Римчилерге 6

Бачытка хамаарыштыр – өлүг, а Христоска хамаарыштыр – дириг

– 1Ам чүү дээр бис? Бурганның авыралы өзүп-көвүдезин дээш, бачыттан адырылбайн амыдыраар бис бе?

– 2Канчап-даа чок! Бачытка хамаарыштыр өлген болгай бис#1 Пет. 2:24; Гал. 2:19; 5:24; Кол. 2:20; 3:3, канчап моон соңгаар ооң-биле харылзаалыг амыдыраар бис? 3Азы Христос Иисус-биле харылзаавыстың демдээ кылдыр сугга суктуруп тура, Ооң өлүмүн база үлешкенивисти уттуп алдыңар бе? 4Сугга суктуруп#1 Пет. 3:21; Гал. 3:27 – өлүмүн үлежип тура, Ооң-биле кады хөөржүттүрген бис. А ам, Адазының өндүр улуг күжү-биле өлүглер аразындан катап дирилген Христоска дөмей, бис база чаа амыдырал-биле амыдырап боор бис#2 Кор. 5:17; Эф. 4:24; Кол. 2:12; 3:10.

5Дөмей өлүм-биле өлгеш#2 Кор. 4:10; Флп. 3:10, Ооң-биле тудуш харылзаалыг апарганывыста, Аңаа дөмейлештир катап дирлип кээр бис! 6Бачыттыг бүдүжүвүс моон соңгаар бисти башкарбазын дээш, моон соңгаар бачыттың кулдары болбазывыс дээш, биеэги амыдыралывыска турган амы-хуувус Ооң-биле кады белдир-ыяшка хере шаптыртып өлгенин билир бис#Гал. 2:19-20; 5:24; 6:14. 7А өлген кижи бачыттың чагыргазындан хосталыр#1 Пет. 4:1.

8Христос-биле кады өлген болганывыста, Ооң-биле кады амыдыраарывыска бүзүрээр бис#2 Тим. 2:11; Ажыд. 20:4. 9Христос өлүглер аразындан катап дирилгеш, ооң соонда өлбес деп билир бис: өлүм ам Ону чагырар эрге чок#Рим. 14:9; Ажыд. 1:18 10Ол чаңгыс катап өлүрде#Евр. 7:27, бачытка хамаарыштыр кажан кезээде өлген. Ол ам амыдыраарда, Бурган дээш амыдырап чоруур. 11А силер база, Христос Иисус-биле харылзаалыг апаргаш, боттарыңарны бачытка хамаарыштыр – өлүг, а Бурганга хамаарыштыр – дириг бис деп бодап алыңар.

12Ынчангаш өлүр салымныг мага-бодуңарга бачыт хааннавазын, ооң туралаашкыннарынга силерни чагырты бербезин#Ыд. ыр. 18:14. 13Мага-бодуңарның кандыг-бир кезектери, бузуттуң чепсектери бооп, бачытка ажыглаттырып аарын соксадыңар#Кол. 3:5. Ооң орнунга, өлүмден амыдыралче ээлген улусту дег, бүгү бодуңарны Бурганның бүрүн ажыглаар эргезинге бериптиңер#Рим. 12:1. Мага-бодуңарның кезектери база буянның чепсектери бооп, Ооң ажыглалынче кирзиннер. 14Бачыт силерни оон ыңай башкарбас апаар, чүге дээрге ыдыктыг хоойлуга эвес, а Бурганның авыралынга чагырты берген силер.

Бачыттан хосталган улус

– 15Ынчаарга чүл? Ыдыктыг хоойлуга эвес, а Бурганның авыралынга чагырткан болганывыста, бачыт үүлгедип боор бис бе?

– Канчап-даа чок! 16Боттарыңарны кандыг-бир кижиниң эргезинче кулдар кылдыр берипкен болзуңарза, чагыртып турар кижиңерниң кулдары апарганыңарны билбес силер бе? Чок-ла болза өлүмче аппаар бачыттың кулдары#Ин. 8:34, чок-ла болза Бурганга дыңнангыр чоруктуң – агартыышкынче аппаар чүүлдүң кулдары боор силер. 17Бир шагда бачыттың кулдары чордуңар, ынчалза-даа ам силерге дамчыткан өөредигге чүрээңер ханызындан чагырты бердиңер. Ол дээш, Бурганга алдар! 18Силерни бачыттың кулданыындан хостап каарга, буянның кулдары апардыңар#Ин. 8:32, 34; Иак. 2:12; 1 Пет. 2:16; 1 Кор. 7:22; 2 Кор. 3:17; Гал. 5:1. 19(Билбейн баарлар ирги бе дээш, улуска билдингир чижек ажыглап, силерге чугааладым.) Бир шагда мага-боттарыңарның кезектерин бужар болгаш хай-чагырга чок чорукка кулданыгга берипкениңер дег, ам оларны ыдыктыг амыдырал дээш буянның кулданыынче бериптиңер.

20Бачыттың кулдары чораан үеңерде, буяндан хостуг чордуңар. 21Ам кээп ыядып эгелээниңер ажыл-херектериңерден кандыг үре-түңнел чедип алдыңар? Оларның эчис түңнели өлүм болду чоп. 22А ам, бачыттан хосталган соонда, Бурганның кулдары апаргаш#1 Кор. 7:22, ооң үре-түңнели кылдыр Бурганның мурнунга ыдыктыы-биле амыдырай бердиңер; а эчис түңнел – мөңге амыдырал болур. 23Чүге дээрге бачыттың төлээн төлевири – өлүм#Иак. 1:15; Рим. 5:12, а Бурганның ачы-буянныг белээ – Дээргивис Христос Иисуска башкарткан мөңге амыдырал болгай.

Currently Selected:

Римчилерге 6: TUV

Highlight

Copy