Zabur 141
141
Mani delá mayl ke dém pa badkáriá berawt
Dáuday Zabur
1Oo Hodáwand! Tará tawára kanán, zutt pa man byá.
Wahdé tará tawára kanán, mani tawárá gósh dár.
2Mani dwá tai bárgáhá chó sóchokiá kabul bát o
mani chest butagén dast, bégáhay korbánigay paymá.
3Hodáwand! Pa mani dapá negahpáné bedár o
mani lontháni darwázagay dapá páspáni bekan.
4Mani delá mayl ke dém pa badkáriá berawt o
man badkáráni hamráhiá sellén kárán gón bebán,
maná áyáni washtámén chizzáni waragá mayl.
5Bell maná pahrézkáré shahmát bejant, é rahmé,
bell maná hakkal bedant, é pa mani sará rógené,
man cha eshiá enkára nakanán,
angat mani dwá, badkáráni káráni helápá bit.
6Esháni hákem, cha talárán jahlád dawr dayaga bant,
gorhá zánant ke mani habar sharr o rást ant.
7Gwashant: “Anchosh ke yakké zeminá nangára kant o derrit,
may haddh, mordagáni jahánay dapá sheng o sháng butagant.”
8Bale mani chamm tará sakk ant, Hodáwand, oo Hodáwand!
Tai mayára bán,
maná markay dastá maday.
9Maná cha hamá dámá berakkén ke badkárán chér gétkag,
cha áyáni talká.
10Badkár wat, wati dámán kapátant o
man pa salámati begwazátán.
Currently Selected:
Zabur 141: HPKB
Highlight
Copy
Compare
Share
Want to have your highlights saved across all your devices? Sign up or sign in
© 2015-2022, Wycliffe Bible Translators, Inc. and the Balochi Bible Translation Team. All rights reserved.
