Tes Haujlwm 16
16
Timautes Nrog Paulus Thiab Xilas Mus
1Paulus mus txog hauv lub nroog Dawnpis thiab lub nroog Lixathas, uas muaj ib tug ntseeg Yexus hu ua Timautes nyob rau hauv. Timautes niam yog ib tug neeg Yudais uas ntseeg Vajtswv, tiamsis Timautes txiv yog neeg Kilis. 2Cov ntseeg uas nyob hauv lub nroog Lixathas thiab hauv lub nroog Ikaunius puavleej qhuas txog Timautes. 3Paulus xav coj Timautes nrog nws mus, ces nws txawm muab Timautes ua kevcai txiav. Paulus ua li ntawd, rauqhov cov Yudais uas nyob rau tej thaj chaw ntawd puavleej paub tias Timautes txiv yog neeg Kilis. 4Thaum lawv mus rau hauv txhua lub nroog, lawv qhia tej kevcai uas cov timthawj thiab cov txwjlaug nram lub nroog Yeluxalees tau pomzoo lawm rau cov ntseeg sawvdaws mloog, thiab kom sawvdaws ua rawsli tej kevcai ntawd. 5Yogli ntawd, cov pawg ntseeg thiaj muajzog ntawm sab kev ntseeg tuaj thiab niajhnub muaj neeg los ntseeg coob zujzus ntxiv.
Paulus Ua Yogtoog Hauv Rhau-as
6Tomqab ntawd Paulus lawv mus thoobplaws hauv cheebtsam Felinkias thiab Kalatias, rauqhov Vaj Ntsujplig tus Dawbhuv tsis pub lawv mus qhia hauv xeev Exias. 7Thaum lawv mus txog ntawm Mixias ciamteb, lawv twb npajsiab mus rau hauv lub xeev Npithinias, tiamsis Yexus tus Ntsujplig tsis pub lawv mus. 8Yogli ntawd lawv thiaj ciali hla dhau plaws#16:8: hla dhau plaws; lossis hla. lub nroog Mixias mus rau lub nroog Rhau-as. 9Hmo ntawd Paulus txawm ua yogtoog pom ib tug txivneej Makedaunias sawvntsug thov nws hais tias, “Thov tuaj pab peb cov uas nyob tim Makedaunias no thiab!” 10Thaum Paulus ua yogtoog pom li ntawd, ces peb txawm ciali tunra npaj mus rau tim lub xeev Makedaunias, rauqhov peb paub tseeb hais tias Vajtswv tau hu kom peb mus qhia Txoj Moo Zoo rau cov neeg uas nyob tid.
Lidias Uas Nyob Hauv Filipis Los Ntseeg Vajtswv
11Peb caij nkoj hauv lub nroog Rhau-as ncajnraim mus rau pem lub povtxwv Xamaulakes, thiab hnub tomqab peb mus rau tim lub nroog Ne-apaulis. 12Dhau ntawd, peb mus rau pem lub nroog Filipis, uas yog ib lub nroog ntawm thawj cheebtsam hauv xeev Makedaunias#16:12: ib lub nroog ntawm thawj cheebtsam hauv xeev Makedaunias; tej phau ntawv qub uas xuas tes sau, muaj ib lub nroog uas tseemceeb ntawm thawj cheebtsam hauv xeev Makedaunias, lossis ib lub nroog uas tseemceeb ntawm lub cheebtsam ntawd uas nyob hauv xeev Makedaunias. uas yog cov neeg Loos tswjhwm. Peb nyob ntawd tau ob-peb hnub.
13Thaum txog hnub Xanpataus, peb txawm tawm hauv nroog mus rau tom ntug dej, uas yog ib qhov chaw peb xav tias yuav muaj cov Yudais mus thov Vajtswv rau tod. Peb txawm mus zaum thiab nrog cov pojniam uas nyob tod sibtham. 14Cov pojniam ntawd muaj ib tug hu ua Lidias uas yog neeg Thiyatilas, nws tuaj ua luam muag ntaub tsamxem. Nws yog ib tug uas hwm Vajtswv, tus Tswv thiaj qhib nws lub siab, ua rau nws totaub tej lus uas Paulus qhia. 15Tomqab Lidias thiab nws tsev neeg ua kevcai rausdej tag, nws hais rau peb tias, “Yog nej suav hais tias kuv yog ib tug uas ntseeg Vajtswv lawm tiag no ces thov nej nrog kuv mus thiab so hauv kuv tsev.” Nws thov peb heev, ua rau peb yig tsis dhau li, ces peb thiaj nrog nws mus rau tom nws tsev.
Paulus Raug Kaw Hauv Filipis
16Muaj ib hnub thaum peb tabtom taug kev mus rau tom qhov chaw thov Vajtswv, peb ntsib ib tug ntxhais qhev, nws muaj ib tug ntsujplig phem uas ua rau nws txawj saib hmoov txog yav tomntej. Qhov uas nws txawj saib hmoov li ntawd, ua rau cov tswv uas yuav nws los ua qhev ntawd tau nyiaj ntau heev. 17Nws pheej lawv Paulus peb qab thiab qw nrov-nrov hais tias, “Cov txivneej no yog Vajtswv tus uas muaj Hwjchim Tshajplaws cov tubtxib! Lawv tuaj qhia txoj kev dim txim rau nej.” 18Nws pheej ua li ntawd tau ntau hnub; Paulus meemtxom, nws thiajli tig mus hais rau tus ntsujplig phem ntawd hais tias, “Ntawm Yexus Khetos lub npe, koj ciali tawm hauv tus ntxhais no mus!” Tamsim ntawd tus ntsujplig phem txawm tawm plaws lawm.
19Thaum cov tswv uas yuav tus ntxhais ntawd los ua qhev pom tias lawv tsis tau nyiaj lawm, lawv txawm ntes kiag Paulus thiab Xilas nkawd cab mus rau hauv plawv nroog uas yog mus cuag tej nomtswv. 20Lawv coj Paulus nkawd mus cuag cov nomtswv Loos thiab hais tias, “Ob tug txivneej no yog neeg Yudais, nkawd tuaj tsim kev kubntxhov rau hauv peb lub nroog no. 21Nkawd tuaj qhia tej kevcai uas tawmtsam peb txoj; peb yog neeg Loos, peb yeej tsis lees yuav tej kevcai ntawd lossis coj tej kevcai ntawd li.” 22Tej pejxeem puavleej koomtes nrog lawv tawmtsam Paulus thiab Xilas nkawd.
Thaum ntawd cov nomtswv txawm muab nkawd tej ristsho dua pes rhe thiab hais kom muab nkawd nplawm. 23Tomqab nkawd raug nplawm sab heev, lawv txawm coj nkawd mus kaw rau hauv tsev lojcuj, thiab kom tus uas zov lub tsev lojcuj zov nkawd zoo-zoo. 24Thaum lawv hais li ntawd tag, tus uas zov lub tsev lojcuj txawm muab nkawd kaw rau chav hauv plawv thiab muab nkawd xauv kotaw rau ntawm ob tog ntoo uas hnyav heev.
25Thaum kwvlam ib taghmo, Paulus thiab Xilas tseem tabtom thov Vajtswv thiab hunkauj qhuas Vajtswv, cov neeg raug txim uas nyob hauv tsev lojcuj sawvdaws kuj mloog nkawd thov Vajtswv thiab hunkauj. 26Thaum ntawd uaciav av txawm qeeg nkaws ua rau lub tsev lojcuj uazog koog. Ces tamsim ntawd tej qhovrooj ciali qhib tagnrho thiab tej saw hlau uas khi cov neeg raug txim tej tes taw txawm plam tag huv tibsi. 27Tus uas zov lub tsev lojcuj txawm tsim dheev nruab dabntub los, thiab thaum nws pom tias tej qhovrooj twb qhib tag lawm, nws xav tias ntshe cov neeg raug txim khiav tag lawm; ces nws txawm rho hlo nws rab ntaj los thiab yuav rov tua nws tuskheej. 28Tiamsis Paulus qw nrov-nrov hais tias, “Tsis txhob ua li ko rau koj, peb txhua tus puavleej tseem nyob ntawm no!”
29Tus uas zov lub tsev lojcuj hu kom ib tug taws teeb, ces nws txawm khiav ceevnrooj mus rau hauv, thiab qhau cev hlo ua ibce tsheehnyo rau ntawm Paulus thiab Xilas kotaw. 30Nws coj Paulus nkawd tawm los thiab nug hais tias, “Ob tug tijlaug, kuv yuav ua licas, kuv thiaj dim tau?”
31Nkawd teb tias, “Koj thiab koj tsev neeg ciali ntseeg tus Tswv Yexus, nej thiaj yuav dim.” 32Nkawd qhia tus Tswv txojlus rau tus uas zov lub tsev lojcuj ntawd thiab rau tagnrho cov uas nyob hauv lub tsev ntawd mloog. 33Hmo ntawd, thiab tiblub sijhawm ntawd, tus uas zov lub tsev lojcuj txawm coj nkawd mus ntxuav nkawd tej qhovtxhab uas raug luag nplawm to. Ces nws thiab nws tsev neeg thiaj ciali ua kevcai rausdej tamsim ntawd. 34Nws txawm coj Paulus thiab Xilas mus pem nws tsev thiab ua zaub-mov rau nkawd noj. Nws thiab nws tsev neeg zoosiab kawg li, rauqhov lawv tau los ntseeg Vajtswv lawm.
35Thaum kajntug, cov nomtswv Loos txib ib cov tub ceevxwm mus hais rau tus uas zov lub tsev lojcuj hais tias, “Ciali tso ob tug txivneej ntawd mus.”
36Tus zov lub tsev lojcuj thiaj hais rau Paulus hais tias, “Cov nomtswv tau tso neeg tuaj hais kom muab koj thiab Xilas tso mus, yogli ntawd, neb ciali mus kajsiab lug.”
37Tiamsis Paulus hais rau cov tub ceevxwm hais tias, “Lawv twb tsis tau taug wb zaj seb wb puas tau ua txhaum, tiamsis lawv ciali muab wb nplawm tabmeeg sawvdaws. Txawm wb twb yog neeg Loos los lawv tseem nplawm wb thiab muab wb coj mus kaw rau hauv tsev lojcuj. Tsamno lawv ho yuav kom wb ciali tawm twjywm mus xwb yeej tsis tau kiag li! Cov nomtswv Loos yuavtsum yog cov uas tuaj kiag ntawm no thiab tso wb tawm.”
38Cov tub ceevxwm rov mus qhia tej no rau cov nomtswv Loos mloog. Thaum lawv hnov tias Paulus thiab Xilas nkawd yog neeg Loos, lawv ntshai kawg li. 39Yogli ntawd, lawv thiaj tuaj thovtxim ntawm Paulus thiab Xilas nkawd. Thaum lawv thov tag, lawv coj nkawd tawm hauv tsev lojcuj thiab thov kom nkawd tawm hauv lub nroog mus. 40Thaum Paulus thiab Xilas tawm hauv tsev lojcuj mus, nkawd txawm mus rau tom Lidias tsev. Nkawd tau ntsib cov ntseeg nyob rau tod, tau haislus txhawb lawv zog, thiab nkawd ncaim lawv mus lawm.
Currently Selected:
Tes Haujlwm 16: MWW2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Tes Haujlwm 16
16
Timautes Nrog Paulus Thiab Xilas Mus
1Paulus mus txog hauv lub nroog Dawnpis thiab lub nroog Lixathas, uas muaj ib tug ntseeg Yexus hu ua Timautes nyob rau hauv. Timautes niam yog ib tug neeg Yudais uas ntseeg Vajtswv, tiamsis Timautes txiv yog neeg Kilis. 2Cov ntseeg uas nyob hauv lub nroog Lixathas thiab hauv lub nroog Ikaunius puavleej qhuas txog Timautes. 3Paulus xav coj Timautes nrog nws mus, ces nws txawm muab Timautes ua kevcai txiav. Paulus ua li ntawd, rauqhov cov Yudais uas nyob rau tej thaj chaw ntawd puavleej paub tias Timautes txiv yog neeg Kilis. 4Thaum lawv mus rau hauv txhua lub nroog, lawv qhia tej kevcai uas cov timthawj thiab cov txwjlaug nram lub nroog Yeluxalees tau pomzoo lawm rau cov ntseeg sawvdaws mloog, thiab kom sawvdaws ua rawsli tej kevcai ntawd. 5Yogli ntawd, cov pawg ntseeg thiaj muajzog ntawm sab kev ntseeg tuaj thiab niajhnub muaj neeg los ntseeg coob zujzus ntxiv.
Paulus Ua Yogtoog Hauv Rhau-as
6Tomqab ntawd Paulus lawv mus thoobplaws hauv cheebtsam Felinkias thiab Kalatias, rauqhov Vaj Ntsujplig tus Dawbhuv tsis pub lawv mus qhia hauv xeev Exias. 7Thaum lawv mus txog ntawm Mixias ciamteb, lawv twb npajsiab mus rau hauv lub xeev Npithinias, tiamsis Yexus tus Ntsujplig tsis pub lawv mus. 8Yogli ntawd lawv thiaj ciali hla dhau plaws#16:8: hla dhau plaws; lossis hla. lub nroog Mixias mus rau lub nroog Rhau-as. 9Hmo ntawd Paulus txawm ua yogtoog pom ib tug txivneej Makedaunias sawvntsug thov nws hais tias, “Thov tuaj pab peb cov uas nyob tim Makedaunias no thiab!” 10Thaum Paulus ua yogtoog pom li ntawd, ces peb txawm ciali tunra npaj mus rau tim lub xeev Makedaunias, rauqhov peb paub tseeb hais tias Vajtswv tau hu kom peb mus qhia Txoj Moo Zoo rau cov neeg uas nyob tid.
Lidias Uas Nyob Hauv Filipis Los Ntseeg Vajtswv
11Peb caij nkoj hauv lub nroog Rhau-as ncajnraim mus rau pem lub povtxwv Xamaulakes, thiab hnub tomqab peb mus rau tim lub nroog Ne-apaulis. 12Dhau ntawd, peb mus rau pem lub nroog Filipis, uas yog ib lub nroog ntawm thawj cheebtsam hauv xeev Makedaunias#16:12: ib lub nroog ntawm thawj cheebtsam hauv xeev Makedaunias; tej phau ntawv qub uas xuas tes sau, muaj ib lub nroog uas tseemceeb ntawm thawj cheebtsam hauv xeev Makedaunias, lossis ib lub nroog uas tseemceeb ntawm lub cheebtsam ntawd uas nyob hauv xeev Makedaunias. uas yog cov neeg Loos tswjhwm. Peb nyob ntawd tau ob-peb hnub.
13Thaum txog hnub Xanpataus, peb txawm tawm hauv nroog mus rau tom ntug dej, uas yog ib qhov chaw peb xav tias yuav muaj cov Yudais mus thov Vajtswv rau tod. Peb txawm mus zaum thiab nrog cov pojniam uas nyob tod sibtham. 14Cov pojniam ntawd muaj ib tug hu ua Lidias uas yog neeg Thiyatilas, nws tuaj ua luam muag ntaub tsamxem. Nws yog ib tug uas hwm Vajtswv, tus Tswv thiaj qhib nws lub siab, ua rau nws totaub tej lus uas Paulus qhia. 15Tomqab Lidias thiab nws tsev neeg ua kevcai rausdej tag, nws hais rau peb tias, “Yog nej suav hais tias kuv yog ib tug uas ntseeg Vajtswv lawm tiag no ces thov nej nrog kuv mus thiab so hauv kuv tsev.” Nws thov peb heev, ua rau peb yig tsis dhau li, ces peb thiaj nrog nws mus rau tom nws tsev.
Paulus Raug Kaw Hauv Filipis
16Muaj ib hnub thaum peb tabtom taug kev mus rau tom qhov chaw thov Vajtswv, peb ntsib ib tug ntxhais qhev, nws muaj ib tug ntsujplig phem uas ua rau nws txawj saib hmoov txog yav tomntej. Qhov uas nws txawj saib hmoov li ntawd, ua rau cov tswv uas yuav nws los ua qhev ntawd tau nyiaj ntau heev. 17Nws pheej lawv Paulus peb qab thiab qw nrov-nrov hais tias, “Cov txivneej no yog Vajtswv tus uas muaj Hwjchim Tshajplaws cov tubtxib! Lawv tuaj qhia txoj kev dim txim rau nej.” 18Nws pheej ua li ntawd tau ntau hnub; Paulus meemtxom, nws thiajli tig mus hais rau tus ntsujplig phem ntawd hais tias, “Ntawm Yexus Khetos lub npe, koj ciali tawm hauv tus ntxhais no mus!” Tamsim ntawd tus ntsujplig phem txawm tawm plaws lawm.
19Thaum cov tswv uas yuav tus ntxhais ntawd los ua qhev pom tias lawv tsis tau nyiaj lawm, lawv txawm ntes kiag Paulus thiab Xilas nkawd cab mus rau hauv plawv nroog uas yog mus cuag tej nomtswv. 20Lawv coj Paulus nkawd mus cuag cov nomtswv Loos thiab hais tias, “Ob tug txivneej no yog neeg Yudais, nkawd tuaj tsim kev kubntxhov rau hauv peb lub nroog no. 21Nkawd tuaj qhia tej kevcai uas tawmtsam peb txoj; peb yog neeg Loos, peb yeej tsis lees yuav tej kevcai ntawd lossis coj tej kevcai ntawd li.” 22Tej pejxeem puavleej koomtes nrog lawv tawmtsam Paulus thiab Xilas nkawd.
Thaum ntawd cov nomtswv txawm muab nkawd tej ristsho dua pes rhe thiab hais kom muab nkawd nplawm. 23Tomqab nkawd raug nplawm sab heev, lawv txawm coj nkawd mus kaw rau hauv tsev lojcuj, thiab kom tus uas zov lub tsev lojcuj zov nkawd zoo-zoo. 24Thaum lawv hais li ntawd tag, tus uas zov lub tsev lojcuj txawm muab nkawd kaw rau chav hauv plawv thiab muab nkawd xauv kotaw rau ntawm ob tog ntoo uas hnyav heev.
25Thaum kwvlam ib taghmo, Paulus thiab Xilas tseem tabtom thov Vajtswv thiab hunkauj qhuas Vajtswv, cov neeg raug txim uas nyob hauv tsev lojcuj sawvdaws kuj mloog nkawd thov Vajtswv thiab hunkauj. 26Thaum ntawd uaciav av txawm qeeg nkaws ua rau lub tsev lojcuj uazog koog. Ces tamsim ntawd tej qhovrooj ciali qhib tagnrho thiab tej saw hlau uas khi cov neeg raug txim tej tes taw txawm plam tag huv tibsi. 27Tus uas zov lub tsev lojcuj txawm tsim dheev nruab dabntub los, thiab thaum nws pom tias tej qhovrooj twb qhib tag lawm, nws xav tias ntshe cov neeg raug txim khiav tag lawm; ces nws txawm rho hlo nws rab ntaj los thiab yuav rov tua nws tuskheej. 28Tiamsis Paulus qw nrov-nrov hais tias, “Tsis txhob ua li ko rau koj, peb txhua tus puavleej tseem nyob ntawm no!”
29Tus uas zov lub tsev lojcuj hu kom ib tug taws teeb, ces nws txawm khiav ceevnrooj mus rau hauv, thiab qhau cev hlo ua ibce tsheehnyo rau ntawm Paulus thiab Xilas kotaw. 30Nws coj Paulus nkawd tawm los thiab nug hais tias, “Ob tug tijlaug, kuv yuav ua licas, kuv thiaj dim tau?”
31Nkawd teb tias, “Koj thiab koj tsev neeg ciali ntseeg tus Tswv Yexus, nej thiaj yuav dim.” 32Nkawd qhia tus Tswv txojlus rau tus uas zov lub tsev lojcuj ntawd thiab rau tagnrho cov uas nyob hauv lub tsev ntawd mloog. 33Hmo ntawd, thiab tiblub sijhawm ntawd, tus uas zov lub tsev lojcuj txawm coj nkawd mus ntxuav nkawd tej qhovtxhab uas raug luag nplawm to. Ces nws thiab nws tsev neeg thiaj ciali ua kevcai rausdej tamsim ntawd. 34Nws txawm coj Paulus thiab Xilas mus pem nws tsev thiab ua zaub-mov rau nkawd noj. Nws thiab nws tsev neeg zoosiab kawg li, rauqhov lawv tau los ntseeg Vajtswv lawm.
35Thaum kajntug, cov nomtswv Loos txib ib cov tub ceevxwm mus hais rau tus uas zov lub tsev lojcuj hais tias, “Ciali tso ob tug txivneej ntawd mus.”
36Tus zov lub tsev lojcuj thiaj hais rau Paulus hais tias, “Cov nomtswv tau tso neeg tuaj hais kom muab koj thiab Xilas tso mus, yogli ntawd, neb ciali mus kajsiab lug.”
37Tiamsis Paulus hais rau cov tub ceevxwm hais tias, “Lawv twb tsis tau taug wb zaj seb wb puas tau ua txhaum, tiamsis lawv ciali muab wb nplawm tabmeeg sawvdaws. Txawm wb twb yog neeg Loos los lawv tseem nplawm wb thiab muab wb coj mus kaw rau hauv tsev lojcuj. Tsamno lawv ho yuav kom wb ciali tawm twjywm mus xwb yeej tsis tau kiag li! Cov nomtswv Loos yuavtsum yog cov uas tuaj kiag ntawm no thiab tso wb tawm.”
38Cov tub ceevxwm rov mus qhia tej no rau cov nomtswv Loos mloog. Thaum lawv hnov tias Paulus thiab Xilas nkawd yog neeg Loos, lawv ntshai kawg li. 39Yogli ntawd, lawv thiaj tuaj thovtxim ntawm Paulus thiab Xilas nkawd. Thaum lawv thov tag, lawv coj nkawd tawm hauv tsev lojcuj thiab thov kom nkawd tawm hauv lub nroog mus. 40Thaum Paulus thiab Xilas tawm hauv tsev lojcuj mus, nkawd txawm mus rau tom Lidias tsev. Nkawd tau ntsib cov ntseeg nyob rau tod, tau haislus txhawb lawv zog, thiab nkawd ncaim lawv mus lawm.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.