پولُسئے کاگد په رومیان 15
15
دگرانی هئیالا بدارێن
1ما که ایمانا زۆرمند اێن، باید اِنت نِزۆرێن باورمندانی کَمزۆریان برداشت بکنێن و بَسّ وتی جندئے وشّیانی رندا مبێن. 2چه ما هر یکّے وتی همساهگا وَشّ و رَزا بکنت، تانکه آییئے رُست و رُدۆم ببیت. 3چێا که مَسیه هم وتی جندئے وَشّیانی پدا نهاَت، اَنچُش که نِبشته اِنت: ”تئیی بَد و رَد کنۆکانی بَد و رَد منی سرا کپتگاَنت.“#15:3 زَبور 69:9. 4هر چیزّ که پاکێن کتابان پێسرا نِبیسگ بوتگ، په مئے تالیما نِبیسگ بوتگ، تانکه چه آیانی بَکشاتگێن سَبر و دِلبڈّیا مارا اُمێت برسیت. 5سَبر و دِلبڈّیئے هُدا شمارا اَنچێن زِندے ببَکشات که ایسّا مَسیهئے پئیما گۆن یکدومیگا همدل ببێت، 6تانکه شما په همدلی و همتئواری هُدا، بزان مئے هُداوندێن ایسّا مَسیهئے پِتا ستا و سنا بکنێت. 7نون په هُدائے شان و شئوکتا، شما یکدومیا هما پئیما وشّاتک بکنێت و بزورێت که مَسیها شمارا زرتگ.
یَهودی و دَرکئومانی اُمێت
8شمارا گوَشان که په هُدائے راستیئے پێش دارگا، مَسیه یَهودیانی#15:8 اَسلیگێن یونانی نبشتانکَ گوَشیت: ”سُنّت کرتگێنانی“. هِزمتکار بوت که هما کئول و وادهان پوره و سرجم بکنت که بُنپیرُکان دئیگ بوتگاَتنت و 9اے پئیما دَرکئوم هُدایا په آییئے رَهما ستا و سنا بکننت. اَنچُش که نِبیسگ بوتگ:
”پمێشکا ترا کئومانی کرّا ستا کنان و
تئیی ناما نازێنان.“ # 15:9 سَموێل کازیئے دومی کتاب 22:50؛ زَبور 18:49.
10اے هم گوَشگ بوتگ:
”او دَرکئومان! گۆن آییئے کئوما هۆر شادِه کنێت.“ # 15:10 موسّائے واز 32:43.
11دێمترا:
”او سجّهێن دَرکئومان! هُداوندا بنازێنێت.
سجّهێن راج آییا سَتا و سَنا بکننت.“ # 15:11 زَبور 117:1.
12اِشئیا نَبی هم گوَشیت:
”یَسّیئے ریشّگَ رُدیت،
هما که پادَ کئیت و دَرکئومانی سرا بادشاهیَ کنت،
آییئے سرا دَرکئوم اُمێتَ بندنت.“ # 15:12 اِشئیا نَبیئے کتاب 11:1.
13اُمێتئے هُدا که شما آییئے سرا باور کرتگ، شمئے دلا چه هر پئیمێن وَشّی و اێمنیا پُرّ کنات، تانکه گۆن پاکێن روهئے زۆرا شمئے دل چه اُمێتا سررێچ ببیت.
پولُس په دَرکئومان کاسِدے
14او منی براتان! من دِلجم آن که شما وت چه شَرّی و نێکیا سررێچ اێت، هر پئیمێن زانتا کامل اێت و په یکدومیئے تالیم دئیگا توانا اێت. 15بله من شمئے سرا لهتێن چیزّئے بارئوا په دلێری نِبشته کرتگ که پدا آ چیزّان شمئے یاتا بیاران. اے هما رهمت اِنت که هُدایا منی سرا کرتگ، 16که من په دَرکئومان ایسّا مَسیهئے هِزمتکارے ببان و هُدائے وشّێن مِستاگئے رسێنگئے هزمتا چۆ پێشواێا بکنان. اے کارئے مکسد اِش اِنت که دَرکئوم چه پاکێن روهئے برکتا اَنچێن پَلگارتگێن هئیراتے ببنت که هُدائے بارگاها کبول ببیت.
17گڑا من په ایسّا مَسیهئیگی، په هُدایا وتی کرتگێن هِزمتانی سرا پَهرَ بندان. 18منا بَسّ هما کارانی بارئوا هبر کنگئے دل و جُرَت هستاِنت که مَسیها چه منی دستا، بزان چه منی هبر و کاران کرتگاَنت تانکه دَرکئوم هُدائے پَرمانبرداریا بکننت. 19آییا اے کار چه نشانی و مۆجزهانی واک و کدرتا، گۆن پاکێن روهئے زۆرا کرتگاَنت. گڑا چه اورشَلیما بگر تان ایلیریکومئے دَمگا#15:19 ایلیریکوم مرۆچیگێن رۆنندی بالکانئے دَمگے بوتگ. ، من سجّهێن راها تَرّ و گَرد کرتگ و مَسیهئے وشّێن مِستاگ په سَرجمی جار جتگ. 20منی واهگ بوتگ که مِستاگئے جارا هما جاگهان بجنان که اۆدا مَسیهئے نام کسّا پێسرا نگپتگ و دگرانی اێر کرتگێن بُنردانی سرا چیزّے اَڈّ مکنان. 21بله هما دابا که نِبشته اِنت:
”همایان که آییئے هال نرستگ، آ گِندنت و
همایان که آییئے بارئوا نهاِشکتگ، آ سرپدَ بنت.“ # 15:21 اِشئیا نَبیئے کتاب 52:15.
پولُس دێم په روما
22پمێشکا باز رندا منی دێم دارگ بوتگ که شمئے کِرّا آتک مکنان. 23بله نون په من اے هَند و دَمگان کار کنگا جاگهے پَشت نکپتگ و بازێن سالێا منی واهگ هم بوتگ که شمئے کِرّا بیایان. 24پمێشکا منی دلا اِنت که وهدے من دێم په اِسپانیایا رئوان، شمارا بگندان، گۆن شما وَشّێن گِند و نِندے بکنان و رندا شما منا په دێمترئے سپرا مَدت بکنێت.
25بله نون اورشَلیما، پَلگارتگێنانی هِزمت کنگا رئوگا آن. 26چێا که مَکْدونیَه و اَکایَهئے باوَرمندان شئور کرت که په اورشَلیمئے گریب و نێزگارێن پَلگارتگێنان مالی کُمکّے راهَ دئیێن. 27اے آیانی وتی جندئے شئور اَت. آ په راستی یَهودیانی وامدار اَنت، چێا که وهدے دَرکئوم یَهودیانی روهی برکتان شریکدار بوتگاَنت، آ وامدار اَنت که گۆن وتی مالی هستیا یَهودیانی کُمَکّ بکننت. 28وهدے من اے کار سَرجم کرت و دلجم بوتان که اے کُمَکّ په آیان سر بوتگ، دێم په اِسپانیایا رئوگئے وهدا شمارا گِندُک کنان و گوَزان. 29منَ زانان که وهدے شمئے کِرّا بیایان، گۆن مَسیهئے سَرجمێن برکتانَ کایان.
30او براتان! مئے هُداوندێن ایسّا مَسیهئے ناما و پاکێن روهئے مِهرئے سئوَبا چه شما دَزبندیَ کنان که هُدائے بارگاها په من دْوا بکنێت و اے پئیما منی جُهدانی همراه ببێت. 31دْوا کنێت که چه یَهودیَهئے هُداناپَرمانانی دستا برَکّان و پَلگارتگێن مردم هما مالی کُمَکّا په گَلے بزورنت که من اورشلیما رسێنانی، 32تانکه گۆن هُدائے واهگ و رزایا په شادِه شمئے کِرّا بیایان و گۆن شمئے دیدارا منا نۆکێن واک و توانے برسیت. 33سُهل و اێمنیئے هُدا گۆن شما سجّهێنان گۆن بات. آمین.
Currently Selected:
پولُسئے کاگد په رومیان 15: HPKB
Highlight
Copy
Compare
Share
Want to have your highlights saved across all your devices? Sign up or sign in
© 2016-22 Wycliffe Bible Translators, Inc.
پولُسئے کاگد په رومیان 15
15
دگرانی هئیالا بدارێن
1ما که ایمانا زۆرمند اێن، باید اِنت نِزۆرێن باورمندانی کَمزۆریان برداشت بکنێن و بَسّ وتی جندئے وشّیانی رندا مبێن. 2چه ما هر یکّے وتی همساهگا وَشّ و رَزا بکنت، تانکه آییئے رُست و رُدۆم ببیت. 3چێا که مَسیه هم وتی جندئے وَشّیانی پدا نهاَت، اَنچُش که نِبشته اِنت: ”تئیی بَد و رَد کنۆکانی بَد و رَد منی سرا کپتگاَنت.“#15:3 زَبور 69:9. 4هر چیزّ که پاکێن کتابان پێسرا نِبیسگ بوتگ، په مئے تالیما نِبیسگ بوتگ، تانکه چه آیانی بَکشاتگێن سَبر و دِلبڈّیا مارا اُمێت برسیت. 5سَبر و دِلبڈّیئے هُدا شمارا اَنچێن زِندے ببَکشات که ایسّا مَسیهئے پئیما گۆن یکدومیگا همدل ببێت، 6تانکه شما په همدلی و همتئواری هُدا، بزان مئے هُداوندێن ایسّا مَسیهئے پِتا ستا و سنا بکنێت. 7نون په هُدائے شان و شئوکتا، شما یکدومیا هما پئیما وشّاتک بکنێت و بزورێت که مَسیها شمارا زرتگ.
یَهودی و دَرکئومانی اُمێت
8شمارا گوَشان که په هُدائے راستیئے پێش دارگا، مَسیه یَهودیانی#15:8 اَسلیگێن یونانی نبشتانکَ گوَشیت: ”سُنّت کرتگێنانی“. هِزمتکار بوت که هما کئول و وادهان پوره و سرجم بکنت که بُنپیرُکان دئیگ بوتگاَتنت و 9اے پئیما دَرکئوم هُدایا په آییئے رَهما ستا و سنا بکننت. اَنچُش که نِبیسگ بوتگ:
”پمێشکا ترا کئومانی کرّا ستا کنان و
تئیی ناما نازێنان.“ # 15:9 سَموێل کازیئے دومی کتاب 22:50؛ زَبور 18:49.
10اے هم گوَشگ بوتگ:
”او دَرکئومان! گۆن آییئے کئوما هۆر شادِه کنێت.“ # 15:10 موسّائے واز 32:43.
11دێمترا:
”او سجّهێن دَرکئومان! هُداوندا بنازێنێت.
سجّهێن راج آییا سَتا و سَنا بکننت.“ # 15:11 زَبور 117:1.
12اِشئیا نَبی هم گوَشیت:
”یَسّیئے ریشّگَ رُدیت،
هما که پادَ کئیت و دَرکئومانی سرا بادشاهیَ کنت،
آییئے سرا دَرکئوم اُمێتَ بندنت.“ # 15:12 اِشئیا نَبیئے کتاب 11:1.
13اُمێتئے هُدا که شما آییئے سرا باور کرتگ، شمئے دلا چه هر پئیمێن وَشّی و اێمنیا پُرّ کنات، تانکه گۆن پاکێن روهئے زۆرا شمئے دل چه اُمێتا سررێچ ببیت.
پولُس په دَرکئومان کاسِدے
14او منی براتان! من دِلجم آن که شما وت چه شَرّی و نێکیا سررێچ اێت، هر پئیمێن زانتا کامل اێت و په یکدومیئے تالیم دئیگا توانا اێت. 15بله من شمئے سرا لهتێن چیزّئے بارئوا په دلێری نِبشته کرتگ که پدا آ چیزّان شمئے یاتا بیاران. اے هما رهمت اِنت که هُدایا منی سرا کرتگ، 16که من په دَرکئومان ایسّا مَسیهئے هِزمتکارے ببان و هُدائے وشّێن مِستاگئے رسێنگئے هزمتا چۆ پێشواێا بکنان. اے کارئے مکسد اِش اِنت که دَرکئوم چه پاکێن روهئے برکتا اَنچێن پَلگارتگێن هئیراتے ببنت که هُدائے بارگاها کبول ببیت.
17گڑا من په ایسّا مَسیهئیگی، په هُدایا وتی کرتگێن هِزمتانی سرا پَهرَ بندان. 18منا بَسّ هما کارانی بارئوا هبر کنگئے دل و جُرَت هستاِنت که مَسیها چه منی دستا، بزان چه منی هبر و کاران کرتگاَنت تانکه دَرکئوم هُدائے پَرمانبرداریا بکننت. 19آییا اے کار چه نشانی و مۆجزهانی واک و کدرتا، گۆن پاکێن روهئے زۆرا کرتگاَنت. گڑا چه اورشَلیما بگر تان ایلیریکومئے دَمگا#15:19 ایلیریکوم مرۆچیگێن رۆنندی بالکانئے دَمگے بوتگ. ، من سجّهێن راها تَرّ و گَرد کرتگ و مَسیهئے وشّێن مِستاگ په سَرجمی جار جتگ. 20منی واهگ بوتگ که مِستاگئے جارا هما جاگهان بجنان که اۆدا مَسیهئے نام کسّا پێسرا نگپتگ و دگرانی اێر کرتگێن بُنردانی سرا چیزّے اَڈّ مکنان. 21بله هما دابا که نِبشته اِنت:
”همایان که آییئے هال نرستگ، آ گِندنت و
همایان که آییئے بارئوا نهاِشکتگ، آ سرپدَ بنت.“ # 15:21 اِشئیا نَبیئے کتاب 52:15.
پولُس دێم په روما
22پمێشکا باز رندا منی دێم دارگ بوتگ که شمئے کِرّا آتک مکنان. 23بله نون په من اے هَند و دَمگان کار کنگا جاگهے پَشت نکپتگ و بازێن سالێا منی واهگ هم بوتگ که شمئے کِرّا بیایان. 24پمێشکا منی دلا اِنت که وهدے من دێم په اِسپانیایا رئوان، شمارا بگندان، گۆن شما وَشّێن گِند و نِندے بکنان و رندا شما منا په دێمترئے سپرا مَدت بکنێت.
25بله نون اورشَلیما، پَلگارتگێنانی هِزمت کنگا رئوگا آن. 26چێا که مَکْدونیَه و اَکایَهئے باوَرمندان شئور کرت که په اورشَلیمئے گریب و نێزگارێن پَلگارتگێنان مالی کُمکّے راهَ دئیێن. 27اے آیانی وتی جندئے شئور اَت. آ په راستی یَهودیانی وامدار اَنت، چێا که وهدے دَرکئوم یَهودیانی روهی برکتان شریکدار بوتگاَنت، آ وامدار اَنت که گۆن وتی مالی هستیا یَهودیانی کُمَکّ بکننت. 28وهدے من اے کار سَرجم کرت و دلجم بوتان که اے کُمَکّ په آیان سر بوتگ، دێم په اِسپانیایا رئوگئے وهدا شمارا گِندُک کنان و گوَزان. 29منَ زانان که وهدے شمئے کِرّا بیایان، گۆن مَسیهئے سَرجمێن برکتانَ کایان.
30او براتان! مئے هُداوندێن ایسّا مَسیهئے ناما و پاکێن روهئے مِهرئے سئوَبا چه شما دَزبندیَ کنان که هُدائے بارگاها په من دْوا بکنێت و اے پئیما منی جُهدانی همراه ببێت. 31دْوا کنێت که چه یَهودیَهئے هُداناپَرمانانی دستا برَکّان و پَلگارتگێن مردم هما مالی کُمَکّا په گَلے بزورنت که من اورشلیما رسێنانی، 32تانکه گۆن هُدائے واهگ و رزایا په شادِه شمئے کِرّا بیایان و گۆن شمئے دیدارا منا نۆکێن واک و توانے برسیت. 33سُهل و اێمنیئے هُدا گۆن شما سجّهێنان گۆن بات. آمین.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2016-22 Wycliffe Bible Translators, Inc.