Ажыл-чорудулга 14

Павел биле Варнава Иконияда

1Иконияга Павел биле Варнава, өске черлерге кылып турганы дег, иудей синагогаже киргеш#Аж.-ч. 13:5, барымдаалыы кончуг кылдыр суртаалдаарга, дыка хөй иудейлер база өске чоннар улузу бүзүрей бергеннер. 2Ындыг-даа болза, бүзүревейн барган иудейлер өске чоннар улузунга христианнарны бактап, нүгүлдээш, оларга удур ыдалапканнар. 3Павел биле Варнава аңаа элээн үр үеде артып калгаш, Бодунуң авыралын херечилеп, элчиннерниң холу-биле кайгамчык демдектер кылып турган Дээрги-Чаяакчының дугайында дидими-биле#Аж.-ч. 4:30; Эф. 6:19 медеглеп келгеннер. 4Хоорайның чурттакчылары ийи үстү берген: чамдыызы иудейлерни, а өскелери элчиннерни деткээн#Мф. 10:34; Лк. 12:51. 5Өске чоннар улузу болгаш иудейлер боттарының даргалары-биле кады элчиннерге удур сүлчээлежип, оларга хора чедирер деп база оларны даш-биле соккулап каар деп барганнар. 6А элчиннер ону билип кааш, Ликаонияның Листра биле Дервия деп хоорайларынче база оларның чоок-кавызынче дезип чоруй барганнар#Мф. 10:23. 7Олар аңаа Буянныг Медээни нептередирин уламчылааннар.

Павел биле Варнава Листрада

8Листра хоорайга төрүмелинден бертик, кажан-даа кылаштап көрбээн, буттары бастынмас кижи турган#Аж.-ч. 3:2. 9Павел улусту өөредип турда, ол кижи база дыңнап олурган. Павел топтап көргеш, ол кижиде экирип болгу дег бүзүрел барын көрүп каан#Мф. 9:2. 10Павел ыыткыр үн-биле: «Саң дорт туруп кел!»#14:10 Өске бурунгу сөзүглелдерде бо сөстерге «Дээрги Иисус Христостуң ады-биле сеңээ чугаалап тур мен» деп сөстерни немээн. – дээн. Бертик кижи тура халааш, кылаштап эгелээн#Иса. 35:6; Аж.-ч. 3:8.

11Улус Павелдиң чүнү кылганын көрүп кааш, ликаон дылга: «Кижи хевирлиг апарган бурганнар бисче бадып келди!» – деп алгыржып эгелээн#Аж.-ч. 28:6. 12Олар Варнаваны Зевс деп, а хөй нуруузунда чугааланып турган Павелди Гермес#14:12 Зевс – бурунгу грек шажын-чүдүлгеде кол бурган. Гермес – айбычы бурган. деп адап алганнар. 13Хоорай даштында Зевс бурганның өргээзи бар чүве-дир. Ооң бараалгакчызы хоорай хаалгазынга бугалар биле өрээн дүрүг чечектер эккелгеш, чон-биле кады элчиннерге өргүл кылыр деп барган#Дан. 2:46.

14Варнава биле Павел ону дыңнап кааш, муңгараанындан идик-хевин ора соп каапкаш#Сан. 14:6; Мк. 14:63, чон аразынче кире халааш: 15«Улус-чон! Бо канчап бардыңар? Силер-биле дөмей кижилер-дир бис! Силерге Буянныг Медээ медеглеп келдивис. Бо хоозун дүрзү-бурганнарны каапкаш, дээрниң, черниң, далайның база оларда бар бүгү чүвениң Чаяакчызы#Хост. 20:11, дириг Бурганче эглириңерни күзеп тур бис#1 Фес. 1:9. 16Эрткен үе-шагда Бурган чон бүрүзүнге бодунуң оруу-биле чоруурун чөпшээрээн#Мих. 4:5. 17Ынчалза-даа буянныг үүлезин кылып, Бодунуң дугайында үргүлчү херечилеп келген. Ол силерге дээрден чаъсты болгаш дүжүткүр өйде дүжүттү берип#Лев. 26:4; Мф. 5:45, а ол ышкаш аъш-чемни силерге хайырлап база чүректериңерни өөрүшкү-биле долдуруп келген»#Ыд. ыр. 103:15 – деп алгыржы бергеннер. 18Олар ындыг сөстер-биле безин чонну оларга өргүл кылырындан арай боорда доктаатканнар#14:18 Өске бурунгу сөзүглелдерде бо сөстерге «Болгаш бажыңнарынче чана бээр кылдыр бүзүредип алганнар» деп сөстерни немээн. .

19Ынчалза-даа Писидияда Антиохия болгаш Икониядан иудейлер келгеш, чонну элчиннерге удур кылдыр чайгылдырыпканнар#14:19 Өске бурунгу сөзүглелдерде бо сөстерге «Элчиннер дидими-биле суртаалдап турда, „Оларның чугаазында шын чүве чок, шуптузу меге-дир“ деп тургаш, чонну оларны каапкаш баар кылдыр бүзүредип алганнар» деп сөстерни немээн. . Түңнелинде олар Павелче халдай бергеш, ону даш-биле соп эгелээннер#2 Кор. 11:25. Оон ону өлген деп бодааш, хоорайдан үндүр сөөртүп каапканнар. 20А кажан Антиохияда бүзүрээннер ооң чанынга чыглып кээрге, ол туруп келгеш, дедир хоорайже чоруй барган. А даартазында хүндүс ол Варнава-биле кады Дервияже чорупкан.

Элчиннерниң Сирияда Антиохияже ээп келгени

21Олар Буянныг Медээни Дервияга суртаалдааш, хөй өөреникчилерлиг апарганнар. А оон Листра, Икония база Писидияда Антиохияже ээп келгеннер. 22Аңаа олар өөреникчилерин быжыктырып, бүзүрели чайгылыш чок болур кылдыр сорук киирип#Кол. 1:23: «Бис Бурганның Чагыргазынче кирерде, хөй хилинчекти көрүп эртер ужурлуг бис»#Ин. 15:20; 1 Пет. 2:21; 5:9; 1 Фес. 3:3; 2 Тим. 3:12 – деп турганнар. 23Павел биле Варнава чаа христиан ниитилел бүрүзүнге удуртукчулар томуйлааш, мөргүп, шээрленген соонда#Аж.-ч. 13:2, Дээрги-Чаяакчыга бүзүрээн улусту Ооң авыралынга хүлээдип бергеннер#Аж.-ч. 20:32.

24Элчиннер оон чоруткаш, Писидияны таварып эрткеш, Памфилияга келгеннер. 25Оон Пергияга суртаалдап дооскаш, Атталия хоорайже бада бергеннер. 26А оон боттарының ам эчизинге чедирип кааны ажыл-чорудулгазын кылыр дээш, Бурганның авыралы-биле оортан айбылаттырганы хоорай#Аж.-ч. 13:3 – Сирияда Антиохияже эжиндирип чорупканнар. 27Олар дедир ээп келгеш, христиан ниитилелин чыггаш, Бурганның оларны дамчыштыр кылган бүгү ажыл-херээниң дугайында база Ооң өске чоннар улузунга бүзүрелдиң оруун канчаар изээнин чугаалап бергеннер. 28Оон олар Иисуска бүзүрээн улус-биле кады аңаа элээн үе дургузунда турганнар.

Currently Selected:

Ажыл-чорудулга 14: TUV

Highlight

Copy