YouVersion Logo
Search Icon

Tsiqeeq 3

3
Tsiq eeq 3
Heeqphaq Miqyail bhai gul khi hal-a nail ganl
Daoqsel gul nail juq nail aqivq gaq bhai bhi heeq nia nail galduq: Daq bhil aivq nail yaqyov Aq bhaq saq loq bhai tsaoq thail thaiq-u phao khe geeqlaoq hal-a nail ganl
1Heeqphaq Miqyail-ol
ngaq bhai neejiav jiav nail tsaol-aq
mao dee dee khi
ngaq bhai genl dev movq nail tsaol-aq iqsanl
mao dai jaol nail ngaol.
2Miqyail neq
ngaq bhai maq tsao jao-ai lavq ail dai
tsaol-aq mao dai ge nail ngaol.
3Thail hai ngaol-aoq
Heeqphaq Miqyail-ol, naol neq
ngaq nail doeq daq duq pevq khi
ngaq nail seiqleiq khaoqsail iqsanl pevq nail ngaol.
Al ovqtavq
ngaq bhai tsiq thul lavq-a nail gaq iqsanl
pevq nail ngaol.
4“Tsao jao-ai lavq yaoq” dai, ngal gul-u phao
aivq nail meeq nail haol nail
gaoqjaoq kovtavq bha jaol nail
Heeqphaq Miqyail ge kovq lavq-a nail ngaol.
5Ngal iq thaiq kol laivq khi
nqbhaq bhaq lal-u phao kev dai
Heeqphaq Miqyail ngaq bhai
hel daiq phail nail ngaol.
6Ngaq bhai neejiav jiav nail tsaol-aq
genl dev nail dai khi, aqhinl aq meel-nvq gaq
jaol jaoq lee khi ngaol-aoq, ngal maq gee sil.
7Heeqphaq Miqyail-ol, thul lal yaoq.
Ngaq nail Miqyail-ol, hevq kovq lavq yaoq.
Ngaq bhai neejiav jiav nail tsaol-aq bhai
bhaq bha nee mail naol teiv kav-aivq laivq khi
haqeiv nail juq nail aqhaoq iqsanl mail
teiv kha bhiq gil nail ngaol.
8Hevq kovq nail phaq dov lee nail aqduq neq
Heeqphaq Miqyail jaol nail nee ngaol.
Naoq nail tsaol-aq iqsanl nail kovtavq bhai
naoq nail geeqlaoq kev lee dei-eiq.

Currently Selected:

Tsiqeeq 3: aeu

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy