Tsiqeeq 2
AEU

Tsiqeeq 2

2
Tsiq eeq 2
Miqyail-i mail tsel dov-ai thaq nail Heeqphaq
1Khul khi mail jeq-e jaq-a juq
nl khoiq khoiq nail dai, lainq-ai thaq nail-aiq.
Khul khi mail tsaol-aq yaq juq
maq nl pevq nia nail
haq eiv nail phaq nl nail dai
maoq bhaoq nl thail thaiq nail-aiq.
2Heeqphaq Miqyail bhai maq khaiq
aivq-i mail aq tseel hoel dav khi
tsel dov-a nail heeq phaq bhai maq khaiq
mil tsaq khe heeq phaq juq lainq khi mail
uv thaiq nail juq haq eiv nail phaq nl nail dai
maoq bhaoq nl nail ngaol.
3Aq yu juq neq
"Aq yu nvq gaq uv thaiq nail lavq khoel nee
tsaoq jel khi, aq yu nvq gaq-i mail
phee thaiq-ai thaq nail neeq tsaq bhai
dev ceiv naol" dai, ge nail ngaol.
4Thail hai ngaol-aoq
nq tavq kov tavq bhai uv thaiq nail gaq
hel sil nail ngaol.
Al ovq tavq
Heeqphaq Miqyail aq yu juq bhai
khal ge movq ail ge bhiq nail ngaol.
5A bhai nee ngal-aq, aivq aq yu juq bhai
nee ma phail nail lavq khoel nee khaq khi
aivq-i mail nee ma phail nail phaq
aq yu juq bhai bhi gee sil dee dee lal bhiq nail ngaol.
Aivq ge nail:
6"Ngaq nail meeq nail haol nail gaoq jaoq
Yeel ovq gaoq jaoq niil jaoq bhai
ngaq-i mail tsel dov-ai thaq nail heeq phaq bhai
ngal tsiq dav nail ngaol" dai, ge nail ngaol.
7Heeqphaq Miqyail-i mail
noeq cov-ai thaq nail phaq bhai
ngal mil khaoq doi dai, cavq gaiq nail ngaol.
Aivq-i mail ngaq bhai
ge lavq-a nail daoq neq, nial hai ngaol:
"Naol neq, ngaq nail yaq yov pevq nail ngaol.
Yanq gaol ngal naoq bhai bhao-a nail ngaol.
8Naol ngaq bhai hal yaoq.
Hal haq neq, mil tsaq khe
jeq-e jaq-a iq sanl khi mail
mil khaoq juq iq sanl
nq jail mil jail bha kev dai
ngal naoq bhai bivq gil naol.
9Naol aq yu juq bhai
hail hail khaoq-i mail deeq khi
deeq khoi deeq loi bhiq nail nee ovq tavq
mel del deeq pav nail khe-ai
deeq pav deeq sav khi
bhi ga nail ngaol" dai, ge bhiq-a nail ngaol.
10Al heel ngel-i mail, heeqphaq juq-ol
nee noeq nee kha aol yaoq.
Mil tsaq kov tavq bhai uv thaiq nail juq-ol
sav tivq bivq nail daoq bhai nal daiq yaoq.
11Nul juq gee sil khi ev nail
nee ma aol nail lavq khoel nee
Heeqphaq Miqyail nail ganl nl yaoq.
Gee sil khi aq juq juq nail lavq khoel nee
Miqyail nail siv tavq bhai lavq khiq tsail khi
12aivq nail yaq yov bhai daoq tsaoq phuq yaoq.
Maq phuq haq neq
aivq nee ma phail nail phaq kev lee khi
nul juq ya luq ya seil gil ail nail ngaol.
Khul khi mail dai ngal-aq neq
aivq lavq tsail mail nee ma phail lal nail ngaol.
Thail hai ngaol-aoq
aivq bhai juq nail juq iq sanl mail
geeq laoq eeq nail ngaol.

© Wycliffe Bible Translators, Inc. All rights reserved.


Learn More About Akeu (Gaolkheel)

Encouraging and challenging you to seek intimacy with God every day.


YouVersion uses cookies to personalize your experience. By using our website, you accept our use of cookies as described in our Privacy Policy.