2 Petus 3

Lolus Cogtseg Txog Hnub Uas Tus Tswv Rov Los

1Cov kwvtij uas kuv hlub, tsab ntawv no yog tsab thib ob uas kuv sau tuaj rau nej. Nyob rau hauv ob tsab ntawv no, kuv xav nquahu kom nej ncontsoov thiab ua tibzoo xav txog tej no. 2Kuv xav kom nej ncontsoov tej lus uas thaum ub cov xibhwb cev Vajtswv lus uas dawbhuv tau hais tseg lawm, thiab ncontsoov tus Tswv uas yog peb tus Cawmseej tej lus uas cov timthawj twb qhia rau nej lawm.

3Uantej txhua yam huv tibsi, nej yuavtsum totaub hais tias thaum txog lub sijhawm kawg yuav muaj cov neeg uas nyiam thuam lwmtus tshwm tuaj, lawv yuav thuam tus ub tus no thiab ua txhua yam phem rawsli lawv lub siab nyiam.#Yudas 18 Lawv yuav thuam nej 4thiab nug nej hais tias, “Yexus Khetos tau coglus hais tias Nws yuav rovqab los no puas yog? Ua li Nws nyob qhovtwg? Peb cov yawgkoob twb tuag tag lawm, tiamsis txhua yam yeej tseem nyob li qub tsis muaj ib yam txawv txav li, suav txij thaum tsim lub ntiajteb los txog niajhnub no!”

5Lawv txhobtxwm tsis quavntsej qhov uas thaum ub Vajtswv hais kom muaj lub ntuj thiab lub ntiajteb, ces txawm ciali muaj rawsli Vajtswv hais. Lub ntiajteb yog tshwm tawm hauv dej los thiab yog los ntawm dej, #Chiv 1:6-9 6twb yog cov dej ntawd ntag uas thaum ub tau nyab lub ntiajteb no, ua rau txhua yam puastsuaj tag huv tibsi.#Chiv 7:11 7Tiamsis Vajtswv ceev lub ntiajteb thiab lub ntuj uas niajhnub no muaj nyob rau hluavtaws hlawv rawsli Vajtswv tau hais tseg lawm. Vajtswv yuav ceev cia rau hnub uas cov neeg ua phem yuav raug txiavtxim thiab puastsuaj.

8Tiamsis cov kwvtij uas kuv hlub 'e, muaj ib yam uas nej yuavtsum ncontsoov xwsli: rau tus Tswv ces ib hnub zooli 1,000 xyoo thiab 1,000 xyoo zooli ib hnub.#Nnkauj 90:4 9Muaj ibtxhia xav tias Vajtswv tseem yuav tos ntev Nws mamli ua rawsli Nws tau coglus tseg, tiamsis tsis yog li ntawd. Vajtswv ua siabntev rau nej, rauqhov Nws tsis xav cia ib tug twg puastsuaj, tiamsis Nws xav kom txhua tus tso lawv tej kev txhaum tseg.

10Tiamsis hnub uas tus Tswv los, hnub ntawd yuav zoo ib yam li tubsab tuaj. Hnub ntawd yuav muaj suab nrov qeeg nkaws, ces lub ntuj yuav ploj ntais#3:10: ploj ntais; tej phau ntawv qub uas xuas tes sau, muaj nrhiav tau lawm; muaj dua lwm phau hais tias kubhnyiab tas; muaj dua ib phau ho hais tias raug puastsuaj tas. mus, hluavtaws yuav kub txhua yam uas nyob saum nruabntug yaj tag. Lub ntiajteb thiab txhua yam uas nyob hauv ntiajteb puavleej yuav kubhnyiab tag huv tibsi.#Math 24:43; Lukas 12:39; 1Thex 5:2; Tshwm 16:15 11Yog tias txhua yam yuav puastsuaj mus li hais no, tsimnyog nej yuavtsum ua cov neeg uas zoo licas? Tsimnyog nej yuavtsum ua nej lub neej kom dawbhuv thiab hwm Vajtswv, 12thaum nej tseem tos hnub uas Vajtswv yuav los, thiab muab siab rau ua kom hnub ntawd los txog sai, hnub ntawd yog hnub uas lub ntuj yuav kubhnyiab tag, thiab hluavtaws yuav kub txhua yam uas nyob saum nruabntug yaj tag huv tibsi. 13Tiamsis rawsli Vajtswv tau coglus tseg lawm, peb tosntsoov lub ntuj tshiab thiab lub ntiajteb tshiab uas muaj txoj kev ncajncees nyob rau hauv. #Yaxaya 65:17; 66:22; Tshwm 21:1

14Yogli ntawd cov kwvtij uas kuv hlub, thaum nej tseem tabtom tos hnub ntawd, nej yuavtsum rausiab ntso ua nej lub neej kom Vajtswv pom tias nej tsis muaj qhov ceb, tsis muaj qhov thuam tau, thiab muaj kev sib raugzoo nrog Nws. 15Nej yuavtsum ncontsoov tias qhov uas peb tus Tswv ua siabntev ntawd, twb yog Nws cia sijhawm rau nej kom nej dim nej lub txim, ib yam li peb tus kwv Paulus uas peb hlub, twb sau tej ntawd tuaj qhia rau nej rawsli Vajtswv pub tswvyim rau nws lawm. 16Txhua tsab ntawv uas nws sau, nws yeej hais tibyam nkaus, uas yog hais txog zaj no xwb. Muaj qeeyam nyob rau hauv nws cov ntawv yeej tsis tshua yoojyim totaub. Cov neeg uas tsis thoobtsib tonrog thiab cov uas lub siab ywjfab ywjfwj, tau muab tej lus ntawd tig tsis rawsli lub ntsiab, zoo ib yam li lawv tig lwm zaj uas nyob hauv Vajtswv tej Lus. Qhov uas lawv ua li ntawd yuav ua rau lawv raug kev puastsuaj xwb.

17Tiamsis cov kwvtij uas kuv hlub 'e, nej yeej paub zaj no lawm. Yogli ntawd, nej yuavtsum ceevfaj zoo kom nej thiaj yuav tsis yuamkev ua txhaum ib yam li cov neeg uas tsis cojcai ntawd ua, thiab nej thiaj yuav tsis poob ntawm lub chaw uas nej twb nyob ruaj-khov lawm. 18Nej yuavtsum lojhlob hauv Vajtswv txoj hmoovhlub thiab paub peb tus Tswv Cawmseej Yexus Khetos zujzus ntxiv. Thov kom tus Tswv tau txais koobmeej, tsis hais niajhnub nimno los yog mus ibtxhis li! Amees.

Currently Selected:

2 Petus 3: MWW2022

Highlight

Copy

Compare