Римчилерге 1

Киирилде сөстер

1Бурганга кыйгырткан элчинден, Ооң Буянныг Медээзин суртаалдаары-биле шилип алдынган кижиден – Христос Иисуска бараан болган Павелден байыр. 2Бурган ол Буянныг Медээни ооң мурнунда-ла Ыдыктыг Бижилгелерге Бодунуң медээчилерин дамчыштыр аазаан турган#Лк. 1:69-70; Тит. 1:1-2. 3Буянныг Медээде төрүттүнген ызыгууру-биле Давид хаанның салгалы боор#Мф. 1:1 Бурганның Оглунуң дугайында чугаалап турар. 4Ол дээрге Бурганның өлүглер аразындан катап диргискеш, Бодунуң Сүлдезиниң ыдыктыының ачызында Бурганның өндүр күчүлүг Оглу деп чарлааны Дээргивис Иисус Христос-тур. 5Ооң ады алдаржызын дээш база бүгү чоннар улузу Аңаа бүзүрей берип#Аж.-ч. 9:15, Ону дыңназын дээш, элчин боор авыралды Ооң ачызында алган мен. 6Силер база ол чоннарның санынче кирип турар болгаш, Иисус Христостуң улузу боору-биле кыйгырткан силер.

7Римде чурттаан силер бүгүдеге – Бурганның ынак чону боору-биле Ооң кый деп алганы бүзүрээн улуска#1 Кор. 1:2 – бижип олур мен. Бурган Адавыс болгаш Дээргивис Иисус Христостан келген авырал биле амыр-тайбың силерге доктаазын!

Павелдиң римчилерге дужуксаан күзели

8Бүзүрелиңер дугайында бүгү делегейде улус чугаалажы берген-дир#Рим. 16:19. Ынчангаш чүнү-даа мурнай силер бүгүде дээш, Иисус Христосту дамчыштыр мээң Бурганымга өөрүп четтирдим#Флп. 1:3; 2 Тим. 1:3; Флм. 1:4. 9Ооң Оглунуң дугайында Буянныг Медээни медеглеп, Аңаа бүгү бодумдан бараан бооп чоруурум Бурган херечим болзун#Рим. 9:1; 2 Кор. 1:23; Флп. 1:8; 1 Фес. 2:5: мөргүп турар санымда-ла, силерни сактыр-дыр мен. 10Бурганның күзел-соруунуң аайы-биле ам-на силерге чеде бээр аргалыг боорумну мөргүлдеримге үргүлчү дилээр-дир мен#Рим. 15:32. 11Чүге дээрге Сүлдеден келген кандыг-бир ачы-буянныг белекти силерге сөңнеп чедирер дээш база силерни ооң-биле быжыглаар дээш, шагдан бээр силерни көрүксеп келдим. 12Биригээр чугаалаарга, ниити бүзүреливис-биле: бодумну – силернии-биле, а силерни – бодумнуу-биле удур-дедир деткижеривис дээш, силерге ужуражыксадым.

13Ха-дуңма, силерже хөй удаа барыксаанымны ыяк билип аарыңарны күзеп тур мен (ынчалза-даа мынчага дээр бир-ле байдалдар шаптыктап келди)#Рим. 15:22-23; 1 Фес. 2:18. Суртаалымның үре-түңнелин, бүгү өске чоннар улузунуң аразынга дег, силерниң араңарга көрүксээш#Флп. 4:17, чадап кагдым. 14Мен гректер-даа, варварлар-даа дээш#1:14 Гректер – еврейлер өске чоннар улузун, сөөк-язы ылгавайн, гректер азы эллиннер деп адап турар. Варварлар – гректерниң боттарындан өске бүгү чоннарны адап турган ады. база мерген угаанныглар-даа, мугулайлар-даа дээш хүлээлгелиг мен#1 Кор. 9:16. 15Ынчангаш Буянныг Медээни Римде чурттаан силерге база суртаалдаарын күзеп тур мен.

16Буянныг Медээден ыятпас мен#Мк. 8:38; Флп. 1:20, чүге дээрге ол – Христоска бүзүрээн бүгү улусту: хамыкты мурнай иудейлерни, а ооң соонда өске бүгү улусту#Рим. 2:9-10 камгалаар дээн Бурганның күчү-күжү-дүр#1 Кор. 1:18. 17Буянныг Медээде Бурганның бээр агартыышкыны ажыттынган#Рим. 3:21. Ол агартыышкын эгезинден төнчүзүнге чедир чүгле бүзүрел дамчыштыр ажыттынар. Ол дугайында Бижилгеде мынча деп бижээн: «Бүзүрелиниң ачызында актыг-шынныг болган кижи амылыг артар»#Авв. 2:4; Гал. 3:11; Евр. 10:38.

Кижиниң бачыттыы болгаш Бурганның килеңи

18Алыс шынны кем-буруузу-биле базып турар улус хай-бачыт үүлгедирге, Бурганның килеңи дээрден ажыттынып бадып турар#Эф. 5:6; Кол. 3:6. 19Чүге дээрге Бурган дугайында билиг улуска чедингир апарды, Бурган Боду ону оларга хайырлады#Аж.-ч. 14:17; 17:24-27. 20Бурганның көзүлбес шынарлары – Ооң мөңге күчү-күжү база бурганчы бүдүжү бүгү чаяалганы топтап көөрүн дамчыштыр кижиниң угаанынга билдингир, көскү апарды#Ыд. ыр. 18:2-5. Ынчангаш ындыг улус Бурганның мурнунга харыы тудуп шыдавас! 21Бурганны билип алгаш-даа, олар Ону Бурганны дег алдаржытпааннар, Аңаа өөрүп четтирбээннер. А ооң орнунга хоозун угаашкыннарга алзып алганнар, оларның сарыыл чок чүректери караңгыга бүргедипкен#4 Хаан. 17:15; Иер. 2:5; Эф. 4:17-18. 22Боттарын мерген угаанныг бис деп санап турза-даа, олар сээдеңнеп калган#У. ч. 21:30; Иса. 44:25; 1 Кор. 1:20; 3:19. 23Өлүм чок, өндүр бедик Бурганга мөгеерин олар өлүр тынныг кижиге, куштарга, дөрт даванныг адыгуузуннарга болгаш соястаарларга азы дүрзү-бурганнарга мөгееринге орнапканнар#Хост. 20:4-5; Ы. х. к. 4:16-18; Ыд. ыр. 105:20; Иер. 2:11; Иез. 8:10.

24Ол улус ындыг боорга, олар чүректериниң самыыралын эдерип, мага-боттарын бужартатсыннар дээш, Бурган оларны бужарталдың эргезинге хүлээдип берипкен#Ыд. ыр. 80:13; Иез. 20:25. 25Олар Бурганның алыс шынын мегеге орнапкаш, Чаяакчыга эвес, а Ооң чаяалгазынга мөгейип, бараан болуп турганнар#Иер. 10:14. А Чаяакчывыс мөңге алгыш-йөрээлге төлептиг болзун. Аминь!

26Ооң уржуундан Бурган оларны ыянчыг күзээшкиннерниң эргезинге хүлээдип берипкен#Кол. 3:5: оларның херээженнери безин бойдустан бердинген бирикшилди орта эвес, үй-балай бирикшилге орнапканнар. 27Оларның эр улузу база херээженнер-биле бойдус берген бирикшилден ойталааш, бот-боттарынга туралаашкындан хайнып-хөлзеп турарлар. Эр улус өске эрлер-биле бужар харылзаа тудуп, будалгаш, чогуур кеземчени боттарынга онааштырып келгеннер#Лев. 18:22; 20:13. 28Олар Бурганны билип аарын херектиг деп көрбес боорга, Бурган оларны боттарының-на будалган угаанының эргезинге, кылып болбас үен-даян чүүлдерин кылзыннар дээш, хүлээдип берген. 29Ол улусту янзы-бүрү бачыттар бүргей апкан: бузут, алыксак-чиксек, ыят чок чорук, адааргал, өлүрүкчү чорук, алгыш-кырыш, меге, хоп чугаа. 30Олар нүгүлчү, Бурганны көөр хөңнү чок, турамык, адыыргак, мактаныкчы, бузут үүлгедирде тывынгыр, ада-иезин хүндүлевес улус-тур. 31Олар угаан чок, эткен сөзүнге ээ болбас, кымга-даа ынакшыл биле өршээл көргүспес улус-тур#2 Тим. 3:2-4. 32Ындыг чүүлдер үүлгедикчилерин өлүмге төлептиг#Рим. 6:21 деп көөр Бурганның хоойлузу барын олар билир. Ынчалза-даа чүгле боттары бачыт үүлгедип турар эвес, а ындыг үүлгедиглер кылып чоруур өске улусту база деткип турарлар.

Currently Selected:

Римчилерге 1: TUV

Highlight

Copy