Zabur 124
124
Hodáwanday nám may madat ent
Dém pa Urshalimá borzád rawagay sawté. Dáuday Zabur.
1“Agan Hodáwand gón má gón mabutén,”
Esráil begwashát:
2“Agan Hodáwand gón má gón mabutén
á wahdá ke mardomán may sará orosh o hamlah kort,
3áyán márá zendagá ér bortagat
wahdé hezhmesh may sará chest at.
4Á wahdá ápán márá ér bortagat,
hár o tuppáná márá mán roptagat,
5mastén ápán
márá rópán kortagat.”
6Hodáwandá satá bát
ke naeshti má esháni dantánáni shekár bebén.
7May zendi anchó rakként ke
báli morgé cha shekáriay dámá,
dám dert o má rakketén.
8Hodáwanday nám may madat ent,
ásmán o zeminay jórh kanókay nám.
Currently Selected:
Zabur 124: HPKB
Highlight
Copy
Compare
Share
Want to have your highlights saved across all your devices? Sign up or sign in
© 2015-2022, Wycliffe Bible Translators, Inc. and the Balochi Bible Translation Team. All rights reserved.
