پولُسئے کاگد په رومیان 16

گُڈی درهبات

1من شمئے کِرّا مئےشمئے گُهار پیبیئے سپارشا کنان، که کِنْکْریَهئے شهرئے کلیسائے هِزمتکارے، 2تانکه په هُداوندئیگی، هما پئیما که پَلگارتگێنانی اَرزش اِنت، آییا بزورێت و وشّاتک بکنێت و هر کُمکّے که چه شما لۆٹیت په آییا بکنێت، چێا که آییا بازێن مردمێئے مَدت کرتگ و منی جندئے هم.

3پْریسْکیلَه#16‏:3 اَسلیگێن یونانی نبشتانکا ”پْریسْکا“ آتکگ، که پْریسْکیلَهئے گوَنڈ گپتگێن نام اِنت. و اَکویلایا سلام سر کنێت، که ایسّا مَسیهئے هِزمتا منی همکار اَنت. 4آیان په منی رکّێنگا وتی زِند هَترئے تها دئور دات. تهنا من نه، دَرکئومانی سجّهێن کلیسا هم آیانی مِنّتا گرنت. 5همے پئیما، هما کلیسائے مردمان هم منی سلامان برسێنێت که پْریسْکیلَه و اَکویلائے لۆگا په اِبادتا یکجاهَ بنت. منی دُردانگێن دۆست اِپئینێتوسا سلام سر کنێت. آ، آسیائے#16‏:5 اے کتابئے نبیسگئے وهدا، آسیائے مانا انّوگێن تُرکیَهئے رۆنندی نێمگ اَت. دَمگئے ائولی مَسیهی باورمند اِنت. 6مَریَما که په شمئیگی بازێن زهمتے کَشّتگ، سلام سر کنێت. 7منی سیاد#16‏:7 یا: هم‌مُلکی. آنْدْرونیکاس و یونیَه که منی همراهیا بندیگ اَتنت، آیان هم سلام سر کنێت. چه من و پێسر مَسیهئے سرا ایمانِش آورتگ و کاسد آیان شرّیا زاننت 8اَمْپْلیاتوسا سلام سر کنێت. آ په هُداوندئیگی منا سکّ دۆست اِنت. 9اوربانوسا که مَسیهئے هِزمتا مئے همکار اِنت، و منی دۆستێن سنگت اِسْتاکیسا سلام سر کنێت. 10اَپِلیسا که ایسّا مَسیهئے کار و هِزمتا مُدام اۆشتاتگ، و همے پئیما اَریسْتوبولُسئے لۆگئے مردمان سلام کنێت. 11منی سیاد#16‏:11 یا: هم‌مُلکی. هیرودیونا سلام سر کنێت، نارکیسوسئے لۆگئے هما مردمان که هُداوندئے سرا باورمند اَنت، سلام برسێنێت. 12بانُکێن تْریپینا و تْریپوسایا که په هُداوندا بازێن کارے کرتگِش و اَنچُش دۆستیگێن پِرسیسا که هُداوندئے راها باز هِزمتی کرتگ، سلام سر کنێت. 13روپُسا که چه هُداوندئے نێمگا گچێن کنگ بوتگ و آییئے ماتا که په من هم ماتئے پئیما اِنت، سلام سر کنێت. 14اَسینْکْریتوس، پْلیگون، هِرمِس، پاتْروباس، هِرماس و آ دگه براتان که گۆن آیان یکجاه اَنت، سلام برسێنێت. 15اَنچُش، پیلولوگُس، یولیَه، نیریاس و آییئے گُهار و اولیمپاس و سجّهێن پَلگارتگێنان سلام سر کنێت که گۆن آیان یکجاه اَنت. 16گۆن پاکێن چُکّگان یکدومیگا سلام سر کنێت. مَسیهئے سجّهێن کلیسایانی مردم په شما سلام دێمَ دئینت.

17او براتان! چه شما دَزبندیَ کنان، چه همایان هُژّار ببێت که ناتپاکی دئورَ دئینت و شُمئے دَر بُرتگێن تالیمانی هِلاپا، شمارا چه ایمانئے راها دَرَ کننت. چه چُشێن مردمان وتا دور بدارێت، 18چێا که اے پئیمێن مردم مئے هُداوندێن مَسیهئے هِزمتا نکننت، آ وتی لاپئے گُلام اَنت و گۆن وتی نرم و چرپێن زبانا سادگێن مردمان رَدَ دئینت. 19شمئے پَرمانبرداریئے نام و تئوار سجّهێنانی نیاما شنگ بوتگ و من چه شما وَشّ آن، بله لۆٹان که شما نێکیا پَجّاه بئیارێت و وتا چه بدیا دور بدارێت. 20سُهل و اێمنیئے هُدا همے زوتّان شئیتانا شمئے پادانی چێرا هورت و آرتَ کنت. مئے هُداوندێن ایسّا مَسیهئے رهمت گۆن شما گۆن بات.

21منی همکار تیموتاووس شمارا سلام کنگا اِنت. منی سیاد#16‏:21 یا: هم‌مُلکی. لوکیوس، یاسون و سوسیپاتِروس هم په شما سلام دێمَ دئینت.

22منِ تِرتیوس، اے کاگدئے کاتِب#16‏:22 کاتب هما مردم اِنت دگرانی هبر یا کتابان نبشتهَ کنت. چه هُداوندئے نێمگا شمارا سلام کنگا آن.

23گایوس که منی و کلیسائے سجّهێن مردمانی مهمانداریا کنگا اِنت، شمارا سلام کنگا اِنت. اے شهرئے هزانگئے کِلیتدار اِراستوس و مئے برات کْوارتوس شمارا سلام کنگا اَنت. 24مئے هُداوندێن ایسّا مَسیهئے رَهمت گۆن شما سجّهێنان گۆن بات. آمین.#16‏:24 لهتێن کوَهنێن دَزنِبشتا، بند 24‏ مان نه‌اِنت.

ستا و سنا

25نون هُدایا ستا و سنا بات، که چه منی اے وشّێن مِستاگ و ایسّا مَسیهئے کُلئوئے جارئے برکتا، شمئے ایمانا مُهر و مُهکم داتَ کنت. اے مِستاگئے راز کَرنانی کَرن چێر اَت، 26بله اَنچُش که نبیان پێشگۆیی کرتگ‌اَت، نون گۆن نمیرانێن هُدائے هُکم و پرمانا پاشک بوتگ، تانکه سجّهێن دَرکئوم ایمان بیارنت و هُدائے پرمانبردار ببنت. 27چه ایسّا مَسیهئے برکتا یکّێن داناێن هُدائے شان و شئوکت تان اَبد برجاه بات. آمین.

Currently Selected:

پولُسئے کاگد په رومیان 16: HPKB

Highlight

Copy

Compare