Zabur 132
132
Hodáwandá Sahyun gechén kortag
Dém pa Urshalimá borzád rawagay sawté.
1Oo Hodáwand! Dáudá yát kan o
áiay sakki o sórián.
2Gón Hodáwandá sawgendé wárti o
gón Ákubay zórmandén Hodáyá kawli kort o gwashti:
3-5“Tánke pa wati Hodáwand,
pa Ákubay zorákén Hodáyá lógé addh makanán,
wati jenday lógá narawán,
watá árám kanagá naylán,
chammán nazza nayárán,
mecháchán dhokkagá#132:3–5 Dhokkag, bezán dhikk warag, hór bayag. naylán.”
6Bechár, má Eprátahay shahrá ahd o karáray pétiay zegr eshkot o
Jáháray sardhagárá dar gétk.
7“Byáét áiay lógá rawén o
áiay pádáni padagay démá sojdaha kanén o gwashén:
8‘Hodáwand! Jáh jan o wati ásudagiay jágahá byá
gón wati zóray ahd o karáray pétiá.
9Tai dini péshwáyán pahrézkáriay póshák gwará bát o
tai wapádárén hezmatkár shádehiay kukkár bekanátant.”’
10Pa wati hezmatkár Dáudá bechár o
wati “rógen per moshtagéná”#132:10 Rógen per moshag, bezán pa bádsháhiá gechén kanag. dawr maday.
11Hodáwandá gón Dáudá sawgendé wárt,
kawlé korti o cha wati zobáná nabajjit, ke:
“Man cha tai óbádagán yakké
tai bádsháhi tahtá nádénán.
12Agan tai chokk, mani ahd o karáray sará bóshtant o
mani hamá rahbandáni randgiriá bekanant ke manesh sója dayán,
gorhá tai óbádag, tai bádsháhi tahtá nendant, tán abad.”
13Chéá ke Hodáwandá Sahyun dar chetag o
pa wati menendjáhá dósti butag, gwashtagi:
14“É mani árámjáh ent, tán abad.
Man hamedá wati bádsháhi tahtá nendán
chéá ke dóstona bit.
15Man eshiá barkata dayán o ábáda kanán,
eshiay garibán lápséra kanán.
16Man eshiay dini péshwáyán rakkagay pósháká gwará dayán o
eshiay wapádárén mardom pa shádehi kukkára kanant.
17Man edá pa Dáudá kánthé#132:17 Kánthay máná edá zórmandén mardomé, bezán bádsháhé. ródénán o
pa wati “rógen per moshtagéná” cherágé róka kanán.
18Eshiay dozhmenán, sharmsáriay pósháká gwará dayán o
eshiay sar gón drapshókén tájéá borza bit.”
Currently Selected:
Zabur 132: HPKB
Highlight
Copy
Compare
Share
Want to have your highlights saved across all your devices? Sign up or sign in
© 2015-2022, Wycliffe Bible Translators, Inc. and the Balochi Bible Translation Team. All rights reserved.
