Марко 2
2
Исус исцелува фатен човек
(Мт 9,1-8; Лк 5,17-26)
1 #
1,29
По неколку дена, Тој пак дојде во Капернаум; и се чу дека е в куќи. 2#3,20; Дела 4,29.31; 8,25Веднаш се собраа мнозина, така што и пред вратата не можеа да се сместат; а Тој им го објавуваше Словото. 3И дојдоа кај Него со еден фатен, кого го носеа четворица; 4па, бидејќи не можеа да се приближат до Него од народот, го открија и го пробија покривот од куќата, каде што беше Тој и ја спуштија постелката, на која лежеше фатениот. 5#5,34.36; Лк 7,48А Исус, кога ја виде нивната вера, му рече на фатениот: „Синко, ти се простуваат гревовите твои!“ 6Таму седеа некои од книжниците и си помислија во срцата свои: 7#Ис 43,25; Пс 103,3; 1 Јн 1,9„Што хули Овој на Бога? Кој друг може да простува гревови, освен единиот Бог?“ 8#Мт 12,25Исус, веднаш штом дозна со Својот дух дека тие така мислат во себе, им рече: „Зошто го помислувате тоа во срцата свои? 9Што е полесно да му кажам на фатениот: ‚ти се простуваат гревовите‘, или да речам: ‚дигни се, земи ја постелката своја и оди‘? 10#Мт 8,20Но за да знаете дека Синот Човечки има власт на земјата да ги простува гревовите“ – му рече на фатениот – 11„Тебе ти велам: стани, земи ја постелката своја и оди си дома!“ 12#Мт 5,16; 9,8.33; Рим 15,6.9; 1 Кор 6,20; 1 Птр 2,12; Откр 15,4И тој стана веднаш, па, штом ја зеде постелката, се појави пред сите – така што сите се восхитуваа и Го славеа Бога, велејќи: „Никогаш вакво нешто не сме виделе!“
Исус го повикува Левиј и ги прифаќа грешниците
(Мт 9,9-13; Лк 5,27-32)
13 #
1,22; 3,7-8; 6,2 И излезе Исус пак покрај морето, и сиот народ доаѓаше кај Него, и Тој ги поучуваше. 14#Мт 9,9; Лк 5,27-29; 9,59И кога одеше, го виде Левиј Алфеев, кој седеше во царинарницата и му рече: „Врви по Мене!“ Тој стана и тргна по Него. 15#Мт 11,19; Лк 7,34#Мт 5,46А кога седеше Исус на трпезата во неговата куќа, заедно со Него седеа и учениците Негови, и многу цариници и грешници; зашто тие беа мнозина и врвеа по Него. 16Книжниците и фарисеите, штом Го видоа како јаде со цариници и грешници, им рекоа на учениците Негови: „Зошто Тој со цариници и грешници јаде и пие?“ 17#10,45Кога го чу тоа Исус, им рече: „Здравите немаат потреба од лекар, туку болните. Не сум дошол да ги повикам праведниците, туку грешниците (на покајание).“
За постот. Старото и новото
(Мт 9,14-17; Лк 5,33-39)
18 #
Мт 6,16; 11,2 Учениците на Јован и на фарисеите постеа. И приоѓаа некои, па Му велеа: „Зошто учениците Јованови и на фарисеите постат, а Твоите ученици не постат?“ 19#Мт 23,15Исус им рече: „Зар можат сватовите да постат кога младоженецот е со нив!? Додека е со нив младоженецот, тие не можат да постат; 20но ќе дојдат дни, кога ќе им го одземат младоженецот и тогаш, во тие дни, и тие ќе постат. 21Никој не крпи стара облека со нова крпа; инаку, новозашиената крпа ќе се отшие од старото, и отворот ќе биде уште поголем. 22#Јн 1,17; 2 Кор 5,17; Гал 1,6Никој не става ново вино во стари мевови; инаку, новото вино ќе ги расцепи мевовите и виното ќе истече, а мевовите ќе се упропастат; туку ново вино треба да се става во нови мевови.“
За саботниот ден
(Мт 12,1-8; Лк 6,1-5)
23 #
5 Мојс 23,26
И Му се случи во саботен ден да минува преку нивјето, и врвејќи, учениците Негови почнаа да кинат класје. 24#2 Мојс 34,21А фарисеите Му рекоа: „Гледај, зошто го прават учениците во сабота тоа, што не треба да се прави?“ 25Но Тој им рече: „Зар никогаш не сте читале што направи Давид, кога огладне тој и оние, што беа со него? 26#2 Мојс 25,30; 1 Сам 21,2-7; 2 Сам 15,35Како влезе во храмот Божји, во времето на првосвештеникот Авијатар, ги изеде приставените лебови од жртвеникот, што не требаше да ги јаде никој друг освен свештениците, па им даде и на оние, што беа со него!“ 27#2 Мојс 20,8-11; 31,14; 5 Мојс 5,12-14; Мт 12,11-12Потоа продолжи: „Саботата е создадена за човекот, а не човекот за саботата. 28#Мт 8,20Па така, Синот Човечки е господар и на саботата.“
Currently Selected:
Марко 2: MK2006
Highlight
Share
Copy
Want to have your highlights saved across all your devices? Sign up or sign in
© Библиско Здружение на Р. Македонија 2006
© Bible Society of the Republic of Macedonia 2006