Gadiyeeda Giijasoodiga 25
25
Baulo ghoang'aatta girgweageadaannyi heeda sugoochcheanda haweewa sean.
1Muchchu ghwahidu Festo jeeda ng'eanyiidaannyi, ng'atta eawooji samwagu hean ghang'eat ak gawa Yerusaleemu nea ghabeawa Gaysariya. 2Hean ghang'eat ashoohoodiga hees sea fuga hees bea Yahuudi ak geattaw iitta girgweageeda Baulo, hean geemus, 3ghamwas eyeadu siida Yerusaleemu, aba gideaba geasach naweeda jea eabwara ghami damanda mideewa naweeda. 4Ghwalamda Festo ak gwayeeshsha, Baulo geefur aba hoowa bea Gaysariyahiin, ak aniini geagasayi dawa hoowa askwearjoojusu duwaawiin. 5“Asi,” aba ginnyah, “fukka ambaliischi aba jeedeang'wean anung' deadeayi, ama iimida ng'asheanda muy nisin siisi abeeda gorgweaksa.”
6Iing'atta gibindeaba hoowa eawooji sis ghana damanamughuush sea saawa, iiduw gawa Gaysariya, muchchu gawa jeeda gheeda sirgweachcha ak goopteada aba hoorgeeda amahit gwayeeshsha ayeanni Baulo. 7Iiduw nea geeyeadu, hean gwaneaweesa fuga Yahuudi leabu Yerusaleemu ak geahaakta, hean geenappiisa ng'asheega saang'a durmani moammu gogingiini. 8Hean ghaweat geaw Baulo nea gwayeeshsha, “Aniini manda gidinyeanyi neasinnyi bea ng'asheega deaweedeeda fuga Yahuudi, ghana gheeda sibatta Aseetta ghana ramaseanda aba heeda sugoochheanda suguura Gaysaari.” 9Festo abeeda gagasa ghoammiidu geaw aba heeda fuga Yahuudi, hean ghoanyaash Baulo nea gwayeeshsha, “Gigasayi una Yerusaleemu ak geergweakseeyi aba ng'asheesu nea gindi madeedeanyu?” 10Ghwalamda Baulo ak gwayeeshsha, “Aniini ghaamiinaadi aba heeda sirgweachcha bea Gaysaari, ak hiji ea heeda miisean ergweaksiinanean gil; ginali muuchch gideaba manda ng'asheanji muy neasissi fuga Yahuudi, ak eara ang'iing'i ginali muuchchi. 11Ama naaramwaschi deaweeda ghana ineasinnyi ng'asheanda muy wassean miisa miyeeda, amwaaheawani miyeeda; ama ng'asheesu sirgweaksiinaneaniin ii mii huumwa ea manda siida jea ghwaadan, gaydaang'aatta girgweageedeanyu heeda Gaysaari.” 12Hean gabalool Festo sea gweargwaaschi bea gheeda girgweageeda, gwayeeshsha, “Gigasayi ghang'atta girgweageedaang'u gawa heeda Gaysaari; gajakkuwi heeda Gaysaari.”
Baulo gwanda madeeda Agripa sea Bernise
13Ng'atta eawoojusu ng'ay ghwahitta Gaysariya sugoochcheanda suguura Agripa sea Bernise googeachchi Festo. 14Hean goobiida hoowa ea gageanu eawoojiga saang'a, iimuchchu ghoadaw Festo sugoochcheanda iitta girgweageeda nea gwayeeshsha, “Gwanda sih hiji ghayi nung'wa Feliki ghealooniga; 15nea damandida eandeawi Yerusaleemuuni, hean ghapka ashoohoodiga hees ea gweargwa fuga Yahuudi ak geahaakta, ak geemusan deargweaksa. 16Ak geayeeshshi saawa, nii mii naweeda fuga Ruumi, aba gideaba gajeergweaksa siida siihaakta nea mii gwaroannyi fuga ahaakta ak geattaw gheatta jea ghaweada geaw aba ng'asheesu siihaaktaawan. 17Hean nea ghabwat geat aba hiji, ea mwashing'dani iimuchchu geawi jeeda gheeda sirgweachcha ak geapteadi, ak ghaanung' eyeadu siidida. 18Iiduw nea ghamiinaada fukkeanji ahaaktaan, ea miidayiiy ng'asheanji muy siihaaktaawa ak ea mawuurji gidagwachchi eararsiindi; 19ak geaghus sheang'nyeeda nyaawa sea niny aba ng'asheega diini ea badayda siisi suguura Yeesu ghayi meah, ak goomajeek Baulo gideaba eamajeek. 20Hean roat gichchea daanyaashta huumeandeaba ng'asheesu, geabearsi gideaba gigasayi una Yerusaleemu ak geergweakseey aba ng'asheesu siihaaktaawaneeyiini? 21Iiduw gamus Baulo gideaba anung'waadanaan deabiida ghealooniga ak gayghoang'aatta girgweageedaannyi heeda sugoochcheanda haweewa sean, ghaanung' eefur ea ghwahitta eaweeda jea daada heeda Gaysaari.” 22Ghwalamda Agrippa ak gwayeeshsha Festo, “Geagasayi eara aniini dealleeysiit siisi.” Ghwalamda Festo ak gwayeeshsha, “Gajalleeysiiniit numuji.” 23Iimuchchu gaweewa gharbeeda Agripa jeeda gheeda girgweageeda sea Bernike, nea goodeay shirikkareeda hees, ea fuga hees bea mujiini. Hean ghwanung' Festo eruudu Baulo. 24Hean ghang'eet Festo ak gwayi, “Ea sugoochcheandeanya was Agiripa ea buuneessean mida hiji siisi mida madeedeang'wean goong'ulayi nii ghayi gooniiksean fuga Yahuudi mida ng'eang'i ea gea mida Yerusaleemu, inyeessa geechchuur nea geegasa nuustaannyi. 25Ak aba meatkweedeanyu ea mwaadaahi ng'asheanji nisin muy miissa miyeeda; geaghus gideaba gagasa niny ghoang'aatta girgweageadaannyi heeda sugoochcheanda haweewa sean, hean ghaanung' eyeadu. 26Ak aniini ea meandeawani gidahuumwa jea dang'oorsa siideanyu haw aba badaydeaba siisi. Ak ghoaw ng'asheanji eayeanni madeedeang'wean raanya madeadaang'u ang'iing'i Sugoochcheanda was Agirippa, ak inyearayi ng'asheega gaydanyas gichchea dang'waar. 27Aba gideaba ghaadaayi mwadoabiiwa, gideaba ghaayaachchi siida ghealooniga nea meeng'oorsiina ng'asheega siihaaktaawa.”
Currently Selected:
Gadiyeeda Giijasoodiga 25: DTGANT09
Highlight
Share
Copy
Want to have your highlights saved across all your devices? Sign up or sign in
Datooga New Testament © Bible Society of Tanzania, 2009.
Gadiyeeda Giijasoodiga 25
25
Baulo ghoang'aatta girgweageadaannyi heeda sugoochcheanda haweewa sean.
1Muchchu ghwahidu Festo jeeda ng'eanyiidaannyi, ng'atta eawooji samwagu hean ghang'eat ak gawa Yerusaleemu nea ghabeawa Gaysariya. 2Hean ghang'eat ashoohoodiga hees sea fuga hees bea Yahuudi ak geattaw iitta girgweageeda Baulo, hean geemus, 3ghamwas eyeadu siida Yerusaleemu, aba gideaba geasach naweeda jea eabwara ghami damanda mideewa naweeda. 4Ghwalamda Festo ak gwayeeshsha, Baulo geefur aba hoowa bea Gaysariyahiin, ak aniini geagasayi dawa hoowa askwearjoojusu duwaawiin. 5“Asi,” aba ginnyah, “fukka ambaliischi aba jeedeang'wean anung' deadeayi, ama iimida ng'asheanda muy nisin siisi abeeda gorgweaksa.”
6Iing'atta gibindeaba hoowa eawooji sis ghana damanamughuush sea saawa, iiduw gawa Gaysariya, muchchu gawa jeeda gheeda sirgweachcha ak goopteada aba hoorgeeda amahit gwayeeshsha ayeanni Baulo. 7Iiduw nea geeyeadu, hean gwaneaweesa fuga Yahuudi leabu Yerusaleemu ak geahaakta, hean geenappiisa ng'asheega saang'a durmani moammu gogingiini. 8Hean ghaweat geaw Baulo nea gwayeeshsha, “Aniini manda gidinyeanyi neasinnyi bea ng'asheega deaweedeeda fuga Yahuudi, ghana gheeda sibatta Aseetta ghana ramaseanda aba heeda sugoochheanda suguura Gaysaari.” 9Festo abeeda gagasa ghoammiidu geaw aba heeda fuga Yahuudi, hean ghoanyaash Baulo nea gwayeeshsha, “Gigasayi una Yerusaleemu ak geergweakseeyi aba ng'asheesu nea gindi madeedeanyu?” 10Ghwalamda Baulo ak gwayeeshsha, “Aniini ghaamiinaadi aba heeda sirgweachcha bea Gaysaari, ak hiji ea heeda miisean ergweaksiinanean gil; ginali muuchch gideaba manda ng'asheanji muy neasissi fuga Yahuudi, ak eara ang'iing'i ginali muuchchi. 11Ama naaramwaschi deaweeda ghana ineasinnyi ng'asheanda muy wassean miisa miyeeda, amwaaheawani miyeeda; ama ng'asheesu sirgweaksiinaneaniin ii mii huumwa ea manda siida jea ghwaadan, gaydaang'aatta girgweageedeanyu heeda Gaysaari.” 12Hean gabalool Festo sea gweargwaaschi bea gheeda girgweageeda, gwayeeshsha, “Gigasayi ghang'atta girgweageedaang'u gawa heeda Gaysaari; gajakkuwi heeda Gaysaari.”
Baulo gwanda madeeda Agripa sea Bernise
13Ng'atta eawoojusu ng'ay ghwahitta Gaysariya sugoochcheanda suguura Agripa sea Bernise googeachchi Festo. 14Hean goobiida hoowa ea gageanu eawoojiga saang'a, iimuchchu ghoadaw Festo sugoochcheanda iitta girgweageeda nea gwayeeshsha, “Gwanda sih hiji ghayi nung'wa Feliki ghealooniga; 15nea damandida eandeawi Yerusaleemuuni, hean ghapka ashoohoodiga hees ea gweargwa fuga Yahuudi ak geahaakta, ak geemusan deargweaksa. 16Ak geayeeshshi saawa, nii mii naweeda fuga Ruumi, aba gideaba gajeergweaksa siida siihaakta nea mii gwaroannyi fuga ahaakta ak geattaw gheatta jea ghaweada geaw aba ng'asheesu siihaaktaawan. 17Hean nea ghabwat geat aba hiji, ea mwashing'dani iimuchchu geawi jeeda gheeda sirgweachcha ak geapteadi, ak ghaanung' eyeadu siidida. 18Iiduw nea ghamiinaada fukkeanji ahaaktaan, ea miidayiiy ng'asheanji muy siihaaktaawa ak ea mawuurji gidagwachchi eararsiindi; 19ak geaghus sheang'nyeeda nyaawa sea niny aba ng'asheega diini ea badayda siisi suguura Yeesu ghayi meah, ak goomajeek Baulo gideaba eamajeek. 20Hean roat gichchea daanyaashta huumeandeaba ng'asheesu, geabearsi gideaba gigasayi una Yerusaleemu ak geergweakseey aba ng'asheesu siihaaktaawaneeyiini? 21Iiduw gamus Baulo gideaba anung'waadanaan deabiida ghealooniga ak gayghoang'aatta girgweageedaannyi heeda sugoochcheanda haweewa sean, ghaanung' eefur ea ghwahitta eaweeda jea daada heeda Gaysaari.” 22Ghwalamda Agrippa ak gwayeeshsha Festo, “Geagasayi eara aniini dealleeysiit siisi.” Ghwalamda Festo ak gwayeeshsha, “Gajalleeysiiniit numuji.” 23Iimuchchu gaweewa gharbeeda Agripa jeeda gheeda girgweageeda sea Bernike, nea goodeay shirikkareeda hees, ea fuga hees bea mujiini. Hean ghwanung' Festo eruudu Baulo. 24Hean ghang'eet Festo ak gwayi, “Ea sugoochcheandeanya was Agiripa ea buuneessean mida hiji siisi mida madeedeang'wean goong'ulayi nii ghayi gooniiksean fuga Yahuudi mida ng'eang'i ea gea mida Yerusaleemu, inyeessa geechchuur nea geegasa nuustaannyi. 25Ak aba meatkweedeanyu ea mwaadaahi ng'asheanji nisin muy miissa miyeeda; geaghus gideaba gagasa niny ghoang'aatta girgweageadaannyi heeda sugoochcheanda haweewa sean, hean ghaanung' eyeadu. 26Ak aniini ea meandeawani gidahuumwa jea dang'oorsa siideanyu haw aba badaydeaba siisi. Ak ghoaw ng'asheanji eayeanni madeedeang'wean raanya madeadaang'u ang'iing'i Sugoochcheanda was Agirippa, ak inyearayi ng'asheega gaydanyas gichchea dang'waar. 27Aba gideaba ghaadaayi mwadoabiiwa, gideaba ghaayaachchi siida ghealooniga nea meeng'oorsiina ng'asheega siihaaktaawa.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Datooga New Testament © Bible Society of Tanzania, 2009.