1 Пётр 3

Бурганга бүзүрээн өг-бүле улус

1-2Шак ынчаар, херээжен улус, ашактарыңарга чагыртыңар#Э. д. 3:16; 1 Кор. 14:34; Эф. 5:22; Кол. 3:18. Оларның чамдыызы Бурганның сөзүн тооп дыңнавас-даа болза, силерниң Бурганны хүндүлээр, арыг амыдыралыңар көргеш, артык чугаа-сөзүңер чокка-ла, Ооң улузу апаар кылдыр бодуңарны ап чоруңар#Тит. 2:5. 3Силерниң чаражыңар чаъжыңарны аянчыдыр өрүп, салганыңарда эвес, алдын каасталгаларыңар болгаш каас-коя хевиңерде эвес. 4Бурган харын кижиниң томаанныг болгаш оожум аажызының оңмас иштики чаражын аажок үнелээр#1 Тим. 2:9. 5Бурганга идегээр ыдыктыг херээженнер эрткен үелерде боттарын ынчалдыр каастап, ашактарынга дыңнангыр болуп келген. 6Чижек кылдыр, Авраамны дыңнап, ону «дээргим» деп адап чораан Сарраны сактып келиңер#Э. д. 18:12. Коргуп-дүвүревейн, буяндан тарып чорзуңарза, Сарраның уруг-дарыы апарган боор силер.

7А ашактар силер, база шак ынчаар, кадайларыңар дээш сагыш човап, оларны билип көрүңер: олар силерден кошкак, уян дээрзин утпаңар#Эф. 5:25; Кол. 3:19. Кадайларыңарны хүндүлеңер, чүге дээрге олар Бурганның авыралының ачызында мөңге амыдыралды силер-биле деңге салгап алган. Ынчалдыр чурттаар болзуңарза, мөргүлдериңерге кандыг-даа шаптык турбас.

Бурганга шынчы болганы дээш хилинчек көөрү

8Түңнелинде силер араңарда эп-найыралдыг чурттап#Рим. 12:16, бот-боттарыңар дээш сагыш аарып, бот-боттарыңарга, бүзүрээн ха-дуңмаңарга дег, ынак, кээргээчел база биче сеткилдиг#3:8 Өске бурунгу сөзүглелдерде бо сөстерге «Чымчак сеткилдиг» деп сөстү немээн. бооп көрүңер. 9Силерге чедирген хора дээш хора-биле, дорамчылал дээш дорамчылал-биле харыылаваңар#Лев. 19:18; 1 Фес. 5:15; Рим. 12:17. Ооң орнунга силерни бак көрген улуска Бурган ачы-буянын көргүссүн дээш, оларны алгап-йөрээп мөргүңер#Мф. 5:44; Рим. 12:14; 1 Кор. 4:12. Бурган силерни шак ындыг амыдыралче кыйгырган, ынчаар чурттааш, Ооң ачы-буянын алыр силер.

10 Амыдыралындан таалал ап, аас-кежиктиг хүннер көрүксээн кижи

кара сагыштыг, меге сөстер эдеринден кичээнип,

аксын ажытпас ужурлуг.

11 Ол бузуттан чайлаар, буян тарыыр база

амыр-тайбыңны дилеп, олче чүткүүр ужурлуг.

12 Чүге дээрге Дээрги-Чаяакчының карактары чөптүг-шынныг улусче көрнүр,

Ооң кулактары оларның дуза дилээн кышкызын дыңнаар,

а бузут үүлгедикчилеринче Ол сүртедир көөр # Ыд. ыр. 33:13-17 .

13Буян тарыырынче чүткүлдүг болзуңарза, кым силерже бузут халдадырыл? 14А чөптүг-шынныг чорук дээш хилинчек көрүп-даа турзуңарза#Мф. 5:10; 1 Пет. 2:19-20; 4:14-16, херек кырында амыр-чыргалдыг силер. Олардан шуут коргуп-сүртевеңер#Иса. 8:12#3:14 Азы: «Оларның коргар чүвезинден коргуп-сүртевеңер» (Иса. 8:12 көр). . 15Чүректериңерге Дээрги-Чаяакчы Христостуң ыдыктыын хүндүлеңер#Иса. 8:13. Силерниң Аңаа идегелиңер дугайында айтырыг салган улуска харыы бээринге кезээде белен болуңар#Кол. 4:6. 16Чүгле ол харыыны эвилең-ээлдек, дыңнакчыларга хүндүткелдиг бериңер. Арын-нүүрүңер арыг болзун: Христоска башкарткан эки амыдыралыңарны бак сөглеп турар улус#1 Пет. 2:12, ол нүгүлү дээш ыядып, арны кыссын#Лк. 13:17. 17Бурганның күзел-соруу ындыг болганда, бузуттуг эвес, а буянныг херек дээш хилинчек көргени дээре#1 Пет. 2:20. 18Чүге дээрге Христос, бистиң бачыттарывыс дээш, чаңгыс удаа хилинчек көрген болгай#1 Пет. 2:21; 4:1; Евр. 9:26-28. Ол, кем чок Боду, кем-буруулуг улустуң орнунга, силерни Бурганче эккээр дээш, хилинчек көрген. Ооң мага-бодун өлүрүп кагза-даа, Сүлдези-биле Ол тынгарлып келген.

19-20Христос ынчалдыр чоруткаш, эрте-бурун шагда – Ной өгбениң үезинде Бурганны дыңнавайн баргаш, хоругдаткан сүнезиннерге суртаал кылган. Ной бажың-хеме тудуп турар өйде#Э. д. 6:3-14, Бурган оларны шыдамыккай кезетпейн келген улустуң сүнезиннери ол. А бажың-хемеже каш борбак, чүгле сес санныг кижи кирген#Э. д. 7:17; 2 Пет. 2:5, олар суг аайы-биле камгалал алган. 21Ол суг дээрге ам-даа силерни камгалап турар сугга суктурарын үлегерлей көргүскени-дир. Сугга суктурары – мага-боттуң хирин чууру эвес, а арыг арын-нүүрлүг чурттаарын Бурганга аазаары-дыр#Рим. 6:4. Иисус Христостуң катап дирилгенин дамчыштыр ол чорук силерни камгалаар#Мк. 16:16; 1 Пет. 1:3. 22А Христос дээрже көдүрлүп үнгеш#Лк. 24:51; Аж.-ч. 1:9, Бурганның оң талазында турар боорга#Ыд. ыр. 109:1; Мк. 16:19; Рим. 8:34, Аңаа дээрниң төлээлери, эрге-чагырга ээлери, күштери чагыртып турар#Рим. 8:38; 1 Кор. 15:24; Эф. 1:21.

Currently Selected:

1 Пётр 3: TUV

Highlight

Copy