Popular Bible Verses from Tsiqeeq 19

Share

Heeqphaq Miqyail-ol ngaq nail lovphail-ol ngaq bhai ul kovq lavq-a nail gaq-ol ngaq nail moeqthaoq-i mail ge nail daoq khi ngaq nail neema lavqkhoel khe noeq nail phaq bhai, hav bhoel lavq yaoq.

Heeqphaq Miqyail nail aolthaq kovqthaq neq bhee dee dee nail aolthaq kovqthaq pevq khi neema bhai gaq bhi aol lal nail ngaol. Heeqphaq Miqyail-i mail cavq bhiq cov bhiq-a nail daoq neq saljial ivq khi maq heeq maq nia nail tsaol-aq bhai neenoeq neekha bivq nail ngaol.

Miqyail nail seiqleiq khaoqsail bhai nqtavq-i mail bhaq laoq kheq dai phao daiq bhiq khi aivq nail khil yal lavq yal bhai nqtavq bhai joe pheeq-ai thaq nail phaq-i mail teevq bhee phao daiq-ai bhiq thaq nail ngaol.

Heeqphaq Miqyail aivq nail ya tsao the nail ganl juq neq tsaq nail phaq pevq khi neema bhai lavqkhiq bhi tsail lal nail ngaol. Heeqphaq Miqyail-i mail bivq-a nail daoq juq neq haol dee dee nail daoq pevq khi maivneev bhi moel haol lal nail ngaol.

Heeqphaq Miqyail bhai gee sil khi ev nail phaq neq meeq nail haol nail teevq phaq pevq khi nqmaq maqluv halyeel ivq nail ngaol. Heeqphaq Miqyail nail aolthaq kovqthaq neq, mal dil tsaq khi tsaq nail daol nail phaq teevq bhee aol nail ngaol.