Y-Êsai 12
12
Klei Mmuñ Bi Mni
1Hlăm hruê anăn ih srăng lač:
“Kâo srăng bi mni kơ Ih, Ơ Yêhôwa,
kyuadah wăt tơdah Ih ngêñ leh kơ kâo,
klei Ih ngêñ jih leh,
leh anăn Ih bi juh leh kâo.
2 #
KKbiă 15:2; KMH 118:14. Nĕ anei, Aê Diê jing Pô bi mtlaih kâo,
kâo srăng knang leh anăn amâo huĭ ôh.
Yêhôwa Aê Diê#12:2 Heb: Yah, Yêhôwa. jing klei ktang kâo leh anăn klei mmuñ kâo,
leh anăn Ñu jing leh klei bi mtlaih kâo.”
3Hŏng klei hơ̆k mơak ih srăng djăt êa
mơ̆ng kbăng êa klei bi mtlaih.
4Hlăm hruê anăn ih srăng lač:
“Bi mni bĕ kơ Yêhôwa, iêô wah lač kơ anăn Ñu;
yăl dliê bĕ bruă Ñu ngă ti krah phung găp djuê mnuih;
hưn bĕ anăn Yêhôwa mâo klei mpŭ.
5Mmuñ bi mni bĕ kơ Yêhôwa kyuadah Ñu ngă leh lu klei yuôm bhăn;
brei arăng thâo kral klei anăn tar ƀar lăn ala.
6Ur kraih leh anăn ur hơ̆k bĕ, Ơ phung dôk hlăm ƀuôn Siôn,
kyuadah Pô Doh Jăk Israel jing prŏng ti krah diih.”
Currently Selected:
Y-Êsai 12: RAD2015
Highlight
Copy
Compare
Share
Want to have your highlights saved across all your devices? Sign up or sign in
© 2015 United Bible Societies. All rights reserved.
