Zabur 82
82
Nezóráni hakká begerét
Asápay Zabur.
1Hodá, wati Hodái bárgáhá barjam ent,
“hodáyáni” diwáná dádrasia kant.
2Tán kadén pa náensápi shawra borrét?
Tán kadén badkáráni badalá bét? Ósht...
3Nezór o chórhawáni dadrasiá bekanét o
garib o setam distagénáni hakká begerét.
4Nézgár o hájatmandán berakkénét o
cha badkáráni dastá ázát kanét.
5É “hodá” heccha nazánant o sarpada nabant,
taháriá sargardán ant o
zeminay sajjahén bonyád larzagá ant.
6Gwashton: “Shomá ‘hodá’ ét o
shomá sajjahén, borzén arshay Hodáay chokk ét,
7Bale mardománi paymá merét o
shahzádagáni paymá sarshakuna bét.”
8Oo Hodá! Jáh jan o zeminay dadrasiá bekan,
ke sajjahén kawm tai mirás ant.
Currently Selected:
Zabur 82: HPKB
Highlight
Copy
Compare
Share
Want to have your highlights saved across all your devices? Sign up or sign in
© 2015-2022, Wycliffe Bible Translators, Inc. and the Balochi Bible Translation Team. All rights reserved.
