Zabur 121
121
Mani komakk kanók Hodáwand ent
Dém pa Urshalimá borzád rawagay sawté.
1Chammán dém pa kóhá chesta kanán
maná komakk cha kojá rasit?
2Maná komakk cha Hodáwandá rasit,
hamá ke ásmán o zemini addh kortagant.
3Á naylit ke tai pád belakoshit,
á ke tai negahpániá kant wába nakapit.
4Haw, á ke Esráilay negahpán ent
nawapsit o wába nakapit.
5Hodáwand wat tai negahpán ent,
Hodáwand tai rástén némagá sáheg ent.
6Róch, tará róchá ázára nadant o
na máh, shapá.
7Hodáwand tará cha har badiá dura dárit,
tai zenday negahpán ent,
8Hodáwand tai har rawag o áyagay negahpán ent
annun o tán abad.
Currently Selected:
Zabur 121: HPKB
Highlight
Copy
Compare
Share
Want to have your highlights saved across all your devices? Sign up or sign in
© 2015-2022, Wycliffe Bible Translators, Inc. and the Balochi Bible Translation Team. All rights reserved.
