Tsiqeeq 21
21
Tsiq eeq 21
Gaq lai-a nail bhaq da nee tsiq eeq nail daoq
Daoqsel gul nail juq nail aqivq gaq bhai bhi heeq nia nail galduq: Daq bhil nail daoqsel.
1Heeqphaq Miqyail-ol
naoq-i mail gaq bivq-a nail ngel-i mail
heeqphaq lavqkhiq tsail thail thaiq nail ngaol.
Gaq lai nail phaq bivq-a nail ngel-i mail
aivq lavqkhiq tsail dee dee nail ngaol.
2Aivq nail neema lavqkhoel bhai
khal oil movq nail phaq
naol aivq bhai bivq bhee bhiq khi
aivq nail hal daoq bhai
ge kovq bhiq-a nail ngaol.
3Eeq dee meeq dee dee nail geeqlaoq
aivq jaol nail bha naol oil leevq khi
heel uq tsaoq bhi tsaoq-a nail ngaol.
4Aivq naoq bhai
yeel bhao nail geeqlaoq hal-u phao
yeel bhao nail geeqlaoq bivq-a nail ngaol.
Al ovqtavq
maq gil lai nail doevq nail phaq iqsanl
bivq-a nail ngaol.
5Naoq-i mail
tsao jao-ai bhiq-a nail ngel-i mail
aivq aqmil dov nail ngaol.
Naol aivq bhai seiqleiq khaoqsail eeq nail phaq khi
eeq dee heel dee dee nail bhaqaoq eeq nail phaq
bivq-ai thaq nail ngaol.
6Naoq nail geeqlaoq aivq nee mail
nqmaq maqluv halyeel jiav khi
naol aivq nee mail jaol nail ngel-i mail
aivq lavqkhiq tsail nail bhee nail ngaol.
7Heeqphaq Miqyail bhai
heeqphaq neema thaq tsaol nail ngaol.
eeq jaiq heel jaiq nail gaq
gaoq haq goil gaiq-a nail bhaq da nee
aivq neema ivq dao dai thul phaol nail ngaol.
8Heeqphaq neq
aivq bhai neejiav jiav nail
tsaol-aq juq iqsanl bhai
aivq nail aqlavq-i mail nieivq miv gil khi
aivq bhai bhe nail tsaol-aq juq bhai iqsanl
aivq nail lavqmal lavq-i mail
nieivq miv gil nail ngaol.
9Heeqphaq lee-u phao
kav dee dee nail miqjaq-i mail
aqyu juq bhai lav cov bhiq nail ngaol.
Heeqphaq Miqyail
neema phail dee dee nail lavqkhoel nee
aqyu juq bhai lav cov nail nee ovqtavq
miqjaq-i mail bhi poiv jaq gil nail ngaol.
10Heeqphaq neq
aqyu juq nee mail yavq kha lee thaq nail yaq juq
teevq gaq ail maq bhi jel-ail dai
miltsaq nee mail lav peivq gil bhiq khi
aqyu juq nail yaq juq bhai iqsanl
tsaol-aq yaq juq nail lavqkhoel nee
lav peivq gil bhiq nail ngaol.
11Heeqphaq bhai goiqbhaoq bhaoq khi
haqeiv nail phaq nl kovq nail dai
maoq bhaoq nl khi ngaol-aoq
aqyu juq maq nl pevq nia-ail.
12Heeqphaq-i mail
aqyu juq nail maivphaoq bhai
heeqnav tsiq maoq-u phao,
ya tsaoq kovq gil aivq nail ngaol.
13Heeqphaq Miqyail-ol
naol gaq kav nail ngel-i mail
naoq bhai tsiq eeq nail ngaol.
Naoq nail bhaqaoq bhai
nv juq gul khi tsiq eeq nail ngaol.
Currently Selected:
Tsiqeeq 21: aeu
Highlight
Copy
Compare
Share
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
