Tsiqeeq 15
15
Tsiq eeq 15
Miqyail oil movq nail phaq
Daq bhil nail daoqsel
1Heeqphaq Miqyail-ol
naoq nail uqhuq thaoq nail
saiqgov gov ma lavqkhoel bhai
khaq sil gaq aol lai nail ya nail-aiq.
Naoq nail meeq nail haol nail
gaoqjaoq nail kovtavq bha
khaq sil gaq jaol kivq nail-aiq.
2Oeqbal thaq duq maq jiav nail tsaol-aq
tsaq nail daol nail phaq nl nail tsaol-aq
neema lavqkhoel nee
mal dil tsaq nail daoq ge nail tsaol-aq
3daoq doil maq ge nail tsaol-aq
yu bhai maq nl laiq nail tsaol-aq
yovqgavq nail aqjail bhai
jaol nail juq nail ganl bhai ge doil khi
maq bhi haq sil nail tsaol-aq
4Miqyail-i mail khaonq ha nail
haqeiv nail juq bhai bhe nail tsaol-aq
Miqyail bhai ev nail juq bhai
thaq eeq thaq heel bhiq nail tsaol-aq,
yovqgavq-i mail saljial jaq-ai thaq nail phaq bhai
haq khi ngaol-aoq
maq phal lal dai ivq nail tsaol-aq
5jailjeq oil jaq nail maq bhao dai
bivq bhiq phal bhiq nail tsaol-aq
oeqbal maq aol nail bhai
khoeq bhiq nail dai khi
yu-i mail bivq nail phaq bhai
maq hav bhoel nail tsaol-aq.
Al hai nl nail tsaol-aq neq, teevq thal-iq
maq luv maq lav lal dai, ya ivq nail ngaol.
Currently Selected:
Tsiqeeq 15: aeu
Highlight
Copy
Compare
Share
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
