Zabur 137
137
Hodáwanday sawtán chón jata kanén?
1Bábelay kawráni kashá,
má nesht o grét,
wahdé má Sahyun yát kort.
2Má drachkáni sará
wati soróz o chang dratkant,
3ke may bandig kanókán márá gwasht: “Sawt bejanét,”
ke may ázár dayókán cha má shádehiay sawt lóthet.
Gwashtesh: “Pa má cha Sahyunay sawtán yakké bejanét.”
4Má ke darándhéh én,
Hodáwanday sawtán chón jata kanén?
5Oo Urshalim! Agan man tará shamosht,
mani rástén dast wati honará beshamóshát.
6Mani zobán nokká belecchát
agan tará yát makanán o
agan Urshalimá wati masterén shádehi sarpad mabán.
7Oo Hodáwand! Yátá bedár
ke Urshalimay kapagay róchá Edumián ché kort.
“Próshéti” áyán gwasht,
“cha boná próshéti.”
8Oo Bábelay jenekk!#137:8 Bábelay jenekk, bezán Bábelay nendók. Taw zutt dém pa tabáhiá raway,
bahtáwar hamá ent ke tará sezá dant,
hamá chizzáni sezáyá ke taw gón má kortagant.
9Bahtáwar hamá ent ke tai chokkána zurit o
taláráni sará jant.
Currently Selected:
Zabur 137: HPKB
Highlight
Copy
Compare
Share
Want to have your highlights saved across all your devices? Sign up or sign in
© 2015-2022, Wycliffe Bible Translators, Inc. and the Balochi Bible Translation Team. All rights reserved.
