Tsiqeeq 17
17
Tsiq eeq 17
Oeqbal maq aol nail tsaol-aq teevq gaq nail geeqlaoq hal daoq
Daq bhil nail geeqlaoq hal daoq
1Heeqphaq Miqyail-ol
tsaq nail daol nail phao jaol khi
ngal gul nail bhai nal daiq lavq yaoq.
Goiq bhaoq maq bhaoq kivq nail
ngaq nail moeqthaoq nee
geeqlaoq hal nail daoq bhai nal daiq lavq yaoq.
2Ngal oeqbal maq aol ail dai
ngaq nail haqbhoil yalkhaq dal lavq yaoq.
Naoq nail maivneev neq
tsaq nail phaq bhai
hel daiq moel lavq yaoq.
3Ngaq nail neema bhai
tsao tsel duq lee yaoq.
Nqkiv phao ngal jaol nail bha lee daiq yaoq.
Ngaq bhai laonq daiq lee yaoq.
Ngal haqeiv nail phaq maq aol nail bhai
naol ya heeq duq nail ngaol.
Daoq doil ge nail thail nail haqbhoil
ngaq nail moeqthaoq bhai ngal maq yuq.
4Tsaol-aq yaq-i mail nl nail khe-ai
ngal maq nl dai
naoq nail daoq bhai nal daiq khi
haqeiv nail juq nail gailkhaol nee
yaol phaol jel-a nail ngaol.
5Naoq nail gailkhaol bhai ngal tsao khi
teevq thal-iq maq pav ail daiq haq-al.
6Geeq laoq hal daoq bhai
nal daiq lavq nail ngel-i mail
Miqyail-ol, naoq bhai ngal hal nail ngaol.
Al heel ngel-i mail
nia phao tsiq phaol-aivq leevq khi
ngaq nail hal daoq bhai nal daiq lavq yaoq.
7Hevq kovq nail gaq-ol
naoq-i mail noeq-u maq dov nail
gaoq haq goil gaiq-a nail phaq
bhi moel lavq yaoq.
Naol naoq nail lavqmal lavq-i mail
naoq bhai juq nail juq bhai
aqyu juq-ai neejiav jiav nail juq nail
kov-uvq nee hevq kovq nail ngaol.
8Yovqgavq nail maivneev bhai yovqgavq
hel daiq phail nail khe-ai
naol ngaq bhai hel daiq phail lavq yaoq.
Naoq nail aqdaol iq govq-ai
naol ngaq bhai tsiq uvq lavq yaoq.
9Ngaq bhai genl dev lee nail dai khi
haqeiv nail juq khi
ngaq bhai heivq movq nail juq
ngaq bhai maq bhi moel dai
tsiq uvq lavq yaoq.
10Aqyu juq neq
gaoq haq gaiq-a nail neema maq aol dai
khal ge movq ail khaoqsail he nail daoq
ge lal nail ngaol.
11Ngaq nail aqkhil phaq yal
haoqnao tsao thel leevq khi
ngaq nail teevq jaoq jaol jaoq-a nail ngaol.
Ngaq bhai miltsaq-ai bavq ha nail dai
maivneev hel daiq cov khi
phaonq daiq nail ngaol.
12Aqyu juq, al laq jaq sil khe-ai
ngaq bhai he pav he sav nail dai khi
jiavbuv bhai tsaoq uvq khi
lovq thail thaiq nail ngaol.
13Heeqphaq Miqyail-ol, thul lal yaoq.
Aqyu juq jaol nail bhai lee khi
genl dev gaq lee yaoq.
Naoq nail thaoma-i mail
haqeiv nail juq bhai genl dev lee khi
ngaq bhai hevq kovq lee yaoq.
14Miltsaq kovtavq-ai
yovqgavq nail nee noeq teevq loi
doevq nail juq nail lavqkhoel nee
naoq nail aqlavq-i mail
ngaq bhai hevq kovq lee yaoq.
Aqyu juq nail haqbhoil lainq-ai thaq nail
khoeq nail jiovq nail phaq bhi kev lee yaoq.
Aqyu juq nail
yaqmiq yaqyov juq taivq-ail maq ngel nail
aqjievq liqdee bha kev dai
maq bhi jel-ail dai, nl kev bhiq yaoq.
15Thail hai ngaol-aoq
ngal oeqbal maq aol nail ngel-i mail
naoq nail maivphaoq bhai
ya moel nail ngaol.
Ngal iq noeq noeq lal-u phao
naol ngaq-ai nee jaol nail ngel-i mail
neekhaol sil dee dee nail ngaol.
Currently Selected:
Tsiqeeq 17: aeu
Highlight
Copy
Compare
Share
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
