Gadiyeeda Giijasoodiga 26
26
Baulo ghaweat geaw aba madeeda Agirippa
1Gwayeeshsha Agirippa Baulo, ng'atta ghamiinda Baulo geattindaannyi “Neagoonnyi gheatta ng'eada baloola ang'iing'i.” 2“Aniini ghaaghanyi geandeawi gheamamda aba gideaba geandi madeadaang'u, Sugoochcheanda was Agrippa, eannean gaydabalool aba weetteaba geaw appadayda ng'asheega sean ahaaktaawanaan fuga Yahuudi, 3aba gideaba ang'iing'i ginali muuchchi naweadinga sean ea jaleadingeagwa bea fuga Yahuudi; ak geamuscheey aleeysean iit nea gimilikghti.
4“Seareedeanyu ea giibindeanyu ghang'eada jeepcheandumeedeanyu, geagadiyeatti ghang'eada mwadi aba jeeda emeedeanyu aba ng'eanyiida Yerusaleemu, ak ghwanal fuga sean bea Yahuudi. 5Ak ghayi gabean ghwanalan nea iigasa ghoammu gamuuwwu gideaba ghayi geabean dawas majeek nea ghaayaachchi naweeda diineedeanya doabiiwaat ak geabiideatti Farisayajeanda. 6Ak ghamneawa ghaamiinaadi aba hiji ergweaksean aba gideaba ghaararji neajeeda ghayi heelleesa Aseetta sea gheambaghweanigaasa. 7nea diitta ghus dooshingaasa was damaniyyeenyean gil ak ghwarar gideaba gayghwanyas iibwat Aseetta eawa ea askweari. Nea aba gidaararji gidaghamna ahaaktaawanaan fuga Yahuudi ea sugoochcheanda! 8Ea fuga Yahuudi ghwasaan anda agooga ghoaraannyi amwasa ng'asheanji bea gideaba Aseetta ghoammu gooduudu fuga nimeewean? 9Aba huumwa aniini ghayi geadeaksi geaw gideaba gamiisean dasin haleanjeesean, maweapchi sea gheawunga Yeeseeda ng'eanyiida Nasareetti. 10Geasinyi ng'asheesu aba Yerusaleemu; ak ea meekghusa gideaba naarachchi fuga saang'a ghaydidi, iiduw nea geenuuseada ghaamwaschi earaniini. 11Inyeessa ghaanung' ghwanyas sawanadeeda aba jeeda ghoorajeega sinnealshachcheewa sean nea geading'si gong'eawi Aseetta; inyeessa ghaanyareaschi muuchchi aba badahuukkeaba fiisu, hean geawi ak ghaaghabwaaschi aba mujiinajeega sheagi.”
Baulo gwargu gidalalaanda
(Gadi 9:1-19; 22:6-16)
12“Aba jeedeaba bareannyeeksu eawi Dameskiin nea geandeawi gheambalmeeda ea barawajeanda leabu heeda ashoohoodiga heesiin. 13Ea sugoochcheanda ghayi eaweechcha nea geandi naweeda ghaadaayi weeshinda abwaay leabu humng'eeda, nea aba eeshmeeda ghang'al dea aseetta arearu, ak gwaneaweesean weeshinda ea bareandeanyu. 14hean geappeedeaysi ngeanyi, ak ghaayiinyi ghuutta nyah aba iitta fuga Ebraniya, ‘Sauli, Sauli, ghwasaan anda ang'iing'i gighabwaschaan? Ahang'waay aba headaang'u gideaba gaydasa geetta ng'aniip.’ 15Ak ghaanyaschi, ‘Ang'iing'i ng'eaha gil Ng'uttamiida?’ Ghwasha Ng'uttamiida nea gwayi, ‘Aniini Yeesuudida ighabwaasi. 16Asi ng'eada ak gimiinaadi aba geeshangaagu; aba gideaba naahiimneey geaw appadayda ng'asheanji ak ghaloachcheay ak ghoaloachchi amaduw ghaloachchi ak gimmuusi ak gamuuwwu haleanjeeda gwachchi nidahi aba heedeanyu ea heedeaba fukka jea dabassean, 17gaydalealnaneey heeda buuneeda ea heeda Emoojiga, ak geajeaktaneegwa nyaawa, 18ak ghwayam gheanyanga nyaawa, geat gwaheelli misaneeda ak gaweay jeeda weeshinda ak gwaritteawa jeeda uurda Shattaani amahit gwayamsa geat Aseetta, ak ghwanyas samsiinda ring'eega ea giibinda aba jeeda fukka ghayi simmiidu aba masaweega aba jeedeanyuun.’”
Baulo gabaloola nga'sheega gadiyeadaannyi
19“Ea sugoochcheandeanyu was Agirippa, aba sareani aniini mii daahang'waay uhuudeanyu aba gitta gissiihiimnaan aba humng'eedean, 20ak aba madeeda ghaang'eachchi rukwiideayda ng'asheega Aseetta aba ng'eanyiida Dameski, ea Yerusaleemu ea ng'eanyiisean bea Yahuudi, ea heeda fuga Emoojiga, gideaba gwaduukkuuna ak gwayamsa geat Aseetta ak ghoahiimu aba gadiyoojiga nyaawa gideaba niduukkuuna. 21Hean aba ng'asheanji iiduw ghoang'ng'waanyan fuga Yahuudi aba jeeda gheeda sibatta Aseetta ak gagasa gwanuusan. 22Iiduw ghaweadan Aseetta ak ghoaw gidaghamna amiinaadawi nea geawoschi majeek nea geamuuwwiisi ng'asheega fuga manang'i ea gea hees, nea ng'asheega eabalooli ea gea ghayi rugu sibanga ea Muusa gil gideaba gayghwahidu: 23bea gideaba Gristo gayghwanyas sawanadeeda, ea gideaba niny ihuuw dea asheeda eattuuna miyeeda, gaygwarukkwiida iitta weeshinda aba heeda fugaaschi ea heeda fuga Emoojiga.”
24Aba damani weada geaw Baulo aba balooldean, hean ghang'eat Festo goojuur nea gwayeeshsha, “Baulo, ang'iing'i gibwageas, gissoomani ittaang'u hawiin ning'ulnyi geeska.” 25Ghwalamda Baulo ak gwayeeshsha, “Ea Festo, siida mureeda, aniini mwabwa geas, geargu ng'asheega fughareeda bea huumeanda. 26Aba gideaba sugoochcheanda ghwanal iitteaba ng'asheesu, ak aniini ghammuschi deabalool nea mwaawali gil; aba gideaba ghaanalli muuchchi gideaba manda eara ng'ashaanjagi mwanala niny, aba gideaba ng'asheanji meesna aba heeda funyaat. 27Heappi sugoochcheandeanyu was Agirippa, subanga gumwasi? Ghaanalli gideaba gumwasi.” 28Ghwalamda Agirippa ak gwayeeshsha Baulo, “Aba gheadi nuwaas gigasayi nung' doaw siida Gristohi?” 29Ghwalamda Baulo ak gwayeeshsha, “Ea nuwaas ghana ea geaw gaydamus Aseetta ea mii ang'iing'i gil gabeachchi, eara fuga sean aleeyseaniit ghamneawa gidabal gawuurjeewean ak ea meeratta gawuurjeewean.”
30Hean ghang'eat sugoochcheanda haw ea sugoochcheanda haw bassa ea Bernike ea buuneessean gwachchi abiitpiit mideay. 31Iiduw nea ghang'eatng'eat gaweay geebalooleada nea geeyi, “Siisi mii gwasin gilmuy miisa miyeeda ghana ghealooniga.” 32Siisi inyeeda gwachchi ea mii ghoang'aatta girgweageadaannyi heeda Gaysaari, gwachchi gajeesiksiina.
Currently Selected:
Gadiyeeda Giijasoodiga 26: DTGANT09
Highlight
Share
Copy
Want to have your highlights saved across all your devices? Sign up or sign in
Datooga New Testament © Bible Society of Tanzania, 2009.
Gadiyeeda Giijasoodiga 26
26
Baulo ghaweat geaw aba madeeda Agirippa
1Gwayeeshsha Agirippa Baulo, ng'atta ghamiinda Baulo geattindaannyi “Neagoonnyi gheatta ng'eada baloola ang'iing'i.” 2“Aniini ghaaghanyi geandeawi gheamamda aba gideaba geandi madeadaang'u, Sugoochcheanda was Agrippa, eannean gaydabalool aba weetteaba geaw appadayda ng'asheega sean ahaaktaawanaan fuga Yahuudi, 3aba gideaba ang'iing'i ginali muuchchi naweadinga sean ea jaleadingeagwa bea fuga Yahuudi; ak geamuscheey aleeysean iit nea gimilikghti.
4“Seareedeanyu ea giibindeanyu ghang'eada jeepcheandumeedeanyu, geagadiyeatti ghang'eada mwadi aba jeeda emeedeanyu aba ng'eanyiida Yerusaleemu, ak ghwanal fuga sean bea Yahuudi. 5Ak ghayi gabean ghwanalan nea iigasa ghoammu gamuuwwu gideaba ghayi geabean dawas majeek nea ghaayaachchi naweeda diineedeanya doabiiwaat ak geabiideatti Farisayajeanda. 6Ak ghamneawa ghaamiinaadi aba hiji ergweaksean aba gideaba ghaararji neajeeda ghayi heelleesa Aseetta sea gheambaghweanigaasa. 7nea diitta ghus dooshingaasa was damaniyyeenyean gil ak ghwarar gideaba gayghwanyas iibwat Aseetta eawa ea askweari. Nea aba gidaararji gidaghamna ahaaktaawanaan fuga Yahuudi ea sugoochcheanda! 8Ea fuga Yahuudi ghwasaan anda agooga ghoaraannyi amwasa ng'asheanji bea gideaba Aseetta ghoammu gooduudu fuga nimeewean? 9Aba huumwa aniini ghayi geadeaksi geaw gideaba gamiisean dasin haleanjeesean, maweapchi sea gheawunga Yeeseeda ng'eanyiida Nasareetti. 10Geasinyi ng'asheesu aba Yerusaleemu; ak ea meekghusa gideaba naarachchi fuga saang'a ghaydidi, iiduw nea geenuuseada ghaamwaschi earaniini. 11Inyeessa ghaanung' ghwanyas sawanadeeda aba jeeda ghoorajeega sinnealshachcheewa sean nea geading'si gong'eawi Aseetta; inyeessa ghaanyareaschi muuchchi aba badahuukkeaba fiisu, hean geawi ak ghaaghabwaaschi aba mujiinajeega sheagi.”
Baulo gwargu gidalalaanda
(Gadi 9:1-19; 22:6-16)
12“Aba jeedeaba bareannyeeksu eawi Dameskiin nea geandeawi gheambalmeeda ea barawajeanda leabu heeda ashoohoodiga heesiin. 13Ea sugoochcheanda ghayi eaweechcha nea geandi naweeda ghaadaayi weeshinda abwaay leabu humng'eeda, nea aba eeshmeeda ghang'al dea aseetta arearu, ak gwaneaweesean weeshinda ea bareandeanyu. 14hean geappeedeaysi ngeanyi, ak ghaayiinyi ghuutta nyah aba iitta fuga Ebraniya, ‘Sauli, Sauli, ghwasaan anda ang'iing'i gighabwaschaan? Ahang'waay aba headaang'u gideaba gaydasa geetta ng'aniip.’ 15Ak ghaanyaschi, ‘Ang'iing'i ng'eaha gil Ng'uttamiida?’ Ghwasha Ng'uttamiida nea gwayi, ‘Aniini Yeesuudida ighabwaasi. 16Asi ng'eada ak gimiinaadi aba geeshangaagu; aba gideaba naahiimneey geaw appadayda ng'asheanji ak ghaloachcheay ak ghoaloachchi amaduw ghaloachchi ak gimmuusi ak gamuuwwu haleanjeeda gwachchi nidahi aba heedeanyu ea heedeaba fukka jea dabassean, 17gaydalealnaneey heeda buuneeda ea heeda Emoojiga, ak geajeaktaneegwa nyaawa, 18ak ghwayam gheanyanga nyaawa, geat gwaheelli misaneeda ak gaweay jeeda weeshinda ak gwaritteawa jeeda uurda Shattaani amahit gwayamsa geat Aseetta, ak ghwanyas samsiinda ring'eega ea giibinda aba jeeda fukka ghayi simmiidu aba masaweega aba jeedeanyuun.’”
Baulo gabaloola nga'sheega gadiyeadaannyi
19“Ea sugoochcheandeanyu was Agirippa, aba sareani aniini mii daahang'waay uhuudeanyu aba gitta gissiihiimnaan aba humng'eedean, 20ak aba madeeda ghaang'eachchi rukwiideayda ng'asheega Aseetta aba ng'eanyiida Dameski, ea Yerusaleemu ea ng'eanyiisean bea Yahuudi, ea heeda fuga Emoojiga, gideaba gwaduukkuuna ak gwayamsa geat Aseetta ak ghoahiimu aba gadiyoojiga nyaawa gideaba niduukkuuna. 21Hean aba ng'asheanji iiduw ghoang'ng'waanyan fuga Yahuudi aba jeeda gheeda sibatta Aseetta ak gagasa gwanuusan. 22Iiduw ghaweadan Aseetta ak ghoaw gidaghamna amiinaadawi nea geawoschi majeek nea geamuuwwiisi ng'asheega fuga manang'i ea gea hees, nea ng'asheega eabalooli ea gea ghayi rugu sibanga ea Muusa gil gideaba gayghwahidu: 23bea gideaba Gristo gayghwanyas sawanadeeda, ea gideaba niny ihuuw dea asheeda eattuuna miyeeda, gaygwarukkwiida iitta weeshinda aba heeda fugaaschi ea heeda fuga Emoojiga.”
24Aba damani weada geaw Baulo aba balooldean, hean ghang'eat Festo goojuur nea gwayeeshsha, “Baulo, ang'iing'i gibwageas, gissoomani ittaang'u hawiin ning'ulnyi geeska.” 25Ghwalamda Baulo ak gwayeeshsha, “Ea Festo, siida mureeda, aniini mwabwa geas, geargu ng'asheega fughareeda bea huumeanda. 26Aba gideaba sugoochcheanda ghwanal iitteaba ng'asheesu, ak aniini ghammuschi deabalool nea mwaawali gil; aba gideaba ghaanalli muuchchi gideaba manda eara ng'ashaanjagi mwanala niny, aba gideaba ng'asheanji meesna aba heeda funyaat. 27Heappi sugoochcheandeanyu was Agirippa, subanga gumwasi? Ghaanalli gideaba gumwasi.” 28Ghwalamda Agirippa ak gwayeeshsha Baulo, “Aba gheadi nuwaas gigasayi nung' doaw siida Gristohi?” 29Ghwalamda Baulo ak gwayeeshsha, “Ea nuwaas ghana ea geaw gaydamus Aseetta ea mii ang'iing'i gil gabeachchi, eara fuga sean aleeyseaniit ghamneawa gidabal gawuurjeewean ak ea meeratta gawuurjeewean.”
30Hean ghang'eat sugoochcheanda haw ea sugoochcheanda haw bassa ea Bernike ea buuneessean gwachchi abiitpiit mideay. 31Iiduw nea ghang'eatng'eat gaweay geebalooleada nea geeyi, “Siisi mii gwasin gilmuy miisa miyeeda ghana ghealooniga.” 32Siisi inyeeda gwachchi ea mii ghoang'aatta girgweageadaannyi heeda Gaysaari, gwachchi gajeesiksiina.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Datooga New Testament © Bible Society of Tanzania, 2009.