Pulosay kágad pa Rumián 1

Salám o drót

1Cha Issá Masihay hezmatkár#1:1 Asligén Yunáni nebeshtánka gwashit: “golám”. Pulosay némagá, mane Pulos ke pa kásediá gwánk janag#1:1 Gwánk janag, bezán tawár kanag, lótháénag. o pa Hodáay wasshén mestágá#1:1 Mestág, bezán wasshén hál, bashárat. gechén kanag butagán, 2hamá wasshén mestág ke Hodáyá pésará wati nabiáni wasilahá, Pákén Ketábáni tahá eshiay wádah kortagat. 3-4É mestág áiay Chokk bezán may Hodáwandén Issá Masihay bárawá ent ke jesmi hesábá Dáuday poshpad ent. Wahdé cha mordagán jáhi jat, pák o palgár kanókén Ruhay barkatá Hodáay zórmandén Chokk zánag o jár janag but. 5Márá cha Masihay wasilahá é rahmat o kásediay kár rasetag ke pa hamáiay námaygi, sajjahén darkawmáni tahá anchén parmánbardárié byárén ke cha imáná kayt. 6Áyáni tahá shomá ham gón ét, shomá ke gwánk janag butagét ke Issá Masihay bebét.

7Pa Rumay hamá sajjahén mardomán ke Hodáyá dóst ant o áiay gwánk jatagén o palgártagén#1:7 “Palgártagén” hamá mardom ant ke gón Issá Masihay hóná cha wati gonáhán shódag o pák kanag butagant o é dhawlá pa Hodáyá dar chenag butagant. ant.

Cha may Hodáén Pet o Hodáwandén Issá Masihay némagá shomárá rahmat o émeni sar bát.

Pa Rumay sapará Pulosay wáhag

8Har chizzá pésar, man Issá Masihay barkatá pa shomá sajjahénán wati Hodáay shográ gerán, chéá ke shomay imánay hál sajjahén donyáyá sheng butag. 9Hamá Hodá ke man pa ján o del, gón áiay Chokkay wasshén mestágay sar kanagá áiay hezmatá kanán, á wat sháhed ent ke man wati dwáyáni tahá modám shomárá yáta kanán. 10Mani dwá ent ke godhsará, gón Hodáay razáyá shomay kerrá rasagá kámyáb bebán, 11chéá ke pa shomay didárá morádig án, tánke shomárá cha Pákén Ruhay némagá nyámaté bedayán ke shomárá mohr o mohkam bekant, 12bezán ke máshomárá cha yakdomiay imáná delbaddhi#1:12 Delbaddhi, bezán shábásh, sekén, tashwik. berasit, cha mani o shomay imáná.

13Oo brátán!#1:13 “Brátay” máná har báwarmand ent, mardén o janén. Mana lóthán shomá bezánét ke man báz randá erádah kortag ke shomay kerrá byáyán bale yakk na yakk moshkeléá maná dáshtag. Mani wáhag#1:13 Wáhag, bezán lóth, talab, hájat. at ke maná cha shomá ham bar o samaré berasit, hamá paymá ke maná cha á dega darkawmán rasetag. 14Man shahri o jangaliáni,#1:14 Asligén Yunáni nebeshtánka gwashit: “Yunáni o Barbaráni”. Yunáni shahri atant o barbar, bezán hamá kawm ke Yunáni zobánesh nazántag, á jangali zánaga butant. dáná o nádánáni wámdár án. 15Paméshká, mani del báza lóthit shomay kerrá ham ke Rumá nendók ét, wasshén mestágay járá bejanán. 16Parchá ke cha wasshén mestágá pashal o sharmendag naán, é Hodáay zór o twán ent ke har imána áróká nejáta dant, awalá Yahudi o randá darkawmán. 17Chéá ke wasshén mestágay tahá Hodáay rástáwari o ádeli záhera bit, hamá rástáwari ke awalá tán áherá cha imáná rasit, anchosh ke nebisag butag: “Hamá ke imánay barkatá rástáwar o bémayár#1:17 Palgár, bezán sáp o sallah, bepóleng. ent, hamá zendaga mánit.”#1:17 Yá: “Rástáwarén mardom imánay sará zenda gwázénit.” Habakuk Nabiay Ketáb 2:4.

Hodáay kahr o gazab

18Hodáay kahr o gazab cha ásmáná záhera bit o mardománi sajjahén hodánáparmáni o badkáriáni sará kapit, chéá ke mardom gón wati radkárián rástiá lagatmála kanant. 19Parchá ke á chizz ke Hodáay bárawá zánaga bant, pa áyán záher ant. Hodáyá á chizz pa áyán záher kortagant. 20Cha donyáay jórh kanagá beger tán annun Hodáay chér o andémén#1:20 Andém, bezán chér, póshidah. jawhar, bezán áiay abadmánén zór o Hodái tab o saresht#1:20 Tab o saresht, bezán zát, báten, jawhar. cha áiay jórh kortagén chizzán gendag o zánaga bit. Nun mardomán nimóné nést. 21Harchont ke áyán Hodá zánt, bale áiárá Hodái ezzatesha nadát o áiay shogresha nagept. Eshiay badalá, wati náhudagén#1:21 Náhudag, bezán bépáedag. pegr o hayáláni tahá gár butant o áyáni násarpadén del taháriá mán póshet. 22Harchont ke watá dánáesha gwasht, bale áyáni hódhi o ahmaki róch pa róch gésha but. 23Namiránén#1:23 Namirán, bezán hamá ke hechbara namerit. Hodáay shán o shawkatesh gón hamá botán sawdá kort ke hákién ensán o báli morg o chárpád o lápkassháni rang o dróshomá#1:23 Dróshom, bezán shekl, surat. atant. 24Paméshká Hodáyá mardom áyáni delay sell o badén wáhagáni tahá yalah kortant ke watmánwatá gón nápákiá wati jesmán béhormat bekanant. 25Áyán Hodáay rásti gón drógá sawdá kort o addh kanókay badalá, addh kortagénáni parastesh o hezmata kort, hamá addh kanók ke tán abad satá o saná karzit. Ámin.

26Paméshká Hodáyá ham áyáni sharmnákén hawá o hawasáni tahá á yalah kortant. Áyáni janénán wati aslén ráh o rahband yalah dát o náráhén nazzikkiay némagá shotant. 27Hamé paymá, mardénán gón wati janénán ráh o rahbandén nazzikki yalah dát o watmánwatá hawá o hawasáni ásá kaptant, mardénán gón mardénán sharmnákén kára kort o é gomráhiay allamén sezá áyáni jendá raset. 28Anchosh ke áyán Hodáay pajjáh árag arzesh nadát, hamé paymá Hodáyá bénangén pegr o hayáláni tahá yalah kortant tánke náráhén káráni tahá bekapant. 29Á cha har paymén badkári, gandagi, tamáh o badniyatiá sarréch butagant. Cha hasadd, hón o kósh, arh o korh, makkári o badwáhiá porr, mardománi báposhtá habar kanók, 30bohtám janók, cha Hodáyá naprat kanók, béadab, gorunák#1:30 Gorunák, bezán magrur, porkebr., batháki#1:30 Batháki, bezán hamá mardom ke gorrit, kasánén káré mazana kant o pésha dárit, mazangappia kant., badiay sázók, pet o mátay náparmán, 31násarpad, béwapá, bémehr o bérahm ant. 32Harchont ke á cha Hodáay barhakkén hokmá sahig ant ke choshén káráni kanók markay hakdár ant, bale angat na tahná á wat hamé kárána kanant, choshén káráni tahá degaráni ham poshta bant.

Currently Selected:

Pulosay kágad pa Rumián 1: HPKB

Highlight

Copy

Compare