Иаков 1

Киирилде сөстер

1Бурганның база Дээрги Иисус Христостуң чалчазы Иаковтан байыр#Мф. 13:55; Аж.-ч. 12:17; 15:13; 21:18; Гал. 1:19; 2:9. Өске чоннар аразында тоо быдаргай чурттап чоруур он ийи израиль аймакка#Лк. 22:30; Ин. 7:35; Аж.-ч. 26:7; 1 Пет. 1:1 амыр-менди чедирдим!#1:1 Он ийи израиль аймак дээш, Иаков Бурганның бүгү чонун, христиан ниитилелди киириштир, бодап турар чадавас.

Бүзүрел болгаш мерген угаан

2Ха-дуңма, янзы-бүрү шенелделер орууңарны моондактаза, аажок кежиктиг бис деп санаңар!#Мф. 5:11-12; 1 Пет. 1:6-7 3Шенелдени ажып эрткен соонда, бүзүрелиңер силерни шыдамык болдурарын билир болгай силер#Рим. 5:3. 4А шыдамык чорук#2 Пет. 1:6, бодунуң ээлчээнде, бүрүн салдарын көргүзер, ол силерни бүгү талазы-биле болбаазыраңгай, кандыг-даа четпес-дудуу чүве чок улус кылыптар#Мф. 5:48.

5А кайы-бирээңерге мерген угаанны чедир бербээн болза, ол кижи Бургандан мөргүп дилезин. Бурган мерген угаанны хамык улуска чүрээниң ханызындан, чеме-хала чокка хайырлап турар болгаш, аңаа база бээр#3 Хаан. 3:9-12; У. ч. 2:3-6. 6Ынчалза-даа ол кижи бүзүрел-биле, ынай-даа чигзиниг чок дилээр ужурлуг#Мф. 21:21; Мк. 11:24, чүге дээрге чигзинген кижи хатка сывыртадып, доза шаптырткан далай чалгыынга дөмей. 7-8Хары угда ийи сагыштыг кижи#Иак. 4:8 бодунуң кылып турар чүүлдеринге турум эвес, шиитпир чок болур. Ындыг кижи Дээрги-Чаяакчыдан кандыг-бир чүүл алырын кордавазын.

Ядыы болгаш бай христианнарга чагыг-сүме

9Түреңги бүзүрээн кижи Бурганга өрү көдүртүп турары дээш чоргаарланыр ужурлуг#Иер. 9:23-24; 1 Кор. 1:31; 2 Кор. 10:17. 10А бай-шыырак чурттап чоруур бүзүрээн кижи Бурганга куду көрдүргени дээш чоргаарланыр ужурлуг: ол, үези кээрге, шөлде чечек дег оңуп, чиде бээр. 11Хүн өрттендир чип, кааңнаарга, оът-сиген кадып каар, ооң чечээ тоглааш, аянныг хевири үрели бээр. Бай кижи база бодунуң хамык ажыл-херээн бүдүрүп чорааш, шак ынчаар чиде бээр#Иса. 40:7; 1 Пет. 1:24.

Шенелде болгаш күткүлге

12Шенелделерни шыдажып эртип турар кижи амыр-чыргалдыг, чүге дээрге оларны шыдажып эрткеш#Мф. 10:22; Мк. 13:13, Бурганга ынак улуска Ооң аазааны шаңналды – мөңге амыдыралды алыр#Иак. 5:11; 2 Тим. 4:8; Ажыд. 2:10. 13Шенелделерге күткүткен кым-даа болза: «Бурган мени күткүп турар-дыр» – деп чугаалавазын. Чүге дээрге Бурган бузутка күткүтпес болгаш Боду база кымны-даа күткүвес. 14А кижи бүрүзүн ооң бодунуң-на күзээшкиннери күткүүр. Олар ону халзыптар база дузактап алыр. 15Ындыг күзээшкиннер сааттангаш, бачыт төрүп алыр#Иов 15:35; Ыд. ыр. 7:15; Иса. 59:4, а үүлгеткен бачыт, бодунуң ээлчээнде, долузу-биле өзүп-мандааш, өлүмге чедирер#Рим. 5:12; 6:23.

16Ханы ынак ха-дуңма, дуурайлатпаңар#Мк. 13:5; 1 Ин. 3:7; Кол. 2:8; 2 Фес. 2:3. 17Кандыг-даа буянныг база болбаазыраңгай белек өрүтен, дээрниң чырымалдарын чаяаган Бурган Ададан кээр#Э. д. 1:16. А Бурганда өскерилге-даа, өскерлиишкиннерниң хөлегези-даа чок#Мал. 3:6; 1 Ин. 1:5. 18Ол бисти, Ооң бүгү чаяалгазының иштинде баштайгы дүжүт ышкаш болурувус дээш#Иер. 2:3; 2 Фес. 2:13; Ажыд. 14:4, Бодунуң күзел-соруу-биле алыс шынның сөзүн дамчыштыр амыдыралче тынгарган#Ин. 1:13.

Дыңнап болгаш чагыртып өөрениңер

19Ханы ынак ха-дуңма, мону дыңнаңар: кижи бүрүзү чулчуруурун шеглеп#У. ч. 10:19, дыңнаарынче сундугуп көрзүн база ол ышкаш белен-селен килеңневезин#У. ч. 14:29; Эккл. 7:9. 20Чүге дээрге килеңге алыскан кижи Бурганның мурнунга чөптүг-шынныг чорук чедип ап шыдавас. 21Ындыг болганда, кандыг-даа бужар сагыш болгаш бузуттуг үүлгедиглерниң артынчызындан адырылгаш#Кол. 3:8, Бурганның чүректериңерге тарып турар сөзүн – силерни камгалап шыдаар күчүлүг сөстү – чөпшүл хүлээп алыңар.

22Бурганның сөзүн чүгле кулак дашты-биле дыңнап эрттирбейн, ону херек кырында боттандырып чоруңар#Лк. 11:28; Ин. 13:17; 1 Ин. 3:18; Рим. 2:13. Оон башка боттарыңарны мегелээниңер ол. 23Бурганның сөзүн дыңнаарынга өй, а ону херек кырында боттандырбас кижи көрүнчүкке арнын кайгаан кижиге дөмей-дир. 24Ол бодун кайгап-кайгап, өскээр чайлай бергеш, көрүнчүкке канчаар көзүлгенин дораан уттуп алыр. 25А Бурганның хосталганы хайырлаар болбаазыраңгай хоойлузун#Иак. 2:12 дыңнаан кижи ону дораан-на уттуп албас, а херек кырында боттандырып, бодун ооң аайы-биле ап чоруур болза, ажыл-херектеринге амыр-чыргалдыг болур#Лк. 11:28.

26Бодун Бурганны хүндүлеп чоруур мен деп санаар, ынчалза-даа аксын тыртып шыдавас кижи#Ыд. ыр. 38:2; Иак. 3:2-3 бодун боду мегелеп чоруур база ооң Бурганны хүндүледим дээри хей чүве-дир оң. 27Бурган Аданың хүлээп аары алыс шынныг, арыг болгаш кем чок хүндүткел болза түрегделге туттуруп чоруур өскүстерге, дулгуяк кадайларга дуза чедиреринде#Иов 31:17-18; Иса. 1:17; Мф. 25:36 база бо делегейниң багынга борашпайн амыдыраарында#2 Пет. 3:14; 1 Ин. 5:18; 1 Тим. 5:22.

Currently Selected:

Иаков 1: TUV

Highlight

Copy