Dányál 1

Dányál o sangatáni gechén bayag

1Yahudáay bádsháh Yehóyákimay dawray sayomi sálá, Bábelay bádsháh Nebukadnezar átk o Urshalimi angerr kort#1:1 Angerr kanag, bezán chapp o chágerdá gerag, Pársiá “moháserah”.. 2Cha Hodáwanday razáyá Yahudáay bádsháh, Yehóyákimi prósh dát. Bádsháhay jend o Hodáay lógay lahtén darpi gón wat Bábelay sardhagárá,#1:2 Asligén nebeshtánka gwashit Shenáray sardhagárá. Shenár, Bábelay domi nám ent. wati hodáay lógá áwort o darpi wati hodáay lógay hazánagá ér kortant.

3Padá bádsháhá wati darbáray kármaster,#1:3 Asligén nebeshtánka gwashit: Gwahtagénáni kármaster. Hayál hamesh ent ke bádsháhay kár kanók gwahtag kanag butagant. Ashpenaz hokm dát ke cha Esráili chokkán lahtén anchén byár ke cha bádsháhi nasl o sharapmandén hándánán bebant, 4anchén warná ke hecch paymén badani aybesh mán mabit o rangá dhawldár bebant, har dhawlén hekmatá balad bayagay láhek, zántkár o zut‌pahm bebant o bádsháhay bárgáhá óshtagá bekarzant. Padá é warnáyán Bábelay Aramái zobán o labzánká#1:4 Labzánk, bezán adabyát. bwánén. 5Bádsháhá esháni har róchigén warák o sharáb#1:5 Pákén Ketábay tahá har jágah ke sharábay labz átkag, eshiay máná cha angurá jórh butagén sharáb ent ke Engréziá “wine” gwashaga bit. cha wati jenday warák o sharábá gechén kort o hokmi dát ke tán say sálá eshán sharr bwánénét o zántkár kanét o padá mani hezmatá bóshtárénét. 6Esháni nyámá cha Yahudáyá áwortagén Dányál, Hanániá, Misháél o Azaryá hawár atant. 7Darbáray kármasterá áyáná nókén nám per kort. Dányálay námi Beltesházar, Hanániáay Shadrak, Misháélay Mishak o Azaryáay Abednegó kort.

8Dányálá erádáh kort ke man watá gón sháhi warák o sharábán palita nakanán. Gorhá áiá gón darbáray kármasterá dazbandi kort ke agan taw razá dayay, man é warákána nawarán o watá palita nakanán. 9Nun Hodáyá kármasteray delá pa Dányálá mehr o hamdardi pédá kort, 10bale kármasterá angat gón Dányálá gwasht: “Maná cha wati wájahén bádsháhá torsit. Áiá wat pa shomá warák o sharáb gechén kortag. Agan á begendit ke shomá cha wati é dega hamsarókén warnáyán nezórter ét, gorhá? É paymá, shomá bádsháhay dastá mani sará borráénét.” 11Kármaster Ashpenázá pa Dányál, Hanániá, Misháél o Azaryáyá yakk apsaré dáshtagat. Dányálá gón hamé apsará gwasht: 12“Mehrabáni bekan o márá#1:12 Asligén Ebráni syáhaga gwashit: Wati nawkarán. Band sézdahá ham anchosh ent. tán dah róchá bechakkás#1:12 Chakkásag, bezán ázmáesh kanag, emtehán gerag. o bechár, bell ke márá pa waragá tahná sabzi o pa nóshagá tahná áp dayag bebit. 13Padá márá gón hamá warnáyán dém pa dém bekan o bechár ke sháhi warákán waragá ant. Agan má nezórter butén, randá gón má hamá paymá bekan ke tai dela gwashit.” 14Gorhá apsará áyáni habar mannet o tán dah róchá á chakkásetant.

15Dahén rócháni halásiá distesh ke á, cha é dega warnáyán jándráhter o pazzórter ant ke sháhi warákesh wártagat. 16Gorhá apsará sháhi warák o sharáb, cha áyáni waráká dar kortant o áyáná sabzia dát. 17É chárén warná, Hodáyá labzánk o hekmatay har paymén zánt o honar dayán kortant. Dányál har warhén elhám o shobén o wábáni mánáyá ham balad at.

18Gorhá bádsháh Nebukadnezaray gisshéntagén sayén sál ke sarjam butant, darbáray kármasterá é sajjahén warná áwort o bádsháhay bárgáhá pésh kortant. 19Wahdé bádsháhá gón áyán gapp o trán kort, disti ke dega kas Dányál, Hanániá, Misháél o Azaryáay paymá naent. Gorhá é chárén bádsháhay jenday hezmatá dárag butant. 20Bádsháhá harché ke jost kortant, disti ke é mardom har paymén hekmat o sarpadiá cha molkay sajjahén jáduger o sáherán dah sari#1:20 Dah sari, bezán dah barábar, dah randá, dah haminchok. sharter ant. 21Dányál, tán Kurosh bádsháhay dawray awali sálá hamódá mant.

Currently Selected:

Dányál 1: HPKB

Highlight

Copy

Compare