nyob hauv lub nroog Athees tos Timautes thiab Xilas nkawd, nws pom tias lub nroog ntawd muaj mlom puvnkaus txhua qhov, ua rau nws ntxhovsiab kawg li. 17Yogli ntawd, nws thiaj niajhnub mus hauv lub tsev sablaj, nrog cov Yudais thiab Lwm Haivneeg uas hwm Vajtswv thiab cov neeg uas tuaj rau ntawm tej kiab ntawd sibcav. 18Muaj ib cov tubtxawg tubntse uas yog cov Epikule-as thiab cov Xatau-is qeeleej kuj tau nrog Paulus sibcav thiab. Lawv qeeleej nug hais tias, “Tus neeg no lam khaws tej nyuag tswvyim tom tej los xwb, es nws ho yuav muaj dabtsi qhia?”
Lwmtus hais tias, “Zooli yog nws hais txog Lwm Haivneeg tej nyuag vajtswv.” Lawv hais li ntawd rauqhov Paulus tabtom qhia txog Yexus thiab kev sawv hauv qhovtuag rovqab los.#17:18: Yexus thiab kev sawv hauv qhovtuag rovqab los: Nyob hauv ntaub ntawv Kilis, lolus “kev sawv hauv qhovtuag rovqab los” yog lolus siv rau pojniam, yogli, lolus no muaj peevxwm siv tau rau ib tug nyuag vajtswv pojniam los kuj tau thiab. 19Yogli ntawd, lawv txawm coj Paulus mus cuag cov nomtswv, uas yog ntawm Alepankus. Lawv nug hais tias, “Peb xav paub tias zaj tshiab uas koj qhia ntawd yog hais txog dabtsi. 20Qeeyam uas peb hnov koj qhia ntawd mas txawv heev rau peb, yogli ntawd, peb xav paub tias lub ntsiab ntawm tej zaj ntawd yog licas tiag.” ( 21Tagnrho tej pejxeem hauv Athees thiab Lwm Haivneeg uas nyob hauv lub nroog ntawd, lawv nyiam siv lawv tej sijhawm los mloog thiab sibtham txog tej zaj tshiab uas lawv tsis tau hnov dua.)
22Ces Paulus txawm sawvtsees tabmeeg cov nomtswv thiab hais tias, “Cov neeg Athees, kuv pom tias nej muab siab rau teev nej tej mlom kawg li. 23Vim thaum kuv mus ncig saib nej lub nroog thiab mus saib tej chaw uas nej pehawm, kuv pom muaj lus sau rau ntawm ib lub thaj hais tias, ‘Rau tus Vajtswv uas Peb Tsis Paub.’ Tus uas nej pehawm tiamsis nej tsis paub ntawd ntag lau, yog tus uas nimno kuv qhia rau nej. 24Vajtswv, tus uas tsim lub ntiajteb thiab txhua yam uas nyob hauv ntiajteb no, yog tus Tswv uas kav lub ntuj thiab lub ntiajteb thiab Nws tsis nyob hauv tej tuamtsev uas neeg txhais tes ua. #1Vaj 8:27; Yaxaya 42:5; Teshl 7:48 25Nws yeej tsis tuncua ib yam dabtsi uas peb tseem yuav muaj cuabkav muab tau rau Nws. Rauqhov Nws twb yog tus uas rau siav rau pa thiab pub txhua yam rau sawvdaws. 26Nws yog tus tsim txhua haivneeg tawm hauv ib tug neeg los, thiab kom lawv mus nyob thoobplaws hauv lub ntiajteb. Nws yog tus teem sijhawm thiab tu tej nrimteb nrimchaw rau lawv nyob. 27Nws ua li ntawd kom lawv thiajli yuav nrhiav Nws; yog lawv xav ncav kom cuag Nws, lawv yeej yuav ncav cuag xwb, rauqhov Vajtswv yeej nyob tsis deb ntawm peb txhua tus; 28rawsli qeeleej hais tseg hais tias,
“ ‘Vim muaj Vajtswv, peb thiajli ciajsia, mus-mus los-los, thiab peemtsheej muaj nyob.’
Ib yam li nej cov tubtxawg uas txawj sau pajlug qeeleej tau hais tias,
‘Peb puavleej yog Nws li cajces thiab.’
29Yogli ntawd, peb cov uas yog Vajtswv li cajces, peb tsis txhob xav tias Vajtswv zoo li ib tug hwvxyeej uas neeg muab nyiaj muab kub nchuav thiab muab pobzeb txaug ua los ntawm lawv tus txujtes thiab peevxwm. 30Thaum neeg tseem tsis tau paub Vajtswv, Vajtswv tsis suav txim rau lawv. Tiamsis nimno Nws twb qhia rau txhua haivneeg uas nyob thoobplaws lub qabntuj no kom lawv tso lawv tej kev txhaum tseg. 31Rauqhov Nws twb teem ib hnub cia ua hnub Nws yuav txiavtxim rau txhua haivneeg hauv qabntuj no los ntawm txoj kev ncajncees thiab Nws twb xaiv ib tug los ua tus txiavtxim lawm. Nws twb qhia tej no meej-meej rau txhua tus paub los ntawm qhov uas Nws tau tsa tus neeg ntawd sawv hauv qhovtuag rovqab los!”
32Thaum lawv hnov Paulus hais txog kev sawv hauv qhovtuag rovqab los, muaj ibtxhia txawm thuam thiab luag Paulus zomzaws, tiamsis lwmtus ho hais tias, “Peb xav rov mloog koj qhia zaj no dua ib zaug ntxiv thiab.” 33Ces Paulus txawm tawm ntawm lub chaw sablaj ntawd mus lawm. 34Muaj qeeleej tau los koom nrog Paulus thiab ciali los ntseeg Yexus lawm. Cov ntawd muaj ib tug nom hu ua Di-aunexius; muaj ib tug pojniam hu ua Damalis, thiab ntxiv rau lwmtus.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.