Tsiqeeq 95
95
Tsiq eeq 95
Heeqphaq Miqyail bhai tsiq eeq khi nal daiq nail ganl
1Lal yaoq.
Heeqphaq Miqyail bhai tsiq eeq tsiq heel bhel.
Ngadao bhai hevq kovq lavq-a nail lovphail bhai
lavqkhiq teevq tsail gul bhel.
2Tsiq eeq tsiq eeq ail
aivq nail sivtavq bhai aol lai bhel.
Lavq khiq teevq tsail
tsiq eeq nail daoqsel gul gil bhel.
3Khul khi mail dai ngal-aq
Heeqphaq Miqyail neq
bhaqaoq eeq nail Miqyail pevq khi
miqyail juq iqsanl nail kovtavq bhai
bhaqaoq eeq jaiq nail Heeqphaq pevq nail ngaol.
4Aivq neq
navq dee dee nail miltsaq daoqthaoq nee mail
moe dee dee nail gaoqjaoq uqhuq bha kev dai
miltsaq teevq heeq heeq lao bhai
uv thaiq nail ngaol.
5Aivq neq
aivq-i mail teivq-ai thaq nail
iqyaq iqma bhai maqkhaiq
aivq nail aqlavq-i mail
lav sav-ai thaq nail miltsaq aqgee bhai maqkhaiq
uv thaiq nail ngaol.
6Lal yaoq.
Aivq bhai gaol beiv khi uqhuq thaoq bhel.
Ngadao bhai teivq lavq-a nail
Heeqphaq Miqyail nail sivtavq bhai
peevqceevq kovdoiq doiq bhel.
7Khul khi mail dai ngal-aq, aivq neq
ngadao nail Miqyail pevq nail ngaol.
Ngadao juq neq
aivq-i mail hel daiq phail lavq khi
bhi jaq bhi daol lavq-a nail yaol juq pevq nail ngaol.
Aivq-i mail ge nail daoq bhai
yaq n n-gaol nal daiq gil yaoq.
8Heeqphaq Miqyail niail hai ge nail ngaol:
"Mal daq tsalhail dai khaoq bhai jiav nail
Meiq lil bhaq dai khul nail
ulcuvq eel bev aqjail bhai
nul juq nail aqphiq aqbhal juq-i mail
neema gaol-a nail khe-ai
nul juq neema thaq gaol.
Aq-u n-gaol, aqyu juq-i mail
nl-a nail khe-ai, thaq nl.
9Aqyu juq neq
aqyu juq nail haqbhoil
ngaq-i mail nl-a nail juq bhai
ya moel gaq khi ngaol-aoq
jaol duq al dao bhai
ngaq-ai laonq daiq-a nail ngaol.
10Ngal liq tsel kovq bhee dai
aqyu juq bhai neema phail khi
niail hai ge-a nail ngaol:
'Aqyu juq neema lavqkhoel bhai
khaq mao iqsanl laiq ail khi
ngaq nail gailkhaol bhai
maq heeq nia-ail' dai, ge-a nail ngaol.
11Al heel ngel-i mail
ngal aqyu juq bhai
neema phail nail lavqkhoel nee
'Nul juq ngaq nail gaq naq naq duq bhai
teevq thal-iq maq ya aol lai ail' dai
ge ceiv bhiq-a nail ngaol" dai
ge bhiq-a nail ngaol.
Currently Selected:
Tsiqeeq 95: aeu
Highlight
Copy
Compare
Share
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
