Tsiqeeq 19
19
Tsiq eeq 19
Daoqsel gul nail juq nail aqivq gaq bhai bhi heeq nia nail galduq: Daq bhil nail daoqsel
Miqyail nail khil yal lavq yal
1Miqyail nail seiqleiq khaoqsail bhai
nqtavq-i mail bhaq laoq kheq dai
phao daiq bhiq khi
aivq nail khil yal lavq yal bhai
nqtavq bhai joe pheeq-ai thaq nail phaq-i mail
teevq bhee phao daiq-ai bhiq thaq nail ngaol.
2Yaoq n yaoq-ao nee
phao daiq thail thaiq khi
yaoq kivq yaoq-ao nee
cavq naq lavq thail thaiq nail ngaol.
3Tsaol-aq yaq nail daoq khe-ai
daoq teevq daoq iqsanl maq ge dov dai
aqthel iqsanl
meel nail maq ya gaiq khi ngaol-aoq
4milkhaoq doi dai aqthel dov khi
nq jail mil jail bha kev dai, gaiq kev nail ngaol.
Miqyail neq
nlma nqtavq bha bhi jiav nail dai khi
ilkhaol cov bhiq-a nail ngaol.
5Nl ma neq
khaqma hevq-a nail yaqyov-aq
aivq nail ilkhaol nee
dov lal-a nail khe-ai, dov lal khi
gaq aol nail yaqyov-aq tsaoq nail khe-ai
lavqkhiq tsail tsail ail
tsaoq dol lavq-a nail ngaol.
6Nq jail nee iqmoeq dov lal khi
mil jail bha kev dai, ail kev-a nail ngaol.
Aivq nail aqbhaq aqlaol laol dee dee nail bhai
tsaoq uvq nia nail
khul teevq phaq iqsanl maq jiav-ail.
Heeqphaq Miqyail nail aolthaq kovqthaq
7Heeqphaq Miqyail nail
aolthaq kovqthaq neq
bhee dee dee nail aolthaq kovqthaq pevq khi
neema bhai gaq bhi aol lal nail ngaol.
Heeqphaq Miqyail-i mail
cavq bhiq cov bhiq-a nail daoq neq
saljial ivq khi
maq heeq maq nia nail tsaol-aq bhai
neenoeq neekha bivq nail ngaol.
8Heeqphaq Miqyail
aivq nail ya tsao the nail ganl juq neq
tsaq nail phaq pevq khi
neema bhai lavqkhiq bhi tsail lal nail ngaol.
Heeqphaq Miqyail-i mail
bivq-a nail daoq juq neq
haol dee dee nail daoq pevq khi
maivneev bhi moel haol lal nail ngaol.
9Heeqphaq Miqyail bhai gee sil khi ev nail phaq neq
meeq nail haol nail teevq phaq pevq khi
nqmaq maqluv halyeel ivq nail ngaol.
Heeqphaq Miqyail nail aolthaq kovqthaq neq,
mal dil tsaq khi tsaq nail daol nail phaq
teevq bhee aol nail ngaol.
10Haol taiv dee heel juq nee maq tsil
phoiq jaiq dee dee khi
bhaiqtsil bhaiqeel nee maq tsil
bhaiq tsil eel puv nee jaiq dai
tsil jaiq nail ngaol.
11Aol thaq kovq thaq al bhaq da nee
naoq nail yaqkav yaol phaol kivq lal khi
al juq bhai nal daiq-u phao
geeqlaoq bhao jaiq lal-a nail ngaol.
12Thail hai ngaol-aoq
yovqgavq nail oeqbal
heeq duq nia nail tsaol-aq
teevq gaq iqsanl maq jaol-ail.
Miqyail-ol, ngal maq moel kivq nail
ngaq nail oeqbal bhai tsiq haol lavq yaoq.
13Heeq nia heeq nia-ail
oeqbal nl nail phaq bhai
maq ya nl laiq dai, hel daiq phail lavq khi
oeqbal-i mail thaq bhi uv thaiq lavq.
Al hai khi-aq neq, ngal meeq lal bhee lal khi
oeqbal thaq duq maq jiav-ail.
14Heeqphaq Miqyail-ol
ngaq nail lovphail-ol
ngaq bhai ul kovq lavq-a nail gaq-ol
ngaq nail moeqthaoq-i mail ge nail daoq khi
ngaq nail neema lavqkhoel khe
noeq nail phaq bhai, hav bhoel lavq yaoq.
Currently Selected:
Tsiqeeq 19: aeu
Highlight
Copy
Compare
Share
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
