2 Хааннар 7

Нафанның өттүр билген медеглели

(1 Чыл. 17:1-15)

1Хаан бодунуң ордузунче көжүп кире берген үеде, Дээрги-Чаяакчы ону долгандыр турар дайзыннарындан хостуг кылып каанда, 2ол Нафан медээчиге#2 Хаан. 12:1; 3 Хаан. 1:8; 1 Чыл. 29:29; 2 Чыл. 9:29; 29:25; Ыд. ыр. 50:2 мынча дээн: «Көрем, мен пөштен кылган ордуда чурттап турар-дыр мен, а Бурганның аптаразы анаа майгында турар-дыр». 3Нафан хаанга: «Чүнү кылырын күзей-дир сен, ону барып кыл. Дээрги-Чаяакчы сээң-биле кады болгай» – дээн.

4Ол-ла дүне Дээрги-Чаяакчы Бодунуң сөзүн Нафанга ажыдыпкан: 5«Мээң чалчам Давидке баргаш, Дээрги-Чаяакчының сөзүн дамчыт: Мээң чурттаар өргээмни сен тургузар сен бе? 6Израильчилерни Египеттен үндүрүп келгенимден бо хүнге чедир Мен өргээге чурттавадым. Бир черден өске черже көжүп чорааш, анаа майгынга чурттап чордум. 7Израильчилер-биле кады каяа-даа чорааш, Бодумнуң израиль чонумну чагырар кылдыр дужааганым аймактарның кайы-бирээзинге: „Чүге Меңээ пөштен өргээ тудуп бербээн силер?“ деп чугаалап көрген мен бе?

8Ынчангаш Мээң чалчам Давидке Аг-шериглиг Дээрги-Чаяакчының сөзүн дамчыт: Мен сени, хой кадарып чоруңда, Мээң израиль чонумнуң чагырыкчызы кылдыр томуйлаан мен#1 Хаан. 16:11-13; Ыд. ыр. 77:70 9Каяа-даа чоруңда, сээң-биле кады болуп, сээң мурнуңга дайзыннарыңны чылча шаап чордум#1 Хаан. 18:14. Сээң адыңны, чер кырының алдарлыг кижилеринии дег, алдаржыдып каан мен. 10-11Мен Бодумнуң израиль чонумга боду чурттуг болзун база ону кым-даа дүвүретпезин дээш, черни аңгылап бергеш, аңаа доктаап чурттаар кылып каан мен.

Каржы-бак улус оларны мооң мурнунда дег, Мен Бодумнуң израиль чонумга баштыңчылар тургузуп каан үемде дег#Башт. 2:14-16; 1 Хаан. 12:11, кызып-кыйбас болур. Оон ыңай Мен сени бүгү дайзыннарыңдан адырып каар мен. Дээрги-Чаяакчы сээң ук-салгалыңны#7:10-11 Еврей дылда «бэт» деп сөс 5-ки шүлүкте «өргээ» деп утканы-даа, бо шүлүкте «ук-салгал» деп утканы-даа илередип турар. Бо үзүндүде ол ийи аңгы уткалар-биле сөс оюну чоруп турар. Боду доктаадып каарын аазап турар-дыр. 12Кажан сен назылап кырааш, ада-өгбең соондан өске оранче чоруй баарыңга#3 Хаан. 2:10, Мен сээң төрээн үре-салгалыңны орнуңга хаан кылгаш, ооң чагыргазын быжыглап каар мен. 13Ол салгакчың Мээң адымга тураскааткан өргээ тудуп каар#3 Хаан. 8:19, а Мен ооң хаан дүжүлгезин мөңгеде быжыглап каар мен. 14Мен ооң Адазы болур мен, а ол Мээң оглум болур#Ыд. ыр. 88:27-28; 2 Кор. 6:18; Евр. 1:5. Ол багай чүве үүлгедир болза, Мен ону кижилерни дамчыштыр – оларның кымчызы-биле кезедир мен#Ыд. ыр. 88:31-33. 15Ындыг-даа болза, Мен сээң мурнуңда хааннап турган Саулдан ойталааным дег, Бодумнуң энерелимни салгакчыңдан кажан-даа ап кагбас мен. 16Мээң мурнумга#7:16 Өске бурунгу сөзүглелде «Мээң мурнумга» эвес, а «Сен көрүп туруңда» деп бижээн. Сээң үре-салгалың болгаш чагыргаң кезээ мөңгеде чайгылыш чок болур, сээң дүжүлгең мөңгези-биле артар#Ыд. ыр. 88:5, 30, 36-37; 131:12; Ин. 7:42».

17Нафан ол бүгү чугааны болгаш көстүүшкүннү Давидке дамчыдып берген.

Давидтиң Бурганга өөрүп четтиргени

(1 Чыл. 17:16-27)

18Ынчан Давид хаан Дээрги-Чаяакчының мурнунга барып чугаалаан: «О, Дээргим, Дээрги-Чаяакчы! Кым мен мен? Мээң ук-салгалым кымыл? Мени ынчаар көдүрер хире чүү кылдым? 19Ол бүгү безин Сеңээ эвээш болган-дыр, о, Дээрги-Бурган-Чаяакчы! Мени алдаржыдарындан эрткеш, Сен Бодуңнуң чалчаңның үре-салгалының келир үезин безин чугаалап бердиң. Сээң ол сөзүң улуска өөредиг болзун#7:19 Азы: «Сен кижи ышкаш кылдың». , Дээрги-Бурган-Чаяакчы! 20Давид Сеңээ оон ыңай чүнү немей чугаалап шыдаар деп? Бодуңнуң чалчаңны билир-ле болгай сен, Дээрги-Бурган-Чаяакчы! 21Бодуңнуң сөглээн сөзүң бодааш, Бодуңнуң күзелиң-биле Сен өндүр улуг херекти кылып, Бодуңнуң чалчаңга ол бүгүнү ажыдып бердиң. 22Ынчангаш өндүр улуг-дур сен, Дээрги-Бурган-Чаяакчы! Сеңээ деңнежипки дег кым-даа чок-тур, Сенден өске Бурган-даа чок-тур, бис боттарывыстың кулаавыс-биле дыңнадывыс#Хост. 15:11.

23Кым Сээң израиль чонуңга деңнежирил? Бо чон дег чер кырында өске чон чок#Ы. х. к. 4:7; 26:19; 33:29, чүге дээрге бисти Бодунуң чону кылып аар дээш, Бурган кээп, бисти кулданыышкындан адырып алган. Сээң кайгамчык, коргунчуг херектериң ужун Израильдиң ады#7:23 Бо шүлүктүң утказы эки билдинмес. «Израильдиң ады» деп сөстерниң болгу дег өске утказы мындыг: «Сээң адың». чериңде билдингир апарган. Сен египетчилерден камгалаан Бодуңнуң чонуңнуң мурнундан өске чоннарны-даа, оларның бурганнарын-даа үндүр ойладыпкан эвес ийик сен бе? 24Сен израиль чонуңну кезээ мөңгеде Бодуңнуу кылып алдың, а Бодуң, Дээрги-Чаяакчы, ооң Бурганы болдуң.

25А ам, Дээрги-Бурган-Чаяакчы, Бодуңнуң чалчаңның болгаш ооң ук-салгалының дугайында берген сөзүңнү кезээ мөңгеде быжыглап каг, Бодуңнуң аазаашкыныңны күүседип көрем. 26Сээң адың кезээ мөңгеде алдаржып чорзун, кижилер: „Аг-шериглиг Дээрги-Чаяакчы – Израильдиң Бурганы“ деп чугаалажып чорзун! Сээң чалчаң Давидтиң ук-салгалы Сээң мурнуңга быжыг болзун! 27Аг-шериглиг Дээрги-Чаяакчы – Израильдиң Бурганы, Сен Бодуңнуң чалчаңга: „Сээң ук-салгалыңны доктаадып бээр мен“ деп ажыдып берген болгай сен, ынчангаш Бодуңнуң чалчаң Сеңээ ынчалдыр мөргүп диттигипкен. 28О, Дээрги-Бурган-Чаяакчы! Сен Бурган сен! Сээң сөстериң шынныг, Сен Бодуңнуң чалчаңга бо чаагай кежикти аазадың. 29Амдан эгелеп, Бодуңнуң чалчаңның ук-салгалы мөңгеде Сээң хайгааралыңга чорзун дээш, аңаа ачы-буяның хайырлап көрем. Сен, Дээрги-Бурган-Чаяакчы, ол бүгүнү Бодуң чугааладың. Сээң хайырлаан ачы-буяның-биле Сээң чалчаңның ук-салгалы кезээ мөңгеде сайзырап-ла турар болзун!»

Currently Selected:

2 Хааннар 7: TUV

Highlight

Copy