Tsiqeeq 114
114
Tsiq eeq 114
Bhaqsaqkhaq aqbhee nail daoqsel
1Yaqkov nail jeq-e jaq-a juq pevq nail
Ilsaqleiqlav nail tsaol-aq juq
yu nail milkhaoq pevq nail
Iljiltuv milkhaoq nee mail dov ail-u phao
2Yuldav nail jeq-e juq neq
Miqyail nail meeq nail haol nail tsaol-aq juq
pevq lal-a nail ngaol.
Ilsaqleiqlav nail jeq-e juq neq
Miqyail-i mail uv thaiq nail tsaol-aq munl juq
pevq lal-a nail ngaol.
3Iqyaq iqma aqnel neq
aqyu juq bhai ya moel-u phao
tsaoq peil-aivq-a nail ngaol.
Yaoldaq laoljaol iqsanl, il kol laivq-a nail ngaol.
4Gaoqjaoq jaoq ma juq neq
civqmeiv khe-ai maqkhaiq
gaoqjaoq jaoq yaq juq neq
yaol khe-ai maqkhaiq
tsaoq dil-a nail ngaol.
5Iqyaq iqma aqnel-ol, khul khi mail tsaoq nail-aiq.
Yaoldaq laoljaol-ol, khul khi mail
il kol laivq-a nail-aiq.
6Gaoqjaoq jaoq ma juq-ol
khul khi mail civqmeiv juq khe-ai
tsaoq dil nail-aiq.
Gaoqjaoq jaoq yaq juq-ol
khul khi mail yaol juq khe-ai
tsaoq dil-a nail-aiq.
7Miltsaq-ol
Yaqkov nail Heeqphaq Miqyail nail sivtavq bhai
aqjuq juq khi jaol yaoq.
8Aivq neq, lovmav lov yal bhai
ngaqkha bhi pevq-ail khi, lovphail bhai
laoljaol bhi pevq ail-a nail ngaol.
Currently Selected:
Tsiqeeq 114: aeu
Highlight
Copy
Compare
Share
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
