Zabur 149
149
Pa Hodáwandá nókén sawté bejanét
1 Hodáwandá benázénét, Halléluyá.
Pa Hodáwandá nókén sawté bejanét o
áiá, áiay wapádáráni mocchiá benázénét.
2Esráil pa wati addh kanóká shádehi bekanát,
Sahyunay chokk pa wati bádsháhá gal bátant.
3Gón nách áiay námá satá bedayát o
áiá gón zháng o chang benázénátant.
4Chéá ke Hodáwand cha wati kawmá washnód ent,
á békebrán sóbmandiay tájá bakshit.
5Áiay wapádár gón é pahrá shádehi bekanát o
wati gandaláni tahá shádehiay sawt bejanátant.
6Hodáwanday satá o sanáesh dapá bát o
dodapén zahmesh dastá
7ke cha ráján bér begerant o
kawmán sezá bedayant,
8bádsháhánesh pa zamzil bebandant o
sardáránesh pa ásenén pádband,
9tánke hamá dadrasiá barjáh bekanant ke esháni helápá nebeshtah kanag butag,
é, áiay sajjahén wapádáráni shán ent.
Hodáwandá benázénét, Halléluyá.
Currently Selected:
Zabur 149: HPKB
Highlight
Copy
Compare
Share
Want to have your highlights saved across all your devices? Sign up or sign in
© 2015-2022, Wycliffe Bible Translators, Inc. and the Balochi Bible Translation Team. All rights reserved.
