Zabur 53
53
Nékkáré nést
Pa sázger o washáwázáni sálárá. “Mahallátay”#53:0 Báwar esh ent ke Mahallát sázé yá muzikay yak gálé. tarzay sará. Dáuday shayri gwashtánk.
1Nádán wati delá gwashit:
“Hodáé nést.”
É palit ant o káresh bazhnák,
nékkáré nést.
2Hodá cha ásmáná bani ádamá chárit
tán begendit bárén dánáé hast
ke Hodáay shóházá ent.
3Sajjahénán Hodáay ráh gár dátag,
hórigá palit butagant,
nékkáré nést,
yakké ham nést.
4Badkár hech sarpada nabant?
É mani kawmá anchosha warant ke mardom nagana warant o
Hodáyá hech tawára nakanant.
5Ódá ke hech torsé nést
é sakka torsant,
chiá ke Hodá shomay angerr kanókáni haddhán sheng o shánga kant,
taw eshán sharmendaga kanay,
chiá ke Hodáyá á cha wat dawr dátagant.
6Kasé cha Sahyuná byáyát o Esráilá berakkénát.
Wahdé Hodá washbahtiá pa wati kawmá pera tarrénit,
Ákub gal o bála bit o Esráil shádehia kant.
Currently Selected:
Zabur 53: HPKB
Highlight
Copy
Compare
Share
Want to have your highlights saved across all your devices? Sign up or sign in
© 2015-2022, Wycliffe Bible Translators, Inc. and the Balochi Bible Translation Team. All rights reserved.
