Zabur 58
58
Hodá zeminay dádras ent
Pa sázger o washáwázáni sálárá. “Barbád makanay” tarzay sará. Dáuday shayr.
1Oo hákemán! Shomay bétawári náensápi naent?
Mardománi nyámá pa ensáp dádrasia kanét?
2Enna, wati delá béadlia sázét o
shomay dast zeminá petnah páda kanant.
3Badkárán cha mátay lápá wati ráh gár dátag o
cha pédáeshá gomráh o drógband ant.
4Áyán zahré mán ent chosh ke máray zahrá,
syahmáréay dhawlá ant ke góshi bastagant o
5hech paymá wati démá pa márgeráni áwázá natarrénit,
harchont ke ezm o honara kanant.
6Oo Hodá! Esháni dantánán mán dapá prósh.
Hodáwandá! É warnáén shéráni néshén dantánán cha boná dar kan.
7Tachókén ápáni paymá gár bátant,
wahdé kamána kasshant tiresh konth bátant o pad o nesháné maylátant,
8halazunay paymá ke gón rawagá ápa bit o
eshkand butagén chokkay paymá ke hechbar róchay rozhná nagendit.
9Cha eshiá pésar ke shomay déz konthagáni ásá bemárant, #58:9 Márag, bezán mahsus kanag. tarr bebant yá hoshk,
Hodáesh gár o gomsár kanát.
10Pahrézkár, bérá ke gendit, shádehia kant,
wati pádán mán badkáráni hóná shódit.
11Mardoma gwashant:
“Albat ke pa pahrézkárá mozzé hast,
Hodáé hast ke zeminay sará dádrasia kant.”
Currently Selected:
Zabur 58: HPKB
Highlight
Copy
Compare
Share
Want to have your highlights saved across all your devices? Sign up or sign in
© 2015-2022, Wycliffe Bible Translators, Inc. and the Balochi Bible Translation Team. All rights reserved.
